aHeberi 11:32 - Emakhuwa Bible

³² Nkeeretho hai? Nkinono ehuhu yoowuuluma sa Gideyoni, Baraki, Samsoni, Yefte, Davide, Samuweli ni maprofeeti,

aHeberi 11:32 Iomraidhean Croise

Icipo 99:6

Moisesi ni Aharoni yaalikeleliwa mpatta wa asaserdotaawe; Samuweli aari mpatta wa yaale yiitthana Nsinanawe; awosa yannamwiitthana Yave ni Owo annawaakhula.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Matheyo 5:12

Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Luuka 13:28

Vale onuukhale wiinla, ni okhuuriha maino nyuwo muneeraanyu mmoone Abrahaamu, Isaaki ni Yakobe ni maprofeeti ootheene moomweneni wa Muluku, mureenetho nyuwo vaate.

Luuka 16:31

Abrahaamu aamwaakhula: ‘Awo yaahimwiiwelela Moisesi ni maprofeeti, khaanrowatho omwiiwelela hata mmoha awaaka mookhwaani.’”

Yohaane 21:25

Ohiya toko yeeyo, Yeesu aapaka itthu sikina sincipale. Sootheene sa seiyo saalempwale, kinuupuwela weera hata mweelaponi ya vathi yootheene saano ehikhanle mapuro oowaatta wa ilivuru seera silempwe.

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 13:20

Sootheene iye saakhumelela woomalaka ehuhu ya iyaakha 450. Vahoolowaya, owo aahaavaha aphuki mpaka ehuhu ya Samuweli.

Miteko 3:24

Mwa yeeyo maprofeeti ootheene okhuma Samuweli mpaka ohoolo, khula mutthu a yaawo, yaahima sa mahuku ala.

aRooma 3:5

Vano, soohitteelasahu sooniheraka moota wa nnenesene ekhaikhai ya Muluku, nneere hai? Weeraka Muluku ti oohireera woonihela isarasawe? Kinuuluma moota wa omutthu.

aRooma 4:1

Vanonto, nneere hai sa nikholonahu Abrahaamu? Yaamweereenle eheeni owo?

aRooma 6:1

Nneereke hai? Hiyo nnipwaherere ottheka weera mahala yaandyeerereye?

aRooma 7:7

Nneereke hai? Nlamulo ti yoottheka? Hata vakhaani! Mwa yeeyo, miyo nkaasuwela ti heeni yoottheka, ohikhanle niwoko na nlamulo. Vekhaikhai, miyo nkaasuwela ti heeni ohaawela woonanara, nlamulo nahaahimale: “muhihaawele yoonanara.”

Yakobe 5:10

Axunna, ngwuupuwelele maprofeeti yuulumale mwa Apwiya ntoko ethoonyero ya opixa murima moohaawani.

2 Pedru 1:21

niwoko khaawowo masu a maprofeeti arwiiye ni otthuna wa mutthu, mene atthu, yeettihiwe ni Munepa Wootteela, yaahuuluma mpatta wa Muluku.

2 Pedru 3:2

nyuwo muupuwelele masu yuulummwale khalayi ni maprofeeti ootteela ni malamulo a Apwiyaahu ni Mvuluxa arummwaanyu yooxuttihalaayani.

Ahooleli 13:24

Muthiyana ole aamuyara mwaana mulopwana, anamutteha Samesoni. Ole aahunnuwa ni Yave aamureeliha.

Ahooleli 15:20

Samesoni aahaahoolela aYixrayeli wookwana iyaakha miloko miili mmahukuni a aFilisti.

Ahooleli 4:1

Akhwiyeene Ehudi, aYixrayeli yaapakatho soonanara vamaithoni wa Yave.

Ahooleli 6:1

Emaara ekinatho aYixrayeli yaapaka soonanara vamaithoni wa Yave ni wookwana iyaakha ithannapiili Owo aawinnyerera mmatatani mwa aMidiyani.

Ahooleli 6:11

Ndyelo a Yave ahoorwa, anakilaathi vathi wa mwiri wa ekarivalyu* wOfera waari wa Yowaxi, ngwAbiyezeri. Vano mwanawe Gidiyoni eera eepetthaka etrigu munttankhini saamiwa iwuuva* weera awiipithihe aMidiyani.

Ahooleli 6:14

Yave aamurukunuwela eeraka: “Murowe ni ikuru murinaanyu ni mwaatapuxe aYixrayeli mmatatani mwa aMidiyani. Ti Miyo kinoorumihani.”

1 Samuweli 1:20

Hiiho, eviraka ehuhu ekina, Hana aarupala, anamuyarela mwaana mulopwana. Aamutteha Samuweli, eeraka: “Miyo kaamvekenle Yave.”

1 Samuweli 12:11

Vano Yave aamurumiha Yeru-Bahali, Baraki, Yefeta ni Samuweli ni owo oowoopolani mmatatani mwa amwiittanaanyu mipatta sootheene. Hiiho mwaakhala oolipeene.

1 Samuweli 16:1

Yave aamweerela Samuweli: “Mpaka yaakhani muneeraanyu mmwiinlele Sawuli, keenre kimukhootta okhala mwene a aYixrayeli? Musarihe nnyakananyu makhura ni mpwaheke oBeteleheemu. Kinimoorumihani wa Yixai. Koomuthanla mmoha a anamwanaawe asilopwana weera avariwe omwene.”

1 Samuweli 16:13

Vano Samuweli aakuxa nnyaka noosareya makhura, anamuttikitthela vamaithoni wa axunneiye ni okhuma nihuku nenenenne Munepa wa Yave waamurweela Davide mukuruni. Vahoolowaya Samuweli aahokoleela oRama.

1 Samuweli 17:45

Davide aamweerela muFilisti: “Weyo onkaattamela okunxeene ekatana, nivaka ni momba, vaheera miyo kinimoowanano mwa Nsina na Yave a ikuru sootheene, Muluku a anakhotto a aYixrayeli, mwa yaawosa weyo onaadereraawo.

1 Samuweli 2:11

Vahoolowaya Elikana aarowa owaani, vaheera mwaana ole aapacera omurumeela Yave vamaithoni wa musaserdoti* Eli.

1 Samuweli 2:18

Vano Samuweli areene nlelo mmiravo annarumeela vamaithoni wa Yave awanreene mukaandyo wa eliinyu*.

1 Samuweli 2:4

Nyuupa sa anakhotto ooweraxa sohintakiwa, mene oolosowa aasareya ikuru.