aHeberi 10:10 - Emakhuwa Bible

¹⁰ Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 10:10 Iomraidhean Croise

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Yohaane 17:19

Miyo kinimwiitteeliha niwoko na yaawo, weera awotho ekhale ootteelihiwa mwa ekhaikhai.

Yohaane 19:34

Ohiya yeeyo, nakhotto mmoha aamuhoma mpararinimwawe ni nivakanawe ni woowaakuveya yaakhuma ephome ni maahi.

Yohaane 6:51

Miyo ti Yooca ya okumi yaakhurungwe wiirimu. Mukina aneera ace Yooca ela, anaakhale ni okumi mahuku ootheene. Yooca ela ti erutthwaaka kineeraaka kivahe weera elapo ya vathi ekhale ni okumi.”

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 6:11

Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

awEfeso 5:26

weera atteelihe, arapihaka ni maahi niwoko na masu,

aHeberi 10:12

Vaheera Musaserdoti* Ola, amalihakaru yooveleelaawe yoohimala emoharu wa yoottheka, aakilaathi moono mulopwana wa Muluku.

aHeberi 10:14

Vano, niwoko na yooveleela emoharu Owo ohaakwaneliha wa mahuku ootheene yaawo antteelihiwa.

aHeberi 10:20

mphironi enyowani ni ekumi Owo onihulenlaawe eviraka mukuwoni etokotoko, eyo tiiyo mweerutthunimwawe,

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

aHeberi 10:5

Tivawo, Kristu awaaka mweelaponi, aaheera: “Yooveleela ni yoovaha khamwaatthunne, mene mwaakirehererela erutthu.

aHeberi 13:12

Hiihotho Yeesu aahaawa okerekhere wa milako sa esidade weera atteelihe muloko niwoko na ephomaawe.

aHeberi 2:11

Vano, Yoowo ontteeliha ni yaawo antteelihiwa, anrweela wa mmoha paahi. Tivawo Yeesu khanuuliwa muru woowiitthana axunneiye.

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

aHeberi 5:7

Wa mahuku ootheene a okumaawe a mweelaponi, Yeesu annamvekela ni annamdyoonttelela, akhuwelaka ni maithori Yoowo aawera omvuluxa mookhwaani, ni iiwiwe niwoko na wiiwelelawawe otokotoko.

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 9:12

Owo aavolowa emaara emoharu paahi mwa nootteela na ootteela*, ohikhanle ni ephome ya ipuri, naari ya imombe ixaana, mene ni ephomaawe mwaneenaawe, ni hiiho aakwanihera ovuluwa woohimala.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Yohaane 5:6

Yeesu Kristu ti Yoole orwiiye, aviraka mmaahini ni mphomeni. Khoohiyono paahi mmaahini, mene mmaahini ni mphomeni. Ni Munepa ti Yoowo onkhalela onamoona, niwoko Munepa ti ekhaikhai.