aGalata 5:3 - Emakhuwa Bible

³ Kinghimatho wa ootheene yaawo aniihiya yiineliwaka, weera awo annyesereriwa okwanihera malamulo ootheene.

aGalata 5:3 Iomraidhean Croise

Nehemiya 9:34

Mamwenaahu, asitokweenaahu, asaserdotaahu ni asitithihu khayaattharinghe Nlamulonanyu; khayiiwelenle soolamulelasanyu naari owoopererawanyu.

Matheyo 23:16

Ii! Munoohaawa nyuwo, oohoona anamweettiha oohoona. Vano, nyuwo muneera: ‘Mukina alipela ni Empa ya Muluku, eyo kheentaphulela etthu, mene mukina alipela ni eyuuma yooreeraxa ya Empa ya Muluku, owo onoonyesereriwa ni olipelawawe.’

Matheyo 23:18

Nyuwo muneeratho: ‘Mukina alipela ni altaari*, eyo kheentaphulela etthu, mene mukina alipela ni yoovaha eri vasulu wa nenno, owo onoonyesereriwa ni olipelawawe.’

Luuka 16:28

niwoko kookhalanowo axunna athanu. Munrume weera owo awooperere axunnaka, weera awo ehiwetho vanipuroni nna na ohaawaxa.’

Miteko 15:1

Alopwana akina yaahoorwa ekhumaka oYudeiya mpaka wAntiyokiya, ni yaahaahusiha axunna yeeraka: “Nyuwo mwaahiineliwe ntoko ekhovelelo yaaxuttihiwe ni Moisesi, khamungwera ovuluxiwa.”

Miteko 2:40

Ni masu mancipale makina owo aawooperera ni aahaanyeserera awo: “Mwiivuluxe wa ekhapira ela yootakhala.”

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

aRooma 2:25

Wiineliwa onkhala wootthuneya nyuwo mwiiwelelaka nlamulo, mene nyuwo mwaahiiwelela nlamulo, wiineliwawanyu woothatuwa ohiineliwa.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 5:2

Mwiiwe nnene yeeyo miyo, Pawulo, kinooleelaakani: Nyuwo mwiinelihiwa, Kristu khamuteko wa nyuwo.

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

Deuteronomiyo 27:26

“Oolaphiwa ti yoowo anaaheettele masu a Nlamulo nna.” Vano muloko wootheene weereke: “Ame!*”

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”

Deuteronomiyo 8:19

Nyuwosa mwamuttiwala Yave Mulukwaanyu muttharaka ni mulapaka miluku sikina weera mukokhorele ohoolowaya, kinoororomelihasani olelo weera vekhaikhai munoophwatiwa.

1 aTesalonika 4:6

Mwaha wa yeeyo, ahikhale mukina aneera amutthekele munneiye, naari ampakele yoonanara. Apwiya eniittaruxe miteko sootheene iyo, ntoko nooleenlaahuni nnenesene,

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.