aHeberi 12:29 - Emakhuwa Bible

²⁹ Vano, Mulukwaahu ti mooro woolalihaxa.

aHeberi 12:29 Iomraidhean Croise

2 Samuweli 22:9

Mphulanimwawe waakhuma mwiixi; mmwaano waakhuma mooro woolaliha. Mwa Yoowo ankhuma makhala evarelaka.

Icipo 50:3

Mulukwaahu onimoowa ni khamaala; mooro omvarela ohoolowawe arukureeriweene ettheku.

Icipo 97:3

Mooro onrowa ohoolowawe waahisaka amwiittanaawe a mukhwipimwawe.

Okhuma 15:7

Moowinanimwanyu otokotoko mohaaphwata amwiittanaanyu. Moorumiha isarasanyu soovarela ni iyo sohaahisa ntoko malaxi.

Okhuma 24:17

Vamaithoni wa aYixrayeli ovuwa wa Yave waari ntoko mooro woohisa vasulu mwaako.

Yesaya 33:14

Anamattheka oSiyoni aatteenguwa; yaale ahikhalanne Muluku aanthukumela yeeraka: “Taani a hiyo ongwera opwaherera ni okumi mmooroni woohisa? Taani a hiyo ongwera opwaherera ni okumi mmalumini oohimala?”

Yesaya 66:15

Moone, Yave ongwa ni mooro ni ikaarosawe sa ikavalu* siri ntoko eyuupuru. Onooruuhela vathi onyoonyiwawawe ni isara ni ohiihawawe ni malumi a mooro.

Yeremiya 25:37

Soociha soomaaleleya soohuhuliwa niwoko na mooro wa isara sa Yave.

Ezekiyeli 38:19

Kinghima muhacenimwaka ni moonyoonyiwanimwaka, weera ehuhuweene yeeyo onookhala otetereya otokotoko mulaponi mwa oYixrayeli.

Daniyeli 7:9

Miyo kiwehaka, saahiikaathiwa ihice sa emwene ni Muluku Oohimala aakilaathela. Yoowaraawe yaari yootteela ntoko etthabwe ni mayihaawe etteenleene ntoko mapururu a eputtiputthi. Ehicaawe ya emwene yaariciwa ni mooro ni mareekwaaya yaavarelatho.

Nuumeru 11:1

Waaheereya weera muloko waapacera wiikhupanyera niwoko na sookacamihasaya, emuleelaka Yave. Owo awiiwakaru, isarasawe saapatta ni mooro wa mpatta wa Yave waahaahisa eriyaraaya onalaliha mukhwipi mukina wa waakonelingwe.

Nuumeru 16:35

Vano waahoorwa mooro waakhumelela wa Yave onaalaliha asilopwana macira meeli ni miloko mithanu yaaveleela erubani*.

2 aKorinto 5:11

Hiiho, woonaka weera noosuwela owoova Apwiya, nnaasa waaviriyela atthu. Yeeyo nraahu, yohooniheriwa ohoolo wa Muluku, ni noororomela weera eyo yohooniheriwatho mmirimanimwanyu.

Deuteronomiyo 4:24

Vano, Yave Mulukwaanyu ti mooro onlaliha; Muluku a ehace.

Deuteronomiyo 9:3

Wa soothesene, musuwele nnenesene olelo weera Yave Mulukwaanyu ti Yoowo muneenaawe onrowa ohoolowaanyu ntoko mooro onlaliha. Owo onimwaaphwata aawinaka ohoolowanyu. Nyuwosa munimoomola mphwataka woowaakuveya, ntoko Yave oororomelinghaaweni.

2 aTesalonika 1:7

ni anoovaheeni wiitthuuwa nyuwo munghasuliwa, ni wa hiyotho. Eyo eniikhumelele Apwiya Yeesu eneeraaya yooniheriwe wiirimu variyari wa nlumi na mooro, nivarelaka vamoha ni andyelowaaya a ikuruxa.

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

aHeberi 10:27

Onihalenle paahi oweherera nthorihelo noowoopihaxa na Muluku, ni mooro ovarelaka oniwaahise amwiittana a Muluku.

aHeberi 10:31

Ti woowoopihaxa omorela mmatatani mwa Muluku mukumi.

2 Pedru 3:7

Ni masweene yaawo, wiirimu ni elapo ya vaanaano vaava ensungeriwa mooro, ethokororeliweene nihuku na othorihiwa ni na ophwatiwa wa atthu oonanara.