aHeberi 10:27 - Emakhuwa Bible

²⁷ Onihalenle paahi oweherera nthorihelo noowoopihaxa na Muluku, ni mooro ovarelaka oniwaahise amwiittana a Muluku.

aHeberi 10:27 Iomraidhean Croise

Icipo 21:9

Nyuwo mwaaphiyaka, munimwaapakela niikho noovihaxa. Musaranimwawe Yave onimwaahonona ni moorowaawe onimwaahisa.

Yesaya 26:11

Ii! Yave, ntatananyu nootheteiwa, mene awosa khaanoona. Awosa yooneke nthiti munkhalelaanyu mulokwaanyu ni yuulihiheye muru; mooro athokororeliwaaya amwiittanaanyu waalalihe.

Yesaya 33:14

Anamattheka oSiyoni aatteenguwa; yaale ahikhalanne Muluku aanthukumela yeeraka: “Taani a hiyo ongwera opwaherera ni okumi mmooroni woohisa? Taani a hiyo ongwera opwaherera ni okumi mmalumini oohimala?”

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Ezekiyeli 36:5

Yave onlamula sootheene oneera ha: Muhacenimwaka moopatta, kohuulumela miloko sihanle ni wEdomi wootheene, niwoko moohaawelani ni murima woonanara yaakhaliha elapwaaka okhala yawayeene, weera ehuhule mihuwosaya.’

Ezekiyeli 38:19

Kinghima muhacenimwaka ni moonyoonyiwanimwaka, weera ehuhuweene yeeyo onookhala otetereya otokotoko mulaponi mwa oYixrayeli.

Daniyeli 5:6

Aahookhwa maririmela ni aahoovaxa moota wooweera makuthaawe yaamanana ni khaawera weemela.

Hoxeya 10:8

Altaari* a Empa ya Sootakhala ari soottheka sa aYixrayeli, anoophwatiwa. Nyiiwa ni malaxi sinimunnuwa saakutteleleke altaaraaya*. Vano awosa eniyeerele nyaako: “Munikhuneele!” Ni wa mattumuxa: “Munipittuwele!”

Yoweli 2:30

Nkoonihere sootikhiniha wiirimu ni vathi: ephome, mooro ni amarimbu a mwiixi.

Nahumi 1:2

Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo.

Zefaniya 1:18

Eparathaaya* ni eyuumaaya yoorikaxa khayaatapuxa vanihukuni na isara sa Yave. Mmooroni wa ehacaawe, enoolalihiwa elapo yootheene, niwoko Owo onimwaamaliha wootutuxereya ootheene ankhala mulaponi.”

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

Malekiya 4:1

“Vano, vekhaikhai nihuku ntokotoko nnoophiyera ntoko ttukuttha. Anamwiixoona ootheene ni atakhali ootheene anookhala ntoko ikokhola, ni nihuku nno ninrwa onimwaapattela mooro,” oneera Yave a ikuru sootheene. “Khoohalaru mukwankhwaari naari mano nikukhu.

Nuumeru 16:35

Vano waahoorwa mooro waakhumelela wa Yave onaalaliha asilopwana macira meeli ni miloko mithanu yaaveleela erubani*.

Matheyo 13:42

Awo eniyaavonyere mmooroni, weiwo oneeraaya okhale wiinla ni okhuuriha maino.

Matheyo 13:50

Eniyaavonyere anamatakhala mmooroni, weiwo oneeraaya okhale wiinla ni okhuuriha maino.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Matheyo 3:10

Epaso eri yoolikaneene weera ethikile mikwankhwaari sa nyiri. Nyiri sootheene sihiniima soowiima sooreera, sinoothikiliwa ni sinoovonyeriwa mmooroni.

Matheyo 3:12

Yoowo ookhalano ethelo mmatatanimwawe weera amveere namwaali a etrigu. Anaathokorore etrigu vatathani, ni anaamuhise namwaali mmooroni woohimala.”

Matheyo 8:29

Vano awo yaakhuwela: “Mwaana a Muluku, muntthuna eheeni ni hiyo? Mwaaweenle va onihooxa ehinaaye ophiya ehuhuwaahu?”

Luuka 16:24

Vano aawiitthana: ‘Tiithi Abrahaamu, mukimoreleke ikharari miyo, ni munrume Lazaru anaanihe okhwipi wa ekathaawe mmaahini weera ariirihe nluminaka, niwoko kinnahaawaxa mmooroni ola.’

Luuka 19:27

Mwaha wa amwiittanaaka, yaale yahaatthuna weera miyo kaalamule, mwaaruuhe va ni ngwiive vamaithoniwaka.’”

Luuka 21:26

Atthu eniikomoke, yoovaka yeeyo eneera ekhumelele ni elapo ya vathi yootheene. Ikuru sa wiirimu nsittikinyeye.

Luuka 23:30

Vano, mmweerele nyaako: ‘Munipittuwele’ ni wa mattumuxa: ‘Munikhuneele.’

Yohaane 5:29

Yaale yaapanke yooreera eniivenyerere wa okumi, ni yaale yaapanke yoonanara weera ethorihiwe.

Deuteronomiyo 32:43

Ii! Miloko ni mulokwaaya, mmwiipele ni ohakalala, niwoko Owo onimwiinlela ikukuttula ephome ya arumeiyaawe. Onimwaatthuvela ni ikukuttula amwiittanaawe apakaka wiiraana wa elapwaawe ni mulokwaawe.”

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

aHeberi 12:29

Vano, Mulukwaahu ti mooro woolalihaxa.

aHeberi 2:3

Wootepaxa, nnoopowe hai hiyo nakhootta ovuluwa otokotoko ntoko wu? Ovuluwa wu waathalihiwe woopacera ni Apwiya, ni vahoolowaya woolipihiwa ni yaawo yiiwale.

aHeberi 9:27

Mooteene yoowo okhaliheriwaawe mutthu okhwa emaara emoha paahi ni vahoolowaya athorihiwe ni Muluku,

Yakobe 5:3

Iyuumasanyu soorikaxa soociwa murawa, ni murawaaya onuuwoothereni ni onuukhuure erutthwaanyu ntoko mooro. Nyuwo mohaattano mihakhu mahuku ookisera ala.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

1 Samuweli 2:25

Mukina amutthekela mukhwaawe, enoowereya weera Yave onoomukhavihera, mene mulopwana amutthekela Yave, taani anaamukhavihere?” Wa soothesene, anamwanaawe khayiiwelela ohiiha wa atithaya, niwoko Muluku aatthuna owiiva.