aHeberi 1:3 - Emakhuwa Bible

³ Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 1:3 Iomraidhean Croise

1 Nyaha 29:11

Ii! Yave, otokweene, owera, ovuwa, ottittimiheyaxa ni waara ti wawinyu, niwoko sootheene siri wiirimu ni vathi ti sawinyu. Ii! Yave, omwene ti wawinyu. Nyuwo moopwahaxa itthu sootheene.

Yobi 37:22

Mpatta wa ottuttuwani Owo ongweela ngwaarani mwa ekoore ya eyuuma yoorikaxa; Muluku ongwa moovuwani otokotoko.

Icipo 110:1

Yave onimweerela pwiiyaaka: “Mukilaathi moonowaaka mulopwana mpaka kineeraaka kiwiikaathi amwiittanaanyu vathi wa inaawosanyu.”

Icipo 75:3

Elapo ya vathi ni milokosaya sootheene saatetereyaka, ti Miyo kinlipiha mathipelowaaya. Sela*

Namalaleiya 8:4

Vano, masu a mwene ti ooceendyeya, ni khaawo ongwera omukoha: “Mumpaka eheeni?”

Levitiku 15:15

Musaserdoti* iiveke – nimoha ntoko yooveleelela yoottheka ni nikina ntoko yooveleela yoohisa. Moota ola onoomurehererela wiiwanana ni Yave vamaithoni wa Yoowo niwoko na wiittheya.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Matheyo 22:24

“Muhusiha, Moisesi aaheera weera mulopwana akhwa woohimuhiya mwaana mulopwana, munneiye amutheleke naamukhweli, anaamuhiyere ekhapira.

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 1:4

Okumi waari mwa Nenno, ni Nno naari waara wa atthu.

Miteko 2:33

Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

Miteko 7:56

ni aaheera: “Moone, kinoona wiirimu woohuleya ni Mwaana a mutthu eemenleene moono mulopwana wa Muluku.”

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

aKolosi 3:1

Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 1:13

Muluku khanamweerele naari ndyelo mmoha: “Okilaathi moonowaaka mulopwana mpaka kineeraaka kiwiiyaathi amwiittanaawo vathi va inaawosawo.”

aHeberi 10:12

Vaheera Musaserdoti* Ola, amalihakaru yooveleelaawe yoohimala emoharu wa yoottheka, aakilaathi moono mulopwana wa Muluku.

aHeberi 12:2

ningwehexexaka Yeesu ori ompacereroni ni ommaleloni wa nroromelonahu. Owo aavilela muttanda, aramusaka wuulihawaya muru, asuwelaka ohakalala waamuweherera. Vano ori ekilaathelo moono mulopwana wa ehice ya Muluku.

aHeberi 4:14

Tivawo, woonaka weera nookhalano Mutokweenexa a asaserdoti* mutokotoko, Yeesu, Mwaana a Muluku ovolongwe wiirimu, nivarexexe ni murima wootheene nroromelo ninlapaahu.

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 8:1

Moone, marimbu oottittimiheyaxa hiyo nninghimaahu ti ola: nookhalano Mutokweenexa a asaserdoti*, ntoko Ola, mwa Yoowo okilaathiye wiirimu moono mulopwana wa ehice ya Otokweene,

aHeberi 9:16

Mwaha wa etestamentu*, ontthuneya woonihera weera yoowo opanke yeeyo, ohookhwa,

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.

2 Pedru 1:16

Nuulumalaahu sa ikuru ni orwa wa Apwiyaahu Yeesu Kristu, khaninaatthara andiisi a atthu yaawuupuwelaaya. Ohiyanawaya, hiyo naahoona ni maithwaahu otokweenaaya.

2 Pedru 1:17

Awo ahaakhela ovuwa ni nttittimiho wa Muluku Atiithi, nsu na ovuwa otokotokoxa neenraaya: “Ola ti Mwanaka oosiveleya, onkisiveliha.”

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

Yuda 1:25

wa Muluku mmoharu, Mvuluxaahu okhale ovuwa, otokweene, ikuru ni olamula niwoko na Yeesu Kristu Apwiyaahu, okhuma ehinaaye ehuhu yootheene, vaanaano vaava ni wa mahuku ootheene. Ame*.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”