aHeberi 11:4 - Emakhuwa Bible

⁴ Munroromeloni Abeli aamvaha Muluku yooveleela yoopwahaxa ya Kayini. Munroromeloni owo aahooneliwa okhala ntoko mutthu owaakhuleliwa ni Muluku, eenre Owo aakhulelaka soovahasawe. Naamwi akhwaaka, munroromeloni nlelo owo onimweera wuuluma.

aHeberi 11:4 Iomraidhean Croise

Epacerero 4:10

Yave aamukoha: “Mpanke eheeni? Mwiiwe, ephome ya munninyu enkikhuwelela Miyo vatthayani.

Epacerero 4:15

Yavetho aamwaakhula: “Khoorwa weereya hiiho. Mukina amwiiva Kayini, anaahaawe woohaalikeleya.” Yave aamwiikaathera Kayini eneneero weera ahikhale mutthu aneera amphwanya, amwiive.

Epacerero 4:25

Adamu aakonanotho mwaariye ni owo aamuyara mwaana mulopwana mukina iitthaniwa Seeti, eeraka: “Muluku ookivaha mwaana mulopwana mukina vanipuroni na Abeli, eenre Kayini amwiivaka.”

Epacerero 4:8

Kayini aamweerela munneiye: “Nrowe omatta.” Ereene hiihaale mmatta, Kayini aammana munneiye, anamwiiva.

1 Mamwene 18:38

Vano mooro wa Yave waamora, onahisa yooveleela, ikhuuni, maluku ni mpaka etthaya, owelelihakatho maahi yaari mulittini.

Yobi 8:10

Awosa animooxuttihani ni animooleelani. Awosa animuuluma masu anrweela mwa ngwiiwexexanimwaya.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 21:27

Sooveleela sa atakhali ti soothanyeya; wootepaxa saaveleeliwaka ni muupuwelo woonanara.

Levitiku 9:24

Yave aarumiha mooro onahisa yooveleela yoohisa ni mipatta sa makhura valtaarini*. Muloko wootheene woonakaru yeeyo, waakhuwela ni ohakalala, onuuramihela vathi ekhovaaya.

Matheyo 23:35

Ni hiiho, ephome yootheene yoororomeleya evuuviheriwe vatthayani, eniyoothoonyereni nyuwo, okhuma ephome ya Abeli oororomeleya mpaka ephome ya Zakariya, mwaana a Barakiya, yoole nyuwo mmwiivalaanyu eriyari ya Empa ya Muluku ni altaari*.

Luuka 11:51

okhuma ephome ya Abeli mpaka ya Zakariya, iiviwe variyari wa altaari* ni Empa ya Muluku. Aani, Miyo kinooleelani weera ekhapira ela eniikhalihiwe ni mulattu wa sootheene seiye.

Titu 1:16

Awo aneera weera aamusuwela Muluku, mene ni mitekosaya anoomukhootta. Ari oothanyeya, oohiiwelela, ni oohiwera opaka hata etthu emoha yooreera.

aHeberi 11:2

Vano, waari niwoko na nroromelo asitokweene a khalayi yaakhenlaaya onamoona wooreera.

aHeberi 12:1

Tivawo, neenre nirukureeriwaka ni anamoona ancipalexa, hiyo niixoopole mwa soothesene sinnooceeliha, ni mwa soottheka sinnitthukaxa. Nnitthimakele ni ovilela ephiro Muluku oniiyaathenraawe ohoolowahu,

aHeberi 12:24

wa Yeesu, Namawera a wiiraana onyowani ni wa ephome emisiwe, mwa yeeyo enuuluma yooreeraxa opwaha ya Abeli.

aHeberi 5:1

Ahooleli a asaserdoti* ootheene anthanliwa variyari wa atthu, ni anthoonyiwa weera emurumeele Muluku mwaha wa atthu, ni weera yoonihere soovaha ni sooveleela niwoko na soottheka.

aHeberi 9:22

Mwa yeeyo, nlamulo ninnyesereriha weera itthu sootheene sitteelihiwe ni ephome, ni ohikhanle ovuuviha wa ephome, kheewowo elevelelo.

2 Pedru 2:8

Vano, akhalaka variyariwaya nihuku ti nihuku, mulopwana owo oororomeleya aathananihiwa mmunepanimwawe niwoko na soonanara oonaawe ni iiwaawe.

Yuda 1:11

Ii! Anoohaawa! Niwoko yaatthara ephiro ya Kayini; ni yaasaka nlivo, yaatthara olokottha wa Balaami; ni yaaphwatiwa moonyakulihanani wa Kore.