aFilipi 3:9 - Emakhuwa Bible

⁹ ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

aFilipi 3:9 Iomraidhean Croise

Epacerero 7:23

Soopattuxiwa sa okumi sootheene saari mweelaponimu saaphwatiwa – okhuma atthu, hiihotho mpaka inama sitokweene ni ikhaani, seiye siniipurula vathi ni ipalame sa wiirimu – sootheene saaphwatiwa. Vano aahanle Nowe ni seiye saari ni yoowo munikulani paahi.

1 Mamwene 8:46

Onoowereya aYixrayeli wootthekelani, niwoko khaawo ohinttheka. Yootthekelani, Nyuwo munimwaanyoonyeriwa ngwinnyereraka mmatatani mwa amwiittana weera yaavare ootthukiweene yaaronghaka elapwaaya – ekhalaka ya ottai hoye hoye ya vakhiviru.

2 Nyaha 32:25

Vaheera Hezekiya aathatuwa oowiixoona, ohicelanaka onnene aapakeliwaawe; tivawo isara sa Yave saammorenlaaya owo, oYuda ni oYerusaleemu.

2 Nyaha 32:31

Vaheera alamuli a oBabiloniya yaarumihalaaya anamitthenga weera yamukohe mwaha wa eneneero yootikhiniha yeereiye mulaponi, Muluku aamuhiya weera amoote murima ni asuwele sootheene saari vamurimaniwawe.

Icipo 14:3

Ootheene aahapuwa; ootheene aathatuwa oonanara murima. Khawoworu ompaka yooreera naari mano mmoha!

Icipo 143:2

Muhimuronghe murumeiyaanyu onthoriheloni, niwoko khawoworu ori oohikhalano nthowa vamaithoniwanyu.

Icipo 19:12

Taani onsuwela sootapanyasawe sootheene? Mukilevelele sootapanya seiyo kihisuwenlaaka.

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

Yesaya 46:13

Kinkhuveeliha ororomeleyawaka; khoonkhala ottaiwene; ni ovuluxawaka khawooceelihiwa. Kinoovaha oSiyoni ovuluxa ni waarawaka wa oYixrayeli.”

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yesaya 53:6

Hiyo ootheene nooriheya ntoko ikhondoolo, khula mutthu a hiyo oohapuwa; ni Yave oomureya Yoowo sootakhala sa ootheene hiyo.

Yesaya 6:5

Kaakhuwela: “Maayi miyo! Miyo kooriheya! Niwoko kiri mutthu a eyano yoohitteela ni kinkhala variyari wa muloko wa iyano soohitteela, ni vano maithwaaka aamoona Mwene, Yave a ikuru sootheene!”

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 33:16

Mmahukuni awo oYuda onoovuluxiwa ni oYerusaleemu onookhala woolipeene, Nsina aneeraawe iitthaneliwe ti nna: Yave ti ekhaikhayaahu.’

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

aRooma 1:17

Vano, mwa masu ooreeraxa onimooniheriwa waakhuleleya wa Muluku. Okhuma ompacereroni mpaka ommaleloni, waakhuleleya wu ti niwoko na nroromelo, ntoko elempwaaya: “Yoole onaakhuleliwa ni Muluku niwoko na nroromelo, anaakhale ni okumi.”

aRooma 10:10

niwoko ni murima munroromela weera mwaakhuleliwe ni Muluku, nitho ni eyano munlapa weera mvuluxiwe.

aRooma 16:7

Mmuulumihe Adroniko ni Yuniya, amusaaka yaari mukaliposo vamoha ni miyo. Ari oosuwanyeya variyari wa arummwa, ni yaari mwa Kristu kihinaaye miyo.

aRooma 5:21

mooteene yoowo weera, hiiho ntoko yoottheka elamunlaaya mookhwaani, hiihotho mahala elamule niwoko na waakhuleliwa ni Muluku, eruuhaka okumi woohimala mwa Yeesu Kristu Apwiyaahu.

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

2 aKorinto 5:17

Tivawo, mukina akhala mwa Kristu, ti opattuxiwa onyowani. Itthu sa khalayi soovira; sinyowani sohoorwa.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aGalata 2:16

noosuwela weera mutthu khanaakhuleliwa ni Muluku niwoko na miteko sa nlamulo, mene ni nroromelo mwa Yeesu Kristu. Hiihaawo hiyotho noororomela mwa Kristu Yeesu weera nikhale oowaakhuleliwa ni Muluku niwoko na nroromelonahu mwa Kristu. Khanaakhuleliwe niwoko na miteko sa nlamulo. Mwa yeeyo ni miteko sa nlamulo khaawo anaakhuleliwe ni Muluku.

Deuteronomiyo 27:26

“Oolaphiwa ti yoowo anaaheettele masu a Nlamulo nna.” Vano muloko wootheene weereke: “Ame!*”

aFilipi 3:6

munthitini namattharatthara a ekerexa; moottharani ekhaikhai ya nlamulo, oohikhala malepa.

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

Titu 3:5

Owo oonivuluxa ni otteelihiwa wa oyariwa wanaaveeli, ni orehereriwa wa Munepa Wootteela, ohikhanle niwoko na miteko sa ekhaikhai naapankaahu, mene niwoko na ikhararisawe.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

Yakobe 3:2

Hiyo ootheene ninkwattuliwa mmootani woohiyanahiyana. Akhala mukina ohinkwattuliwa ni wuuluma, mulopwana owo ti ookwanela, ni awerakatho olamula erutthwaawe yootheene.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

1 Yohaane 3:4

Ootheene anttheka, khaaniiwelela nlamulo. Vekhaikhai, yoottheka eri ohiiwelela nlamulo.