aFilipi 4:19 - Emakhuwa Bible

¹⁹ Mulukwaaka anaavahe sootheene munghaawelaanyu ni mihakhusawe soovuwa mwa Kristu Yeesu.

aFilipi 4:19 Iomraidhean Croise

Epacerero 48:15

Vano aamureeliha Yoseefe eeraka: “Muluku aareelihe anamwane ala. Makholowaaka Abrahaamu ni Isaki yaamurumeela Muluku Owo, ni Owo aari Mukukhulaaka mahuku ootheene mpaka olelo.

2 Samuweli 22:7

Ngwoovanimwaka kaamwiitthana Yave; kaamukhuwelela Mulukwaaka. Mpaanimwawe aahiiwa nsunaka; okhuwelawaka ohiiwa.

2 Nyaha 18:13

Wa soothesene, Mikaya aaheera: “Kinlipela mwa Yave Mukumi weera kinoohima paahi yeeyo aneeraawe alamulele Mulukwaaka.”

2 Nyaha 31:8

Hezekiya ni asitokweenaawe yaaphiyalaaya yoonaka saathukumanyihiwaayamo soovaha, yaamvuwiha Yave, enaareeliha aYixrayeli, mulokwaaya.

Nehemiya 5:19

Mukuupuwelele ni murima wooreera, Yave, niwoko na sootheene seiye kipakenlaaka muloko ola.

Nehemiya 9:15

Yaavoliwaaya etala, mwaahaavaha sooca saarweela wiirimu ni yaavoliwaaya ntthona mwaahaakhumihera maahi vamwala. Mwaahaalamulela ovolowa ni okuxa elapo mwaalipenlaanyu mwaaroromelihaka waavaha.

Icipo 104:24

Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

Icipo 130:7

Ii! aYixrayeli! Munroromele Yave, niwoko mwa Yoowo wookhala osivela woororomeleya ni ovuluxa wookwanela.

Icipo 36:8

Awosa anca sa seiye saattiye Mpaanimwanyu ni munimwaavaha owura sa moolokwaanyu wa ohakalala.

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Daniyeli 6:22

Mulukwaaka aamurumiha ndyelowaawe ni owo oowala iyano sa amwatto. Awosa khaakivulalinghe niwoko koophwanyiwa woohinthowa vamaithoniwawe. Hata nkipankeru etthu yoonanara ohoolowanyu, amwene.”

Mikeyasi 7:7

Vaheera wa miyo, kiningwiriyanela Yave, kiwehereraka mwa Muluku, Mvuluxaaka; Mulukwaaka onookiiwa.

Malekiya 3:10

Muruuhe sanaamuloko sootheene onsungiwa muhakhu weera ekhale yooca owannyaka. Mukooteno murima yeeyo,” oneera Yave a ikuru sootheene, “ni moone kaahihula milako sa wiirimu kooyeeherakani mareeliho mpaka muneeraanyu muhikhaleno woosungawo.

Matheyo 6:32

Amalapo ti yaawo anghaawano itthusene seiyo. Atiithitho a wiirimu ansuwela weera nyuwo muntthuna seiyo.

Yohaane 20:17

Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

Yohaane 20:27

Vano aamweerela Tomaxi: “Muvoleihe ekathaanyu; moone matataaka. Mookole moonowaanyu ni muvoleihe ntata mpararinimwaka. Muhihovele – muroromele!”

aRooma 1:8

Woopacerani, kinnamuttottopela Mulukwaaka mwa Yeesu Kristu niwoko na nyuwo ootheene, seenre mweelaponi moothemwene suulummwaka sa nroromelonanyu.

aRooma 11:33

Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe?

aRooma 2:4

Weeraka nyuwo munramusa mihakhu sa murimaawe wooreera Muluku, opixa murima, ni oweherera ni ovilela wa Muluku, muhisuwelaka weera murima wooreera wa Muluku onooronghani woorukunxani murima?

aRooma 8:18

Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo.

aRooma 9:23

Nihimeke eheeni Owo aapankaawe yeeyo weera sisuweliwe mihakhu sa ovuwawawe wa nyaapu sa ikhararisawe Owo orehererenlaawe khalayi ovuwa?

2 aKorinto 12:21

Kinoovatho weera kooxekurakani veeli, Mulukwaaka anaakiyevihe ohoolowanyu, ni nkikhupanye niwoko na ancipale yaatthenke khalayi ni ahirukunxale mirimasaya wa ohitteela, oraruwa, ni ohuureya yaapankaaya.

2 aKorinto 4:17

Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

awEfeso 2:7

weera oonihere mihakhu soohilikanxereya sa mahalaawe mwa ihuhu sineera sirwe, mahala awo yooniheriwe wa hiyo mwa Kristu niwoko na oreerawawe murima.

awEfeso 3:16

Kimvekela weera mwaha wa mihakhu soovuwaxa, Awo anoolipihani ni ikuru niwoko na Munepa onkhala mmirimanimwanyu,

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

aFilipi 4:7

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

Filemone 1:4

Mahuku ootheene kinnamutthapela Mulukwaaka, kiwuupuwelakani nyuwo mmavekelonimwaka,

1 Pedru 5:1

Ntoko mutokweene mukina, kingwooperera asitokweene ari variyariwanyu, kireene namoona a ohaawa wa Kristu, ni woonaka weera nkikhale mpatta wa ovuwa oneera wooniheriwe.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.