aFilipi 4:1 - Emakhuwa Bible

¹ Tivawo, axunnaka, nyuwo kinoosivelani ni kingwunkhelani, ohakalalawaka ni ecireembaaka, mukhaleke oolipeene mwa Apwiya, oosiveleya!

aFilipi 4:1 Iomraidhean Croise

Yobi 31:36

Vekhaikhai miyo kaamukuxa yeeyo veetthuuri ni kaangwara ntoko ecireemba.

Icipo 125:1

Yaale animuroromela Yave ari ntoko mwaako Siyoni mwa yoowo ohingwereya ottikinyiwa, mene ompwaherera wa mahuku ootheene.

Icipo 27:14

Mungweherere Yave, mukhale oolipa ni oominya murima; mungweherere Yave!

Matheyo 10:22

Atthu ootheene eniyoothanyeeni niwoko na Miyo, mene yoowo anaavilele mpaka ommaleloni, anaavuluxiwe.

Yohaane 8:31

Yeesu aaweerela aYuda yaamuroromenle: “Nyuwo mwapwaherera ni nthiti mwa nsunaka, vekhaikhai munookhala oohuseraaka.

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 2:42

Awo yaakhala ni nthiti mwaha wa nihusiho na arummwa, wiiwanana, omeyanya wa epaawu ni mmavekeloni.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

1 aKorinto 15:58

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

2 aKorinto 1:14

ntoko nyuwo munniiwexexaanyu vakhaani, mmwiiwexexetho vancipale weera munoowera wiivuwiha niwoko na hiyo, hiiho ntoko hiyo nniivuwihe niwoko na nyuwo vanihukuni na Apwiya Yeesu.

aGalata 5:1

Kristu oonitaphula hiyo weera nikhale vekhaikhai maneethi. Tivawo, mpwaherere oolipeene ni muhiihiye muvolowakatho moolemelani wa okaporo.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 1:8

Muluku ti namoonaaka moota miyo kunkheliwaka ni nyuwo ootheene moosiveliwani vancipale mwa Kristu Yeesu.

aFilipi 2:16

Mvarexexe nnenesene masu a okumi weera, vanihukuni na Kristu, wiixoonihereye weera nkitthimanke naari nkivanre muteko wa siiyo.

aFilipi 2:26

Vano owo onunkheliwa ni nyuwo ootheene ni onimweeteteya, niwoko mwaahiiwa weera owo aamvoreiwa.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 aTesalonika 3:13

Awo elipihere mirimasanyu weera mukhale oohikhala malepa ni ootteela vamaithoni wa Mulukwaahu Atiithi moorwani mwa Apwiyaahu Yeesu vamoha ni ootteelaaya ootheene.

2 aTesalonika 2:15

Tivawo, axunna, mupwaherere ni murima woolipa ni muvarexexe masu muxuttihiwaanyu, hata ekhove ni ekhove, naari ni ekarattaahu.

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

aHeberi 10:23

Nivarexexe nnenesene oweherera ninlapaahu, niwoko Yoowo ororomelihale ti oororomeleya.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

aHeberi 4:14

Tivawo, woonaka weera nookhalano Mutokweenexa a asaserdoti* mutokotoko, Yeesu, Mwaana a Muluku ovolongwe wiirimu, nivarexexe ni murima wootheene nroromelo ninlapaahu.

2 Pedru 3:17

Tivawo, oosiveleya, musuwelaka yeeyo, mwiipasoope weera muhikuxiwe ni olokottha wa atakhali, naari muhiyeleele olipawanyu.