aHeberi 2:10 - Emakhuwa Bible

¹⁰ Aweettihaka ancipale a anamwanaawe wa ovuwa, waatthuneya wa Muluku, Apwiya ni Mpattuxa a itthu sootheene, oomutatuxa Namapacera a ovuluwawaya ookwanela, aviraka moohaawani.

aHeberi 2:10 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Masu a Miruku 16:4

Yave ompakela sootheene mwa yeeyo onuupuwelelaawe; mpaka atakhali wa nihuku na nttaruxo.

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 55:4

Moone, koompaka namoona a miloko, muhooleli ni namalamula a miloko.

Hoxeya 8:10

Arimwiithumiharu eriyari ya miloko, vano kinimwaathukumanyiha, ni woowaakuveya anoopacera woonda moohasulani wa mwene ooweraxa.

Mikeyasi 2:13

Yoowo onghula ephiro, onoorowa ohoolowaya; anoovira vamulako, ekhumeke. Mwenaaya onoovira ohoolowaya, Yave onimwaahoolela.”

Nuumeru 7:15

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Luuka 13:32

Owo aawaakhula: “Mwamuleele khwatte owo: kinimoomola minepa soonanara ni kinoolamiha muloko wa atthu olelo ni omaalo, ni nihuku nanaararu kinookwanihera mutekwaaka.

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Luuka 24:26

Khawaatthuneya weera Kristu ahaawe itthusene seiyo ni avolowe moovuwanimwawe?”

Luuka 24:46

Aaweerela: “Yoolempwa weera Kristu aarwa ohaawa ni ovenyerera mookhwaani nihuku nanaararu,

Yohaane 11:52

Ohikhanle paahi wa muloko wa aYuda, menetho wa anamwane a Muluku amwaramwareiye weera aathukumanyihe mmulokoni mmoha.

Yohaane 19:30

Awurakaru, Yeesu aaheera: “Sookwaniheriwa.” Wa yeeyo, ahuuramiha muru ni aaveleela munepaawe.

Miteko 3:15

Nyuwo mwaamwiiva Mwaneene a okumi, mene Muluku aamvenyereriha mookhwaani. Hiyo nri anamoona a yeeyo.

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 11:36

Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.

aRooma 9:23

Nihimeke eheeni Owo aapankaawe yeeyo weera sisuweliwe mihakhu sa ovuwawawe wa nyaapu sa ikhararisawe Owo orehererenlaawe khalayi ovuwa?

1 aKorinto 2:7

Ohiyanawaya, nnuuluma sa miruku sa Muluku, eyo tiiyo, ntikhinelo naari noowiipithiheya. Nno Muluku oolamulela wa ovuwawahu ehinaaye epacerero ya ehuhu.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

2 aKorinto 3:18

Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.

2 aKorinto 4:17

Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

2 aKorinto 5:18

Soothesene iyo sinrweela wa Muluku, oniiraanyinghe ni Yoowo mwaneenaawe niwoko na Kristu ni oonivaha muteko wa wiiraana:

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

aGalata 3:26

Nyuwo ootheene muri anamwane a Muluku niwoko na nroromelo mwa Kristu Yeesu.

awEfeso 2:7

weera oonihere mihakhu soohilikanxereya sa mahalaawe mwa ihuhu sineera sirwe, mahala awo yooniheriwe wa hiyo mwa Kristu niwoko na oreerawawe murima.

awEfeso 3:10

Yootthuneya ya mahala ala yaari weera ni ekhavihero ya ikerexa, miruku siri soopwahaxa sa Muluku sisuwelihiwe vaanaano vaava wa owera ni ikuru siri wiirimu,

aKolosi 3:4

Kristu ori okumaanyu ooniheriwaka, vano nyuwotho mmooniheriwe ni Yoowo moovuwani.

2 Timootheyo 2:10

Tivawo kimvilelaaka sootheene niwoko na oothanliwa, weera awotho yaakhele ovuluxiwa ori mwa Kristu Yeesu ni ovuwa woohimala.

aHeberi 12:2

ningwehexexaka Yeesu ori ompacereroni ni ommaleloni wa nroromelonahu. Owo aavilela muttanda, aramusaka wuulihawaya muru, asuwelaka ohakalala waamuweherera. Vano ori ekilaathelo moono mulopwana wa ehice ya Muluku.

aHeberi 6:20

mwemmo Yeesu aavolongwaawe ntoko Muhooleli vanipuroniwahu, athatuwaka Mutokweenexa a asaserdoti* oohimala mmukhaleloni wa Melkhisedeki.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 7:28

Vano, nlamulo nnaakhaliha atthu ari oohilipa weera ekhale ahooleli a asaserdoti*, mene nlipelo niphiyale vahoolo wa nlamulo, noomukhaliha Mwaana ookwanela weera akhale Mutokweenexa a asaserdoti* mahuku ootheene.

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.

1 Pedru 5:1

Ntoko mutokweene mukina, kingwooperera asitokweene ari variyariwanyu, kireene namoona a ohaawa wa Kristu, ni woonaka weera nkikhale mpatta wa ovuwa oneera wooniheriwe.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”

Ethupululo 7:9

Vahoolowaya kaaweha, ni ohoolowaka yaakhala atthu ancipalexa mwa yaawo khaawo aawera owaalikela. Yaakhala wa ilapo, ipuumba, miloko, ni muulumo ootheene. Yaarimweemela ohoolo wa ehice ni wa Eputtiputthi, ewanreene mikaandyo sootteela ni emvarenleene mmatatanimwaya kancesa.