aHeberi 11:12 - Emakhuwa Bible

¹² Hiiho wa mulopwana ole ari ohikhalanaru ikuru, yaakhuma atthu ancipale ntoko ithenyeeri sa wiirimu soowaatta, ni oohaalikeleya ntoko ehaava ya mukerekhere wa ephareiya.

aHeberi 11:12 Iomraidhean Croise

Epacerero 15:5

Muluku aamulamulela okhumela vaate, anamweerela: “Ngwehe wiirumu. Moone, mwawera, waalikela ithenyeeri. Niwoko hiiho oneeraaya okhale waatta wa atthu a ekhapiraanyu.”

Epacerero 22:17

vano vekhaikhai Miyo nkooreeliheni. Ekhapiraanyu eniikhale yoowaattaxa ntoko ithenyeeri sa wiirimu ni muhaava wa mukerekhere wa ephareiya. Aani, ekhapiraanyu eniiwine isidade seiyo sineera siittane ni yeeyo.

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 32:12

Nyuwo moororomeliha weera munookeettihera nnenesene sootheene, nitho ekhapiraaka enimwaandyeerereya, ntoko muhaava wa mphareiya, ohinaalikeleya.”

2 Samuweli 17:11

Tivawo kinoovahaakani miruku iya: Mwaathukumanyihe aYixrayeli ootheene okhuma oDani mpaka oBerxeba – ancipalexa ntoko mihaava sa mphareiya. Ni nyuwo muneenaanyu mwaahooleleke mukhottoni.

1 Mamwene 4:20

Muloko wa aYixrayeli waari woohaalikeleyaxa. Awosa yannaca, yannawura, ehakalalaka.

1 Nyaha 27:23

Davide khaawaalikenle asilopwana oohikwaniha iyaakha miloko miili, niwoko Yave aaroromeliha weera aangwaattiha aYixrayeli ntoko ithenyeeri sa wiirimu.

Nehemiya 9:23

Mwaahaakhaliha anamwanaaya asilopwana oowaattaxa ntoko ithenyeeri sa wiirimu ni mwaahaavolonghasa mweelaponi, mwa yeeyo mwaaroromelinghaanyu asitithaya.

Okhuma 32:13

Muupuwelele sa arumeiyaanyu Abrahaamu, Isaki ni Yakobe. Nyuwo mwaahiilipela: ‘Nkaandyeerere ekhapiraanyu ntoko ithenyeeri sa wiirimu ni kinoovaha elapo yootheene ela kaaroromelinghaaka. Eniikhale yoohiyeriwaaya wa mahuku ootheene.’”

Yesaya 10:22

Naari mulokwaanyu oYixrayeli okhalaka ntoko muhaava wa mphareiya, oohalahala vakhaani ti eneera ehokolowe. Ophwatiwa oolamuliwa ni onimoowa woosareya ekhaikhai.

Yesaya 48:19

Ikhapirasanyu saano sikhanleene ntoko ihaava sa ephareiya ni anamwaniinyu oohaalikeleya; masinaaya saano ehimalihiwe naari ehiphwatiwe ohoolowaka.”

Yeremiya 33:22

Ekhapira ya murumeiyaaka Davide ni aLeevi anrumeela ohoolowaka kinimwaattiha ntoko ithenyeeri sa wiirimu ni oohaalikeleya ntoko ihaava sa muxerexere ephareiya.’”

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Habakuki 1:9

Awosa ootheene anrwa etthunaka opuhera paahi. Atthu oowaattaxa anrwa ntoko epheyo ya munikareni yaatthukaka atthu oohaalikeleya.

aRooma 9:27

Mprofeeti Yesayatho onghima mwaha wa aYixrayeli: “Naamwi aYixrayeli yaantteene ntoko ehaava ya mphareiya, eniivuluxiwe atthu vakhaani paahi,

Deuteronomiyo 1:10

Yave Mulukwaanyu oowaandyeererasani moota wooweera olelo khamureere ntoko ithenyeeri sa wiirimu.

Deuteronomiyo 28:62

Nyuwosa khalayi mwahaareere waatta ntoko ithenyeeri sa wiirimu mmwivukuwase muhalaka vakhaani niwoko na ohimwiiwelela Yave Mulukwaanyu.

Yoxuwa 11:4

Yaahoorwa ni anakhottwaaya ni ikavalu* ni ikaarosaya sincipale; anakhotto oowaattaxa, ntoko muhaava wa mukerekhere wa ephareiya.

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.

Ahooleli 7:12

Vano, aMidiyani, awAmaleki ni miloko sootheene sikina sa mpatta ninkhuma nsuwa saathukumana mureyareyani. Yaahaattaxa ntoko nasope ohinaalikeleya. Hiiho ntoko ehaava ya mphareiya nave khayaalikeleya ahaacaaya.

1 Samuweli 12:5

Samuweli aaweerela: “Yave ni oottikittheliwaawe ari anamoonaanyu olelo weera nyuwosa khamphwannyeru nthowa mookumunimwaka.” Awosa yaamwaakhula: “Yave ti Namoona.”