aGalata 3:1 - Emakhuwa Bible

¹ aGalata alolo! Yoolongweni taani? Mwaahooniheriwa Yeesu Kristu ntoko othomeiwalaawe vamuttandani.

aGalata 3:1 Iomraidhean Croise

Matheyo 24:24

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Matheyo 7:26

Vaheera yoowo oniiwa maswaaka yaala ni ahiiwelela, ori ntoko mutthu oohileeleya otenke empaawe vamuhaavani.

Luuka 24:25

Owo aaweerela: “Nyuwo onnoohaleelani wiiwexexa ni munnalekela ororomela sootheene seiyo yaalokolenlaaya maprofeeti.

Miteko 16:6

Pawulo ni asikhwaawe yaaheetta elapo ya oFrisiya ni oGalasiya, yooceelihiweene ni Munepa Wootteela olaleiya masu a Muluku elapo ya wAsiya.

Miteko 6:7

Hiiho masu a Muluku yaamwareela. Wannasareya woowaakuveya waatta wa oohusera oYerusaleemu, nitho asaserdoti* ancipale yaahiiwelela nroromelo.

aRooma 10:16

Wa soothesene, khaahiyono aYixrayeli ootheene yaakhulenle masu ooreeraxa. Vano Yesaya eenre: “Apwiya, taani ororomenle mutthengaahu?”

aRooma 2:8

Nsikhaletho isara ni ottaruxiwa wa yaawo ari oowiipwattha asineenaaya paahi, yaawo ankhootta ekhaikhai ni antthara soonanara.

aRooma 6:17

Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

1 aKorinto 11:26

Vano, mahuku ootheene muneeraanyu muceeke epaawu ela ni muwureke ekoomixi ela, munlaleiya okhwa wa Apwiya mpaka eneeraaya ewe.

1 aKorinto 2:2

Vano kaaraaka eriyaraanyu, kaalakela weera nkimpwatthelaru etthu ekina, ahikhanle Yeesu Kristu, ni Owo oothomeiwa.

2 aKorinto 10:5

Nimphwata owana ni masu, ni wiixoona wootheene oniikhumelelihera osuwela wa Muluku. Hiyo nimvara soowuupuwela sootheene weera sithatuwe soomwiiwelela Kristu.

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

aGalata 1:2

Ni ya axunna ootheene ari ni miyo. Wa ikerexa sa elapo ya oGalata:

aGalata 1:6

Kiniitikhina weera nyuwo munimuhiya woowaakuveya Yoole aawiitthanneni ni mahala a Kristu weera mutthare masu makina.

aGalata 2:14

Koonaka weera awo khayeentte ntoko ekhaikhai ya masu ooreeraxa, kaamooperera Pedru variyari wa atthu ootheene: “Nyuwo muYuda, vano khamunkhala ntoko muYuda, mene ntoko oohikhala aYuda. Tivawo, ongwereya hai waanyeserera atthu oohikhala aYuda otthara ekhalelo ya aYuda?”

aGalata 3:3

Weeraka muri alolo moota wooweera mwaapacenraanyu ni Munepa Wootteela, vano muntthuna omalihera ni ikurusanyu asineenaanyu?

aGalata 4:9

Vanonto, nyuwo munsuwenleene Muluku, hoye hoye fataari, musuweliweene ni Yoowo, mungwera hai nyuwo ohokoleela mikhalelo iyo, soolosowa ni sa siiyo? Muntthuna okhalatho ipotthasaya?

aGalata 5:11

Axunnaka, miyo nlelo kalaleiya wiineliwa, heeni nlelo kinttharatthariwaaka? Mooteene hiiho, wuuliha muru wa muttanda woovenxiwawo.

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

awEfeso 4:14

Hiiho hiyo khanikhalatho anamwane, nikuxiwe wa mpatta mukina ni mukhwaaya ni mitekuteku, hata khannoopeliwa wa nno ni iwe ni epheyo yootheene ya mahusiho makina, naari niwoko na soovaanela soolokottha soowootha sa atthu anaathweeleliha akina mphironi ya ekhaikhai.

awEfeso 5:15

Mwiipasoope ni mweettelowaanyu – khaahiyono ntoko alolo, mene ntoko asuweli,

Deuteronomiyo 32:6

Muloko wa anepa ni ololo! Ti hiiho muntthunaanyu omuhokoloxera Yave ni mwettelo ola? Owo ti tiithiinyu ni Mpattuxaanyu mwa Yoowo oopattunxeni oovahakani okumi.

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

1 Timootheyo 6:4

vano owo ti oowiixoona ni khaniiwexexa etthu, akhalanaka soohaawela soonanara wa ovaanyihana ni onyakulihana mwaha wa masu, ni iyo sinrowa ophiya ni nrima, waakhulana, oruwana, ihovasi soonanara

aHeberi 11:8

Munroromeloni Abrahaamu, iitthaniweene, aahiiwelela ni aarowa vanipuroni, mwa nenno vahoolowaya eeraawe aakhele ntoko nawawe, aari mweeraru ahisuwenle aarowaawewo.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

2 Pedru 2:18

Awo anuuluma masu oowiixoona a siiyo, ni anaalokottha ni soohaawela soohiisuumaaliha sa erutthu yaawo aneera waatthawa yaale ankhala mwa soonanara.

Ethupululo 18:3

niwoko ilapo sootheene soowura eviinyu ya soohaawela sa oraruwawaya. Mamwene a elapo ya vathi aararuwano, ni ananakoso yaareela asineenaaya ni mihakhusawe soowaatta.”

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.