aHeberi 12:22 - Emakhuwa Bible

²² Nyuwotho moophiya vamwaakoni oSiyoni, wa oYerusaleemu wa wiirimu, wa esidade ya Muluku mukumi. Moophiya wa andyelo oohaalikeleya ethukumanneene ni ohakalala,

aHeberi 12:22 Iomraidhean Croise

2 Mamwene 19:4

Enoowereya weera Yave Mulukwaanyu ohiiwa masu ootheene a mutokweene a anamalaka, mwa yoowo pwiiyaawe, mwene a wAsiriya, aamurumihalaawe omutheya Muluku Mukumi. Yave Mulukwaanyu amuttaruxe niwoko na masu ale. Tivawo, munidyoonttelelele Muluku hiyo nihanle ni okumi.”

Icipo 2:6

“Miyo muneenaaka koomukhaliha mwenaaka oSiyoni, vamwaakoniwaka wootteela.”

Icipo 42:2

Okumaaka onimuhaawela Muluku, aani Muluku Mukumi. Nkivolowe yaakhani weera kiixoonihere wa Muluku?

Icipo 48:2

Mwaakweene yoowo ti wooreeraxa – ohakalala wa elapo ya vathi yootheene. Mwaako Siyoni, esidade ya Mwene Mutokweene, ori ntoko itthomela sa mwaako Zafoni.

Icipo 68:17

Ikaaro sa ikavalu* sa Muluku ti soohaalikeleya. Yave onrwa mwemmo akhumaka oSiyoni wa Nipuronawe Nootteela*.

Icipo 84:2

Okumaaka onghaawelaxa mapuwa a Yave; murimaaka ni erutthwaaka emmwiipela ni ohakalala Muluku Mukumi.

Icipo 87:3

Ii! Esidade ya Muluku, itthu soovuwaxa singhimmwa sa Nyuwo. Sela*

Yesaya 12:6

Amaki a oSiyoni, mukhuwele ni mwiipe ni ohakalala, niwoko Ootteela a oYixrayeli ti Mutokweene variyariwanyu.”

Yesaya 14:32

Yoowaakhula heeni eneeraaya evahiwe anamitthenga a muloko owo? Yoowaakhula ti ela: “Yave ookhaliha oSiyoni ni mwemmo oohasuliwa a mulokwaawe anootthawelamo.”

Yesaya 24:23

Mweeri onooyeviheya ni nsuwa nnimuulihiheya muru niwoko Yave a ikuru sootheene onoolamula vamwaako Siyoni ni oYerusaleemu – oovuwihiweene vamaithoni wa asitokweenaawe.

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 28:16

Vano Yave onlamula sootheene oneera ha: “Moone, kiniikaathi nluku oSiyoni; nluku noowootiwa murima – nluku nooreeraxa noottittimiheyaxa ninkhaliha mathipelo oolipaxa; yoole onroromela nenno khattikinyeyaru.

Yesaya 51:11

Oowoopoliwa a Yave anoohokolowa. Anoovolowa oSiyoni ni wiipa; ohakalala woohimala onookhala icireembasaya. Ohakalalaxa onimwaaphwanya ni ohitteela ni ohihimera onimwaatthawa.

Yesaya 51:16

Koohela maswaaka vayanoniwanyu ni kohoothokororani mmunttuusini mwa matataaka – Miyo kinkunga erimu kihelaka mathipelo a elapo ni kineerela oSiyoni: ‘Nyuwo mulokwaaka.’ ”

Yesaya 59:20

“Mvuluxa onimoowa wa oSiyoni, wa yaale a Yakobe anrukunxa murima mwa sootthekasaya,” onghima Yave.

Yesaya 60:14

Anamwane asilopwana a anamahasulaanyu animoowa ekokhorelaka vanaawoniwanyu; ootheene anoothanyani anookokhorela inaawosanyu ni anoowiitthanani Esidade ya Yave; oSiyoni wa Ootteela wa oYixrayeli.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Yeremiya 17:25

vano mamwene ankilaathi vahiceni ya Davide anoovolowa mmilakoni sa esidade ela vamoha ni anamalakaaya. Awosa ni anamalakaaya animoowa mukaaroni yeettihiwaka ni ikavalu*, ehooliweene ni asilopwana a oYuda ni yaale amanke oYerusaleemu, ni esidade ela enoomakiwa wa mahuku ootheene.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 7:10

Mooloko wa mooro waakhuma ohoolowawe. Atthu ancipalexa yaamurumeela; atthu oohaalikeleya yaaheemela ohoolowawe. Nipuro nuulummwa milattu naapacera nthorihelo ni ilivuru saahuliwa.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Matheyo 16:16

Simeyoni Pedru aamwaakhula: “Nyuwo ti Kristu, Mwaana a Muluku Mukumi.”

Matheyo 5:35

naari ni elapo ya vathi, niwoko ti yoonyikalelaawe ya inaawosawe; naari ni oYerusaleemu, niwoko ti esidade ya Mwene Mutokweene.

aRooma 11:26

Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe.

aRooma 9:26

Ni: “Nipuro naahimmwalaaya: ‘Nyuwo khamuhiyono mulokwaaka,’ vaavaawo nyuwo mmwiitthaniwe ‘anamwane a Muluku mukumi.’”

aGalata 4:26

Vano, Yerusaleemu ya osulu ti neethi, ni eyo ti amayihu.

awEfeso 2:19

Tivawo, nyuwo khamuhiyonotho anamarwa ni amalapo, mene muri maneethi vamoha ni ootteela ni mipatta sa emusi ya Muluku,

Deuteronomiyo 33:2

Owo aaheera: “Yave ohoorwa arweelaka oSinayi, akhumaka ntoko nsuwa iixooniheraka wa yaawo oSeyiri. Aahaarela mulokwaawe vamwaako oParani. Aarwa ni ancipalexa a ootteela a mpatta wa ohitto, okhuma mukerekhere nyaako.

Deuteronomiyo 5:26

Vekhaikhai khawowo mutthu mweelaponi otonke wiiwa nsu na Muluku Mukumi nikhumaka mmooroni, ntoko hiyo niiwalaahu, anapwaherera ni okumi.

aFilipi 3:20

Wa soothesene, hiyo nri atthu a wiirimu, weiwo nningwehereraahu ni murima wootheene Mvuluxa mmoha, Apwiya Yeesu Kristu.

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

2 Timootheyo 4:18

Apwiya eniikivuluxe mwa muteko woonanara wootheene, ni eniikironghe oovuluxiweene moomwenenimwaya wa wiirimu. Wa Yaawo okhale ovuwa mahuku ootheene oohimala. Ame*.

aHeberi 10:31

Ti woowoopihaxa omorela mmatatani mwa Muluku mukumi.

aHeberi 11:10

Vano, owo aaweherera esidade ni mathipelo mwa yeeyo namavaanelaaya ni namatekaaya ti Muluku.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 13:14

Vano, khaninono vathi esidade yoohimala, mene nnaasaasa yeeyo eneera erwe.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

Yoxuwa 3:10

Moota ola munoosuwela weera Muluku mukumi ori variyariwanyu ni weera vekhaikhai onoowoomola ohoolowanyu aKanaani, aHiti, aHivi, aPerizi, aGiregaxini, awAmori ni aYebusi.

Yuda 1:14

Henookhi, ekhapira yanaathannapiili okhuma wa Adamu, aathaliha mwaha wa yaawo: “Moone, Apwiya angwa ni ootteelaaya oohaalikeleya

Ethupululo 14:1

Vano kaaweha, ni ohoolowaka yaaheemela Eputtiputthi vamwaakoni oSiyoni, ni vamoha ni Yeeyo atthu 144 000, vayuuciniwaya yaalempwale nsina na Eputtiputthi ni na Atithaya.

Ethupululo 21:10

Owo aakikuxa mMunepani, akironghaka omwaako mutokotoko woorakamela osulu ni aakoonihera esidade yootteela, Yerusaleemu yaakhuruwa wiirimu wa Muluku.

Ethupululo 21:2

Kaahoona esidade yootteela, Yerusaleemu munyowani, yaakhuruwa wiirimu wa Muluku, yoorehereriwa ntoko ootthomeriwa oophwaneliwa wa iyaya.

Ethupululo 22:19

Akhala mukina omvenxa hata nsu nimoha mwa elivuru ela ya ethalihero ya otthuna wa Muluku, Muluku anaavenxe mpattaawe wa mwiri wa okumi ni wa esidade yootteela, ntoko silempwalaaya mulivuruni mu.

Ethupululo 3:12

Kinimukhaliha namawina marimbu Mpaani mwa Mulukwaaka, ni vaavaawo kharwa akhuma. Nkilepe mwa yoowo Nsina na Mulukwaaka ni nsina na esidade ya Mulukwaaka, Yerusaleemu enyowani, mwa yeeyo enkhuruwa wiirimu wa Muluku ni nkilepetho mwa yoowo nsinanaka nnyowani.

Ethupululo 7:2

Vano, kaamoona ndyelo mukina aweelaka ninkhuma nsuwa, areeneno ewalelo* ya Muluku mukumi. Owo aahaakhuwelela ni nsu ntokotoko andyelo axexe wa yaawo yaavahiwe ikuru weera enanarihe elapo ni ephareiya: