aHeberi 11:26 - Emakhuwa Bible

²⁶ Owo aahuupuwela weera ohasuliwa niwoko na Kristu ti mpuha woopwahaxa mihakhu sa wExipitu, niwoko aawehexexa ntthuvelonawe.

aHeberi 11:26 Iomraidhean Croise

Icipo 37:16

Fataari vakhaani ya oororomeleya ohikhanle mihakhu sincipale sa atakhali,

Icipo 69:20

Otheiwa wookiriipiha murima, nkinoona yooweera! Kaasaasa ikharari, mene nkiphwannye; kaahaadyoonttelela anamapepesa, mene khayaawoworu.

Icipo 69:7

Vano kooramusiwa niwoko na Nyuwo ni ekhovaaka yoosareya wuuliwa muru.

Masu a Miruku 11:18

Mutakhali onaakhela nlivo noolokottheya, vaheera yoowo onaala moota woowookoleleya onghepha ntthuvelo noororomeleya.

Masu a Miruku 23:18

Wapaka hiiho, vekhaikhai sinooweettela nnenesene muhoolommo, ni owehererawawo khawooceeleya.

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Matheyo 10:41

Yoowo ommwaakhelela mprofeeti niwoko ori mprofeeti, anaakhele ntthuvelo na mprofeeti, ni yoowo ommwaakhelela mutthu oororomeleya niwoko ori oororomeleya, anaakhele ntthuvelo na mutthu oororomeleya.

Matheyo 5:12

Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Matheyo 6:1

Mwiipasoope weera muhipake mitekosanyu sa ororomeleya mwaatthuni weera mooniwe ni atthu. Mwapaka seiyo, khamurwa mwaakhela ntthuvelo wa Atiithi ari wiirimu.

Luuka 14:14

Nyuwo mmwikhale ooreelihiwa, niwoko awo khaanono moota woowootthuvelani. Ntthuvelonanyu nniwe moovenyererani wa oowaakhuleliwa ni Muluku.”

Luuka 14:33

Mooteene yoowo, akhalaru a nyuwo ohinghiya sootheene orinaawe, khangwera okhala oohuseraaka.

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

2 aKorinto 12:10

Tivawo, niwoko na osivela wa Kristu, kinghakalalela moohilipanimwaka, mooruwaniwani, moohaawani, moottharatthariwani, ngweeteteyani, niwoko kaahilipaka, miyo koolipa.

2 aKorinto 6:10

oothananihiwa, mene mahuku ootheene nihakalalaka, oohaawa, mene naapuhihaka ancipale, nihikhalanaka etthu, mene nikhalanaka sootheene.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

aFilipi 3:7

Mene yeeyo khalayi yaari yoowina wa miyo, vano kinoona ntoko yooriheya niwoko na Kristu.

aHeberi 10:33

Imaara sikina nyuwo mwaaruwaniwa ni mwaari moohaawani mwaatthuni, imaara sikinatho mwaahaawa vamoha ni yaawo yaahaawihiwa hiiho.

aHeberi 10:35

Tivawo, muhiiyeleelihe nroromelo murinaanyu, niwoko nno nnitthuveliwe nnenesene.

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

aHeberi 13:13

Tivawo, nivenye, nirowaka wa Yoowo okerekhere wa esidade, nivilelaka ohittittimihiwa Owo ovilenlaawe.

aHeberi 2:2

Vano, mutthenga waarumihiwe ni andyelo waari woottittimeheyaxa, moota wooweera ootheene yaawo yaatthenke, naari yahiiwelenle, ahaakhela nttaruxo noophwanela.

1 Pedru 1:11

Yaasaasa woonelela ehuhu ni sookhumelela ni ekhavihero ya ithoonyero saavahiwa ni Munepa wa Kristu. Vano, Munepa waari mwa yaawo waalaleiya soohaawa Kristu eeraawe avilele ni ovuwa eeraawe aakhele.

1 Pedru 4:14

Nyuwo mwaruwaniwa niwoko na Nsina na Kristu, munookhala ooreelihiwa, niwoko Munepa wa ovuwa, Munepa wa Muluku onkhala mwa nyuwo.

Ethupululo 2:9

Koosuwela sohooxasanyu ni osiwaanyu, mene nyuwo muri ni mihakhu! Koosuwela oveiha wa yaawo aniixeerela aYuda ehikhanle, ereene toko eSinagoga* ya Satana.

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”