aHeberi 2:14 - Emakhuwa Bible

¹⁴ Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

aHeberi 2:14 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Yesaya 25:8

Owo onoophwata khuluwi okhwa. Yave onlamula sootheene onimuukuttha maithori a ikhove sootheene; onoovenxa wuuliheya muru wa mulokwaawe mweelaponi yootheene. Ti Yave eenre.

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Hoxeya 13:14

Miyo kinoowoopola moowerani mwa nihiye; Miyo kinimwaavuluxa mwa okhwa. Ii! Okhwa, mahooxowaanyu ari woowi? Ii! Nihiye, ori woowi ophwatawanyu? Nkinoomorelani ikharari,

Matheyo 16:17

Yeesu aamwaakhula: “Ooreelihiwa ti nyuwo Simeyoni, mwaana a Yoonasi, niwoko yeeyo khamuleeliwe ni mutthu, mene ni Atithaka ari wiirimu.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 12:24

Miyo kinooleelani ekhaikhai weera enuku emoha ya etrigu yaahimorela vatthayani ni yaahikhwa, eniikhale emoha paahi. Yakhwatho, eniyiime soowiima sincipale.

aRooma 14:9

Ti niwoko nna Kristu aakhwenlaawe ni aavenyerenraawe: weera akhale Apwiya a akumi ni akhwiiye.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

1 aKorinto 1:28

Aathanla itthu soohithoonyera etthu sa elapo, soohipwatthiwa ni iye sihikhanle, weera amalihe seiye sinkhala,

1 aKorinto 15:50

Axunnaka, miyo kinoothaliherani weera erutthu ni ephome kheengwera waakhela omwene wa Muluku, hata yeeyo eri yooriheya kheengwera waakhela yoohiriheya.

aGalata 4:4

Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,

aKolosi 2:15

ni awaakhaka ikapwitthi sa ikuru ni otokweene aahuulihiha muru mwaatthuni, awinaka seiye vamuttandani.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

2 Timootheyo 1:10

ni nohooniheriwa vaanaano vaava ngwoonihereyani wa Mvuluxaahu Kristu Yeesu. Owo oophwata okhwa ni oowera okumi ni ohikhwa niwoko na masu ooreeraxa.

aHeberi 10:10

Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 10:5

Tivawo, Kristu awaaka mweelaponi, aaheera: “Yooveleela ni yoovaha khamwaatthunne, mene mwaakirehererela erutthu.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 2:18

Hapo Owo muneenaawe oohaawa eereriwaka, onoowera waakhavihera yaawo aneereriwa.

aHeberi 4:15

Vano, khaninono mutokweenexa a asaserdoti* ohingwera onimorela ikharari ni ohilipawahu, mene aani, Mukina aavinre ngweereriwani wootheene ntoko hiyo, ahitthekakatho.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 20:2

Owo aatthuka edrakoni*, enowa ya khalayi eri Diyabu*, Satana, ni aamutthuka iyaakha macira muloko.