aHeberi 11:17 - Emakhuwa Bible

¹⁷ Munroromeloni Abrahaamu, ootiwaka murima ni Muluku, aamuvaha Isaaki ntoko yooveleela. Yoole aakhelenle soororomelihiwa aahanle vakhaani omwiiva mwanawe mmoharu,

aHeberi 11:17 Iomraidhean Croise

Epacerero 22:16

“Kiniilipela Miyo muneenaaka: Mweenre mpakaka yeeyo, muhikikhoottiheraka mwaninyu mmoharu,

2 Nyaha 32:31

Vaheera alamuli a oBabiloniya yaarumihalaaya anamitthenga weera yamukohe mwaha wa eneneero yootikhiniha yeereiye mulaponi, Muluku aamuhiya weera amoote murima ni asuwele sootheene saari vamurimaniwawe.

Masu a Miruku 17:3

Eyuuma yoorikaxa ni eparatha* sinrehereriwa vayikho, vaheera ti Yave onoota mirima sa atthu.

Daniyeli 11:35

Akina a anamiruku anookwakwathuwa weera awosa etteelihiwe, etotoxiwe ni epakiwe moota wookwanela mpaka ommaleloni wa ehuhu niwoko ommaleloni nlelo onoophiya mweehuhuni yoothanliwa.”

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

2 aKorinto 8:12

Wakhala otthuna, ovaha ti woowaakheleya ntoko yeeyo mutthu orinaawe, ehikhanle ntoko yeeyo ohikhalannaawe.

Deuteronomiyo 8:2

Muupuwelele moota Yave Mulukwaanyu oweettihalaaweni munkwahani wootheene munikareni wookwana iyaakha miloko mixexe iye. Owo aahooyevihasani awootakani murima, eerelaka osuwela yeeyo eri mmirimanimwanyu ni mwaariki mwiiwelele malamulowaawe hoye hoye mwaahiiwelela.

aHeberi 11:13

Ootheene ale akhwiiye munroromeloni. Awo khayaakhenle soororomelihiwa, yoonne ni yunkheliwe iye ottaiwene paahi, esuwelaka weera yaari anamarwa ni aletto mweelaponi.

aHeberi 7:6

Wa soothesene, mulopwana owo, ahaakhanle a epuumba ya Leevi, aahaakhela yanaamuloko ni aamureeliha Abrahaamu aarino soororomelihiwa.

Yakobe 5:11

Ntoko nyuwo musuwenlaanyu, hiyo ningwiitthana ooreelihiwa yaale yaavilenle. Nyuwo mohiiwa sa opixa murima wa Yobe, ni mohoona ommaleloni Apwiya yaamurehererenlaaya. Apwiya oosareya murima wooreera ni omorela ikharari.

1 Pedru 4:12

Oosiveleya, muhitikhine ni sooweereriwa soolipaxa sinkhumelela variyariwanyu, ntoko ereene etthu yootikhiniheya.

Ethupululo 3:10

Woonaka weera nyuwo moothokorora maswaaka aneera muvilele, Miyotho nkoothokororeni wa ehuhu yooweereriwa yeeyo ehanle vakhaani ophiyera elapo ya vathi yootheene, weera eweerere yaawo ankhala vathi.