aHeberi 2:3 - Emakhuwa Bible

³ Wootepaxa, nnoopowe hai hiyo nakhootta ovuluwa otokotoko ntoko wu? Ovuluwa wu waathalihiwe woopacera ni Apwiya, ni vahoolowaya woolipihiwa ni yaawo yiiwale.

aHeberi 2:3 Iomraidhean Croise

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 20:6

Vanihukuni nenenenno atthu ammaka mukerekhere ephareiya eniyeere: ‘Moone yeeyo eweereenle yaale naaroromelaahu; yaale naatthimakelaahu weera enikhavihere ni enoopole mwa mwene a wAsiriya. Ni vano? Nniitthawe hai?’ ”

Yesaya 51:5

Ekhaikhaiyaaka enimoowa woowaakuveya; ovuluxawaka ori mphironi ni moonowaaka onooruuhela ekhaikhai miloko. Icirumba sinookiweha siwehereraka moonowaaka.

Yesaya 51:8

Vano tthumpwiha onimwaakhuura ntoko ekuwo; muungu onimwaanyaanya ntoko exapala ya ekhondoolo. Vaheera ororomeleyawaka onoopwaherera wa mahuku ootheene ni ovuluxawaka ikhapira ikhapirasene.

Yesaya 62:11

Yave oolaleera ekotenle elapo: “Munleele mwaana muthiyana a Siyoni: ‘Moone, Mvuluxaanyu onimoowa! Moone, ntthuvelonawe nri ni Yoowo, aani arwaaka ni nlivonawe.’”

Ezekiyeli 17:15

Vaheera mwene aamvaanya yoowo, anarumihela mutthenga wExipitu, avekelaka ikavalu* ni anakhotto ancipale. Weeraka owo sinoomweettela nnene? Yoowo onuupuwela mooteene yoola onootthawa? Owo onoonanariha wiiraana oopoweke nttaruxo?

Ezekiyeli 17:18

Owo aanyoosa nlipelo, ananarihaka wiiraana. Eenre aroromeliha, anapaka itthu sootheene iya, khoopowaru.

Matheyo 23:33

Inowa! Ekhalelo ya evili! Moota heeni muneeraanyu moopowe wa nthorihelo mmooroni?

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Marku 1:14

Yohaane atthukiweene, Yeesu aarowa oGalileiya, alaleiyaka masu ooreeraxa a Muluku.

Luuka 1:2

ntoko nileeliwaahu ni yaale yaari anamoona ni arumeiyi a masu okhuma ompacereroni.

Luuka 1:69

Awo aaniwerela hiyo ovuluxiwa otokotoko mwa muloko wa murimeiyaaya Davide,

Luuka 24:19

“Itthu heeni?” Owo aamukoha. Awo yaamwaakhula: “Seiye simukhumelenle Yeesu muNasarete. Aari Mprofeeti oowera ni masu ni miteko ohoolo wa Muluku ni muloko wa atthu wootheene.

Yohaane 15:27

Ni nyuwotho mmwikhalele onamoona niwoko okhuma ompacereroni mpaka vano muri ni Miyo.

Miteko 1:22

okhuma opatiso wa Yohaane mpaka nihuku Yeesu aawelihingwaawe osulu variyariwahu. Ontthuneya weera mmoha a yaawo akhale namoona a ovenyererawawe vamoha ni hiyo.”

Miteko 2:22

aYixrayeli, mwiiwe masu ala: Muluku aamwaakhulela Yeesu a oNasarete vamaithoniwanyu niwoko na sootikhiniha, ikuru ni ineneero Muluku aapakaawe variyariwanyu mwaha wa Yeesu, ntoko nyuwo munsuwenlaanyu.

Miteko 4:12

Khoowowo ovuluxiwa mwa mukina. Khaniwowo nsina nikina nivahiwe wa atthu mwa nenno ontthuneya weera ninivuluxe.”

aRooma 11:14

munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe.

aRooma 2:3

Hiiho, nyuwo muri mutthu, mwathoriha mpakakatho itthusene seiyo, munuupuwela weera mmoopowe nthorihelo na Muluku?

1 aKorinto 1:21

Muluku aalakela weera amalapo khaangwera omusuwela ni mirukusaya asineenaaya, mwa yeeyo waamusiveliha Muluku waavuluxa yaale anroromela mwaha wa anepa wa olaleiya.

1 aTesalonika 5:3

Akina yeera: “Murettele ni weetta nnene,” vano woowaakuveya ophwatiwa ngwaakhuruwele, ntoko onrweela woowaakuveya ovoreiya wa oyara wa muthiyana, ni awo hata vakhaani khaanrowa woopowa.

1 Timootheyo 1:15

Masu ala ti oororomeleya ni oophwanela waakhuleliwa nnenesene: Kristu Yeesu aarweenle elapo ya vathi waavuluxa anamattheka, ni a yaawo miyo kiri ootepaxa.

Titu 2:11

Vano, mahala a Muluku anruuha ovuluwa ahoonihereya wa atthu ootheene.

aHeberi 1:1

Khalayi Muluku aahuuluma ni makholowaahu imaara sincipale ni moota woohiyanahiyana ni iyano sa maprofeeti;

aHeberi 1:14

Vano, andyelo ari taani? Awo ari minepa soorumeela, sirumihiwe weera saarumeele yaawo eneera ephwanye ovuluwa.

aHeberi 1:2

mahukutho ookisera ala uulumale ni hiyo mwa Mwaana, mwa Yoowo aamukhalinghe Namwaakhela a itthu sootheene, ni mwa Yoowo Muluku opankaawe ephattuwelo yootheene.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

aHeberi 4:11

Tivawo, nilipihere ovolowa wiitthuuwawene weiwo weera ahikhale mukina aneera amore, attharaka ethoonyero ya yaale yahiiwelenle.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Yohaane 1:1

Ninlaleiya mwaha wa Nsu na okumi, mwa nenno naari okhuma ompacereroni. Aani ninlaleiya nenno niiwalaahu, noonnaahu ni maithwaahu, naawehawehaahu, ni nenno matataahu yaattaputtenraaya.

Yuda 1:17

Wa soothesene, oosiveleya, muupuwelele yeeyo yuulummwale ni arummwa a Apwiyaahu Yeesu Kristu.

Ethupululo 7:10

Awo yaakhuwela ni nsu ntokotoko: “Ovuluwa ori wa Mulukwaahu okilaathiye vahiceni ni wa Eputtiputthi.”