aHeberi 11:6 - Emakhuwa Bible

⁶ Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

aHeberi 11:6 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

Yobi 21:14

Hata hiiho, awosa ammweerela Muluku: ‘Munihiye! Khanintthuna iphirosanyu.’

Icipo 106:24

Vahoolowaya awosa yaaramusa elapo yooreeraxa; khayaaroromenle yoororomelihaawe.

Icipo 119:10

Kinoowaasani ni murimaaka wootheene; muhikihiyeke weera kihihapuwe mmalamulonimwanyu.

Icipo 58:11

Vano atthu eniyeere: “Vekhaikhai oororomeleya nlelo anaakhela ntthuvelonaya; vekhaikhai ookhala Muluku onthoriha elapo ya vathi.”

Icipo 73:28

Vaheera wa miyo ti wooreera okhala vakhiviru wa Muluku. Koomuthanla Yave onlamula sootheene ntoko Wootthawelawaka; kinoolaleiya mitekosanyu sootheene.

Icipo 78:22

yeenre yahimuroromelaka Muluku, hata yahaakhelaka ovuluxawawe.

Icipo 78:32

Hata hiiho, yannapwaherera ottheka; aaroopakaru sootikhiniha sincipale, khayaamuroromenle.

Masu a Miruku 11:18

Mutakhali onaakhela nlivo noolokottheya, vaheera yoowo onaala moota woowookoleleya onghepha ntthuvelo noororomeleya.

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yesaya 7:9

Muru wa Efrayimi ti oSamariya ni muru wa oSamariya ti mwaana mulopwana a Remaliya. Nyuwo mwaahilipa munroromeloni, woohihovela khamulekela.’ ”

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Nuumeru 14:11

Yave aahuuluma ni Moisesi, amweerelaka: “Mpaka yaakhani muloko ola opwahereraka ohikoonelamo? Onuuhiye yaakhani okihovela, kirimooniheraru ineneero sootikhiniheya kipankaaka variyariwaya?

Nuumeru 20:12

Wa soothesene Yave aamweerela Moisesi ni Aharoni: “Nyuwo khamukiroromenle Miyo muhittittimihaka otteelawaka vamaithoni wa aYixrayeli, tivawo nyuwosa khamvolongha muloko ola mulaponi kimvahaaka.”

Matheyo 11:26

Aani Atiithi, vano eyo yohoosivelihani.

Matheyo 5:12

Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Matheyo 6:16

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Matheyo 6:5

Nyuwo mwaavekelaka, muhikhale ntoko anamwiixeera. Awo antthuna ovekela yeemenleene muSinagogani* ni mapuro oowooneya, weera yooniweke ni atthu. Miyo kinooleelani vekhaikhai weera ahaakhelela ntthuvelonaya nootheene.

Marku 16:17

Ineneero iya sineera saahoole yaawo anroromela: Mwa Nsinanaka eniyeereke woomola minepa soonanara, wuuluma muulumo manyowani,

Luuka 12:31

Ohiyanawaya, mwaasaase omwene wa Muluku, ni itthu seiya mmwaandyeerereliwe.

Luuka 6:35

Mwaasivele amwiittanaanyu, mwaapakele yooreera ni ngwoolihe yaawo muhiwehereraka waakhela naari etthu yoohokoloxeriwa. Vano, ntthuvelonanyu nnikhale ntokotoko, ni mmwikhale anamwane a Musulusulu niwoko Owo ti ooreera murima wa yaale oohitthapela ni oonanara.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 8:24

Miyo kohooleelani weera mmwikhwe mootthekanimwanyu. Nyuwo mwaahiroromela weera Miyo kiri, vekhaikhai mmwikhwe mootthekanimwanyu.”

aRooma 10:14

Vano, eniwiitthane hai Yaale yahaaroromenlaaya? Ni eniyaaroromele hai Yaale awo yahiiwalaaya suulummwaka sa Yaawo? Ni eniyiiwe hai, ahikhanle mutthu onlaleiya?

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

aHeberi 11:26

Owo aahuupuwela weera ohasuliwa niwoko na Kristu ti mpuha woopwahaxa mihakhu sa wExipitu, niwoko aawehexexa ntthuvelonawe.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

aHeberi 4:2

Vano, masu ooreeraxa aalaleiwatho wa hiyo, hiiho ntoko wa yaawo, mene mutthenga ale yiiwalaaya khawaatekeleiye etthu, niwoko yaawo yiiwale khayaakhenle mutthenga ole ni nroromelo.

aHeberi 4:6

Vano, woonaka weera yaale khalayeene yiiwale masu ooreeraxa khayaavolongwe ngwiitthuuwani mwa Muluku niwoko na ettiyamaaru, ti ekhaikhai akina ahanle ovolowa.

aHeberi 7:19

woonaka weera malamulo ale khayaawenre yookwanela. Woovoleihiwa wa hiyo oweherera woopwahaxa, mwa yoowo hiyo nimmwaattamelaahuno Muluku.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

2 Pedru 1:10

Tivawo, axunna, mwiilipihere weera mukhale oolipa mwa wiitthanawanyu ni othanlawanyu, niwoko mweettela mweetteloweene yoowo, khamurwa mukwattuliwatho.

2 Pedru 1:5

Tivawo, mwiilipihereke weera mwaandyeerere nroromelonanyu ni oreera murima, ni oreera murimaanyu ni osuwela,

2 Pedru 3:14

Tivawo, oosiveleya, niwehereraka itthu iyo, nilipihe murimaahu weera niphwanyiwe ni Yaawo mmuretteleni, woohikhalano nthowa, naari milattu.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”