aHeberi 10:30 - Emakhuwa Bible

³⁰ Vano, noomusuwela Yoole eenre: “Isikula ti sawaka, ti Yoomi kinrowa ottaruxa.” Nitho: “Apwiya eniithorihe mulokwaaya.”

aHeberi 10:30 Iomraidhean Croise

Icipo 135:14

Yave onimwaakiha mulokwaawe ni onimwaamorela ikharari arumeiyaawe.

Icipo 50:4

Oniitthana wiirimu osulu ni elapo ya vathi weera athorihe mulokwaawe:

Icipo 94:1

Ii! Yave, Muluku Nakukuttula; Ii! Muluku Nakukuttula – mwaare!

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Yesaya 59:17

Oowarela ororomeleya ntoko malaya a eyuuma vakakasani ni ekapasete ya ovuluxa mmuru; oowarela ikukuttula ni ohiikuttelelano nthiti ntoko nireene mukaandyo.

Yesaya 61:2

Ookirumiha weera kilaleiye eyaakha ya murima wooreera wa Yave ni nihuku na ikuhu sa Mulukwaahu, weera kaapepese ootheene anlalamika ni

Yesaya 63:4

Vano nihuku na ikuhu naari mmurimwanimwaka ni eyaakha ya woopola yoophiya.

Ezekiyeli 18:30

Ii! Muloko wa oYixarayeli, vanonto Miyo kinimoothorihasani, khula mutthu kimuttharihelaka mweettelowaawe, onghima Yave onlamula sootheene. Murukunxe murima! Muhiye soonanarasanyu sootheene weera yoottheka ehoomoroxeni.

Ezekiyeli 34:17

Wa nyuwo, muhuwaaka, Yave onlamula sootheene oneera ha: Kinoothoriha khula ekhondoolo ni anapunci a ikhondoolo ni anapunci a ipuri.

Levitiku 19:18

Muhaasaase wiinlela ikukuttula naari muhimunyoonyeriwe mukina a mulokwaanyu, vaheera munsivele mukhwiinyu ntoko muniisivelaanyu. Miyo ti Yave.

Nahumi 1:2

Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo.

aRooma 12:19

Oosiveleya, muheettele isikula, mene muhiyere yeeyo wa isara sa Muluku, niwoko yoolempwa: “Apwiya yeenre: ‘Isikula ti sawaka. Miyo nkittaruxe.’”

aRooma 13:4

Atthu a ikuru ari arumeiyi a Muluku wa mpuhaanyu. Mwapakatho yoonanara, ngwoove, niwoko awo khaankuxa ekatana woohikhala nthowa. Ari arumeiyi a Muluku, atthu ankwanihera nttaruxo weera emuttaruxe yoowo ompaka yoonanara.

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

1 Samuweli 25:26

Vano pwiiyaaka, kinlipela mwa Nsina na Yave ni mwa okumaanyu – ti Yave oohiihaleni owiiva atthu hoye hoye wiinla ikukuttula ni matataanyu. Amwiittanaanyu ni ootheene anaasaasa woopakelani yoonanara ettaruxiwe ntoko Nabali.

1 Samuweli 26:10

Kinlipela mwa Nsina na Yave weera Owo muneenaawe onoomwiiva, hoye hoye eniiphiyere ehuhu ni owo anaakhwe, naari anaarowe okhottoni ni anaariheye.