aHeberi 12:9 - Emakhuwa Bible

⁹ Ohiya toko yeeyo, naakhalano asitithihu a vathi yaanilaka, ni hiyo nannaattittimiha. Wootepaxa ontthuneya weera hiyo niwiiwelele Atiithi a minepasahu, weera hiiho nikhale ni okumi.

aHeberi 12:9 Iomraidhean Croise

Yobi 12:10

Okumi wa soopattuxiwa sootheene ori mmatatanimwawe nitho ngwiya wa omutthu wootheene.

Okhuma 20:12

Mwaattiitiimihe atithinyu ni amayinyu weera woorakameleni okumi mweelaponi Yave Mulukwaanyu onoovahaaweni.

Masu a Miruku 30:17

Maitho a yoowo onaatthebwa atithawe, ni aatthebwaka, onkhootta owiiwelela amayawe, anoozooliwa ni anakhuku a mureyareyani, ni anoonyaanyiwa ni axaana a marepo.

Namalaleiya 12:7

ni ntthupi nihinaaye ohokoleela vatthayani nikhumelenlaayawo, ni munepa ohinaaye ohokoleela wa Muluku ovanghe.

Yesaya 38:16

Yave, atthu ankhala mwa itthusene seiyo ni munepaaka onkhalatho mwa seiyo. Mookilamiha, munakikhalihatho ni okumi.

Yesaya 42:5

Muluku Yave ti Yoole opattunxe irimu ni aatanle seiye, Yoole otanunxe etthaya ni sootheene simmelamo, Yoole onaavaha ngwiya amakaaya ni okumi wa sootheene sinkhalamo. Vano, Mulukweene Yoowo oneera ha:

Yesaya 45:10

Ii! Wa yoole ongweerela atithawe: ‘Muyanreni?’ Hoye hoye wa amayawe: ‘Muyanreni?’

Yesaya 57:16

Nkinoothera wa mahuku ootheene naari nkimpwaherera onyoonyiwa. Ovirikanawaya, munepa wa omutthu saano okhulumungweene ohoolowaka nitho ngwiya wa mutthu kimpattunxaaka.

Ezekiyeli 22:7

Mpuwamwanyu awosa annaanyoosa atithaya ni amayaya, emuhooxaka namarwa ni emuhasulaka mukwaasuni ni naamukhweli.

Levitiku 19:3

Khula mutthu a nyuwosa aattittimihe amayawe ni atithawe nitho iSaabadusaka. Miyo ti Yave Mulukwaanyu.

Zakariya 12:1

Ala ti masu a Yave mwaha wa aYixrayeli. Yave onkunga erimu, ompaceriha mathipelo a elapo ya vathi ni opattunxe munepa wa mutthu mpuwamwawe, vano Owo onghima:

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

Nuumeru 27:16

“Ii! Dyoontte, Yave Muluku onaavaha okumi akumi ootheene athanlele mutokweene muloko ola,

Luuka 18:2

Owo aaweerela: “Musidadeni emoha aakhala mphuki ahaamoova Muluku, hata khaahelelaxa atthu.

Luuka 18:4

Owo aakhootta vamahukuni makina. Ommaleloni owo aahiixeerela: ‘Naari kihimoovaka Muluku, hata kihaapwatthaka atthu,

Yohaane 3:6

Yaawo angyariwa wa erutthu ti a mweerutthuni, ni yaawo angyariwa wa Munepa ti a mmunepani.

Miteko 2:30

Vano owo aari mprofeeti ni aasuwela weera Muluku aamuroromeliha ni nlipelo weera eera aamwiikaathi mmoha a ekhapiraawe vahiceniwawe.

aRooma 1:3

ni ala yaari mwaha wa Mwanawe, aari ntoko erutthwaawe a ekhapira ya Davide.

aRooma 9:3

Vano miyo koolikana, mpaka kaahaawela weera kilaphiwe ni kimwalanyihiwe ni Kristu niwoko na osivela wa axunnaka, yaawo a mulokwaaka,

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

Deuteronomiyo 27:16

“Oolaphiwa ti yoowo anaaveihe atithawe ni amayawe.” Vano muloko wootheene weereke: “Ame!*”

Yakobe 4:10

Mwiiyeviheke vamaithoni wa Apwiya, ni Awo eniyoovuwiheni.

Yakobe 4:7

Vanonto mmwiiwelele Muluku. Muhimwiiwelele Diyabu*, ni owo anootthaweni.

1 Pedru 5:6

Tivawo, mwiiyevihe vathi va ntata na ikuru sootheene na Muluku, weera Owo oovuwiheni ehuhu yootthuneya.

Ethupululo 22:6

Ndyelo aakeerela: “Masu ala amphwanela ororomeliwa ni ti a ekhaikhai. Apwiya, Muluku a minepa sa maprofeeti, yaamurumiha ndyelowaaya weera ewoonihere arumeiyaaya itthu sihanle vakhaani okhumelela.”