aHeberi 11:36 - Emakhuwa Bible

³⁶ Akina yaahaawa ni oveihiwa ni owaxuliwa, akina yaatthukiwatho ni onyooro ni yaawaleliwa okaliposo.

aHeberi 11:36 Iomraidhean Croise

Epacerero 39:20

Apwiyaawe Yoseefe yaarumiha oroweliwa Yoseefe, enamvonyera mukaliposo yaawaleliwaayamo anamatthukiwa a mwene. Vano Yoseefe aakhala mukaliposo.

1 Mamwene 22:24

Zedekiya, mwaana mulopwana a Kenahana, aamwaattamela Mikaya, anammana owiitho, anamukoha: “Okikhumme moota heeni Munepa wa Yave weera wuulume ni nyuwo?”

1 Mamwene 22:27

ni mwaamuleele: ‘Mwene oneera ha: Mungwalele mulopwana ola mukaliposo mumvahaka yooca vakhaani paahi ni maahi mpaka kineeraaka kihokolowe oolipeene.’”

2 Mamwene 2:23

Okhuma vaavaale, Elixa aarowa oBeteli. Eettaka hiihaale mphironi, amiravo akina yaarweela osidade yaamwaattamela, enapacera omutheya emweerelaka: “Owele nantari! Owele!”

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 18:26

ni mweere weera mwene oneera ha: ‘Mungwalele mulopwana ola mukaliposo, mumvaheke yooca vakhaani ni maahi paahi mpaka kineeraaka kihokolowe oolipeene.’”

2 Nyaha 30:10

Anamitthenga yaaviravirasa esidade ti esidade, wEfrayimi ni oManaxe, ni mpakatho oZebuloni, vaheera muloko waahaatheyasa, owuulihihaka muru.

2 Nyaha 36:16

Vaheera awosa yaahaatthebwa anamitthenga a Muluku, enanyoosa maswaawe, ewuulihihaka muru maprofeetaawe, mpaka isara sa Yave opattela mulokwaawe, ni khawaariworu osemba nthorihelo.

Yeremiya 20:2

aalamula weera Yeremiya amaniwe ni atthukeleliwe vatthaabwani vamulako mutokweene wa Benyamini ori vakhiviru wa Empa ya Yave.

Yeremiya 20:7

Ii! Yave, Nyuwo mookilokottha ni koolokottheya ni Nyuwo; Nyuwo mwaari a ikuruxa okipwahaxa miyo ni moowina. Miyo kintthebwiwa mahuku ootheene; ootheene anookitheya.

Yeremiya 29:26

‘Yave ohoothanlani okhala musaserdoti* vanipuroni na Yehoyada ntoko namawehaweha Empa ya Yave; waatthuneya nyuwo omutthukelela vamukhukuluni ni onyooro, akhalaru naanepa oniixoonihera ntoko mprofeeti.

Yeremiya 32:8

Ntoko Yave aahimalaawe, munnaka Hanameeli aahoorwa okikumanano vaate wa emwene vanipuroni na anamalipelela, aneera: ‘Muthume ettimaaka eri wAnatote, mulaponi mwa Benyamini, niwoko emphwanela okuxa nyuwo ni woopola. Muthumeke.’ Vano kaasuwela weera ale yaari masu a Yave.

Yeremiya 36:6

Tivawo murowe Mpaani mwa Yave munihukuni na otthuka ni mwasomele muloko masu a Yave miyo koovanghaakani, mwa yaawo mulempaanyu. Nyuwotho musomele muloko wootheene wa oYuda onrweela mmasidadenimwaya.

Yeremiya 38:28

Yeremiya aapwaherera okhala vanipuwani na anamalipelela mpaka ophiyera nihuku aawiniwaawe Yerusaleemu.

Yeremiya 39:15

Yeremiya areene etthukeliwo vanipuwani na namalipelela, Yave aamweerela:

Daniyeli 11:33

Yaale arino miruku animwaaxuttiiha ancipale, mene wa ehuhu ekinaawosa animwiiviwa ni ekatana, anoohisiwa, anoovariwa ni anoohuhuliwa.

Matheyo 20:19

ni eniimveleele wa amalapo weera emuramuse, engwaxule ni emukhomele vamuttandani. Vanihukuni nanaararu Owo anaavenyererihiwe!”

Matheyo 21:35

Anamalimatho yaahaavara arumeiyaawe: Mmoha yaammana, mukina yaamwiiva ni anaararu yaamvonya maluku.

Matheyo 23:34

Tivawo Miyo kineeraaka koorumiheleni maprofeeti, asuweli ni ahusiha. Akina a yaawo mmwiwiive ni mmwaakhomele, akina mmwaawaxule muSinagoganimwanyu ni mmwaasoonde esidade ni esidade.

Matheyo 27:26

Pilatu aamutaphula Baraba, ni aahaalamulela weera engwaxule Yeesu ni aamvaherera weera akhomeliwe.

Marku 10:34

mwa yaawo eniimveihe, eniimusenyele, eniingwaxule, ni eniimwiive. Yaamalaka mahuku mararu, anaavenyerere.”

Luuka 18:32

Owo anaavahereriwe wa amalapo. Awo eniimutheiye, eniimuruwane, eniimusenyele,

Luuka 23:11

Vano Herodi ni anakhottwaawe yaamveiha ni yaamutheiya. Engwarihaka mukaandyo wooreera, yaamuhokoloxera wa Pilatu.

Luuka 23:36

Anakhotto emwaattamelaka, yaamutheiyatho. Emvahaka eviinyu yoonyuunya,

Miteko 21:33

Muhooleli aaphiya, anamutthuka ni analamulela weera owo atthukiwe ni onyooro miili. Vano aakoha weera owo aari taani ni aapanke eheeni.

Miteko 24:27

Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.

Miteko 4:3

Yaamvara Pedru ni Yohaane ni, weenre wiilaka, yaahaawalela okaliposo mpaka oxaawaya.

Miteko 5:18

Yaahaavara arummwa ni yaahaawalela mukaliposo mwa ebooma.

Miteko 5:40

Awo yaaviriyeliwa ni masu a Gamaliyeli. Yaawiitthana arummwa ni yaalamulela weera ewaaxuliwe. Vahoolowaya yaahaalamulela weera ehuulume mwa Nsina na Yeesu, ni yaahaahiya erowaka.

Miteko 8:3

Vano Sawuli aapacera ophwata ekerexa. Arowaka empa ti empa, aahaatthuka alopwana ni athiyana ni aahaavonyera mukaliposo.

awEfeso 3:1

Mwaha wa yeeyo, miyo Pawulo kiri ootthukiwa a Kristu Yeesu niwoko na woosivelani nyuwo amalapo.

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

2 Timootheyo 1:16

Apwiya emorele ikharari vaate wa Onesiforo, niwoko imaara sincipale owo annakilipiha murima ni khuuliwe muru niwoko na otthukiwawaka.

2 Timootheyo 2:9

mwa yaawo kinghaawa mpaka kootthukiwa ni onyooro ntoko namatakhala. Wa soothesene, masu a Muluku khaatthukiwe.

aHeberi 10:34

Nyuwo mwaahaamorela ikharari yaawo yaari okaliposo, ni mwaahaakhulela ni ohakalala waakhiwa wa sooreelasanyu, niwoko mwaasuwela weera mookhalano sooreela sitokweene ni soohimala.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ahooleli 16:25

Awosa murima waatteenleene, yaakhuwela: “Muniruuhele Samesoni weera nimutthekulele.” Vano aaroweliwa Samesoni mukaliposo, ni owo aahaatthekuliha. Emuronghaleene eriyariya ya amarimbu eeli,