aGalata 4:4 - Emakhuwa Bible

⁴ Yaaphiyalaaya ehuhu eneeneene, Muluku aamuruma Mwanawe, aayariwa mwa muthiyana, munlamuloni,

aGalata 4:4 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Yesaya 48:16

Mukaattamele ni mwiiwe yeeyo: Okhuma maswaaka oopacera nkuulumme muxiirini; mweehuhuni sineeraaya sikhumelele Miyo kinookhalawo. Vano Yave onlamula sootheene ookirumiha ni Munepaawe.”

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yeremiya 31:22

Ii! Mwaana muthiyana oohiroromeleya, mpaka yaakhani nyuwo munxoraxoraanyu? Yave oopattuxa etthu enyowani mulaponimu: Muthiyana onimwaakiha nakhotto.”

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Nuumeru 28:22

Mumveleele napunci a ipuri ntoko yooveleelela yoottheka, weera mwiirehererelase wiiwanana ni Muluku.

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Matheyo 3:15

Yeesu aamwaakhula: “Muhiye hiiho! Ontthuneya weera nikwanihere yeeyo Muluku ontthunaawe.”Yohaane aamwaakhulela.

Matheyo 5:17

Muhuupuwele weera kaaweenle omaliha nlamulo, hoye hoye maprofeeti. Nkiweenle omaliha, mene okwanihera seiyo.

Marku 1:15

Owo anneera: “Yoophiya ehuhu! Omwene wa Muluku wookhuveela. Murukunxe murima, ni muroromele masu ooreeraxa!”

Luuka 1:31

Nyuwo munoorupala ni munoomuyara Mwaana Mulopwana, ni munoomutteha Nsinanawe Yeesu.

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Luuka 2:7

ni Mariya aamuyara Mwaana Mulopwana a ntthaaranawe. Aamvitikelela ikuwo ni aamwiikaathi munikhoolani, niwoko khanaariwo nipuro wa yaawo mpaani mwa aletto.

Luuka 20:44

Vano, Davide ongwiitthana ‘Apwiya.’ Ongwereya hai okhala mwanawe?”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 10:36

ankha Yoole Atiithi amutteelinghaaya ni amuruminghaaya mweelaponimu? Vano, heeni nyuwo munkootheraanyu weera kinooveiha keeraka weera kiri Mwaana a Muluku?

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 6:38

Vano, kookhuruwa wiirimu khoohiyono opaka otthunawaka, mene otthuna wa Yaawo akiruminghe.

Yohaane 8:42

Yeesu aaweerela: “Muluku aari atithinyu, nyuwo mwaamukisivela niwoko Miyo kaawiiye wa Muluku, ni vaanaano kiri va. Miyo nkiwiiye wa muneenaakaru, mene wa Awo akiruminghe.

Miteko 1:7

Owo aaweerela: “Khoontthuneya nyuwo osuwela ehuhu, hata nihuku Atiithi alakenlaaya ni ikurusaya aneenaaya,

aRooma 1:3

ni ala yaari mwaha wa Mwanawe, aari ntoko erutthwaawe a ekhapira ya Davide.

aRooma 15:8

Vano miyo kinooleelani weera Kristu oothatuwa murumeiyi a aYuda niwoko na ekhaikhai ya Muluku, weera alipihere seiye yaaroromelihiwaaya asitokweene a khalayi.

aRooma 5:6

Mwa yeeyo, ehuhu yootthuneya, hiyo naaraahu nlelo oohiwereene, Kristu aahaakhwela oohitteela.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

awEfeso 1:10

weera athukumanyihe mwa Yoowo itthu sootheene siri wiirimu, naari sa vathi, yaaphiyaka ekwanihero ya ehuhu.

aKolosi 2:14

ni aamaliha ekaratta ya sookopasahu ni soonyesereriwasaya, mwa seiyo saanoothenre hiyo niwoko na nlamulo. Owo aavenxa ekaratta ele, akhomelaka vamuttandani,

1 Timootheyo 2:6

mwa Yoowo iilenve mwaneenaawe weera awoopole atthu ootheene – onamoona waavahiwe ehuhu yootthuneya.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

aHeberi 9:10

woonaka weera saapwatthela paahi sooca, soowura, miteko soohiyanahiyana sa orapiha ni maahi, malamulo oomokoni soolamuliwa paahi, mpaka ehuhu ya wiiraana onyowani.

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.

1 Yohaane 4:2

Nyuwo munoowera osuwela Munepa wa Muluku moota ola: Munepa wootheene onlapa weera Yeesu Kristu owiiye mweerutthuni, orwiiye wa Muluku.