aHeberi 1:10 - Emakhuwa Bible

¹⁰ Vanotho eenre: “Ompacereroni Nyuwo, Apwiya, mwaahiiyaathi mathipelo a elapo ni wiirimu ori miteko sa matataanyu.

aHeberi 1:10 Iomraidhean Croise

Epacerero 1:1

Ompacereroni Muluku aapattuxa erimu ni vathi.

Icipo 19:1

Wiirimu onlaleiya ovuwa wa Muluku; musulusulu onlaleiya miteko sa matataawe.

Masu a Miruku 8:29

aahelaawe nyiinano sa mphareiya weera maahi ehivoleelane, aakhalihaawe nyiinano sa mathipelo a elapo.

Yesaya 40:12

Taani omphima maahi a mphareiya ni ntata? Taani omphima waanuwa wa wiirimu ni nikuphi? Taani onringa elapo ya vathi olemelawaya hoye hoye omphima nyaako ni mattumuxa olemelawaya?

Yesaya 42:5

Muluku Yave ti Yoole opattunxe irimu ni aatanle seiye, Yoole otanunxe etthaya ni sootheene simmelamo, Yoole onaavaha ngwiya amakaaya ni okumi wa sootheene sinkhalamo. Vano, Mulukweene Yoowo oneera ha:

Yesaya 48:13

Kaapaka mathipelo a elapo ya vathi ni matataaka ni ntatanaka noolopwana naakunga erimu; Miyo kiitthanaka seiyo, sootheene sineemela vamoha.

Yesaya 51:13

Munimuttiwalelani Yave Mpattuxaanyu, mwa Yoole okunge erimu ni opanke mathipelo a elapo? Heeni munkhalaanyu ngwoovani mahuku ootheene niwoko na isara sa anamahasula antthunaxa ophwata? Vano siri woowi isara sa anamahasula?

Yesaya 51:6

Ngwehe wiirimu ni moone elapo ya vathi; erimu enoolakaseya ntoko mwiixi ni elapo enoothaala ntoko ekuwo ni amakaaya animookhwa ntoko ikulihi. Vaheera ovuluxawaka onoopwaherera wa mahuku ootheene ni ororomeleyawaka khoorwaru wooceela.

Yesaya 64:8

Wa soothesene, Nyuwo, Yave, ti Atithihu; Hiyo nri oloko, Nyuwo Namoopa; hiyo ootheene nri muteko wa matataanyu.

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Zakariya 12:1

Ala ti masu a Yave mwaha wa aYixrayeli. Yave onkunga erimu, ompaceriha mathipelo a elapo ya vathi ni opattunxe munepa wa mutthu mpuwamwawe, vano Owo onghima:

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.

aHeberi 12:27

Masu “emaara emohatho” anthoonyera ovenxiwa wa seiye singwereya oteterexiwa, eyo tiiyo itthu sipattuxiwe, moota wooweera sihale seiyo sihingwereya oteterexiwa.

Ethupululo 3:14

“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.