aFilipi 3:19 - Emakhuwa Bible

¹⁹ Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

aFilipi 3:19 Iomraidhean Croise

Icipo 17:14

Ii! Yave! Mukivuluxe mwa atthu ale; atthu a elapo ya vathi, mwa yaawosa nttuvelonaya nri mookumini ola. Nyuwo munaavoniha oosiveleyaanyu. Anamwanaaya asilopwana aavonaxa, yaahiyeraka anamwanaaya singhalahala.

Icipo 52:1

Ecipo ela yaalempwale ehuhuweene yeele Doweki, ngwEdomi, aarongwaawe wa Sawuli, anamuthalihera: “Davide oorowa vaate wa Ahimeleki.” Nyuwosa asilopwana ooweraxa, heeni mumvuwihaanyu soonanara? Murima wooreera wa Muluku ompwaherera nihuku ti nihuku.

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Ezekiyeli 13:19

Nyuwosa mookihiirela eriyari ya mulokwaaka mwaakakhanyihaka ni esevada* vakhaani ni inyenyeeri sa epaawu. Woolokottha mulokwaaka oniiwa soowootha, nyuwosa moowiiva yaale yahaaphwanenle okhwa, munawuurela yaale yahaaphwanenle okumi.

Ezekiyeli 34:3

Nyuwosa mungwura mukaka, mungwara sa mutteengo ni mungwiiva axinama ooreerela, mene khamunkosoopa muhuwo.

Hoxeya 4:7

Yaandyeerereiyaaya asaserdoti*, awosa aatepaxa okitthekela; ovuwawaya ahaakakanyiha ni etthu yoowuuliha muru.

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Mikeyasi 3:5

Yave oneera ha: “Nyuwosa maprofeeti oowootha munghapuxa mulokwaaka! Mukina oovahakani yooca, munlaleiya, murettele, vaheera yaahoovahani yooca, munaalaleerela ekhotto.

Malekiya 1:12

“Vaheera nyuwosa munghiiriha mweeraka weera meesa a Yave ti oohitteela, ni yoocaawe ti yoonyooseya.

Matheyo 16:23

Yeesu aarukunuwa ni aamweerela Pedru: “Osuseke wa miyo, Satana! Weyo ti nluku ninkikwattula, ni khoonuupuwela itthu sa Muluku, mene sa atthu.”

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Luuka 12:19

Miyo nkiixeerele: ‘Nyuwo mookhalano sooreela sincipale soothokororiwa wa iyaakha sincipale. Mwiitthuuwe, muce, ngwure ni muhakalale.’

Luuka 16:19

Aakhala mulopwana oopuha aawara soowara sooxeera ni ikuwo soorikaxa, ni aakhala ni mihakhu mahuku ootheene.

Luuka 18:4

Owo aakhootta vamahukuni makina. Ommaleloni owo aahiixeerela: ‘Naari kihimoovaka Muluku, hata kihaapwatthaka atthu,

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

1 aKorinto 3:3

niwoko muri atthu a erutthuru. Vano, woonaka weera nookhala nrima ni ohiiwanana variyariwanyu, khamuhiyono atthu a erutthuru, mupakaka ntoko amalapo?

1 aKorinto 5:2

Ni nyuwo munniixoona! Khoontthuneya osareya othanana ni omoomola variyariwanyu yoole opanke yeeyo?

1 aKorinto 5:6

Wiixoonawanyu khoohiyono wooreera. Khamusuwenle weera eferementu vakhaani ennyarula ephepa eri yootheene?

2 aKorinto 11:12

Vano, nkipwaherere opaka yeeyo kimpakaaka, weera kiwiiyere ehuhu yaale anghaawela wiitthaniwa woolikana hiyo mwa itthu aniivuwiheraaya.

2 aKorinto 11:15

Tivawo, kheehiyono etthu yootikhiniheya arumeiyaawe yiixeeraka weera ari arumeiyi a ekhaikhai. Ommaleloniwaya onuukhale yeeyo mitekosaya simphwanelaaya.

aGalata 6:13

Yaawo aniineliwa khaankwanihera nlamulo. Awo antthuna weera nyuwo mwiineliwe, weera awo yiivuwihe mweerutthunimwanyu.

aFilipi 2:21

niwoko ootheene anaasaasa otthunawaya asineenaaya, ohikhanle otthuna wa Yeesu Kristu.

aKolosi 3:2

Mutthokelele itthu sa wiirimu ohiya sa vathi.

2 aTesalonika 1:9

Awo eniihaawe ottaruxiwa wa ophwatiwa woohimala, ekhalaka ottaiwene wa ekhove ya Apwiya ni wa ovuwa wa ikurusaya.

2 aTesalonika 2:12

ni ethorihiwe ootheene yaawo ahiroromenle ekhaikhai, mene yaatthuna sootakhala.

2 aTesalonika 2:8

Vahoolowaya anooniheriwe namatakhala owo, ni Apwiya Yeesu eniimwiive ni iphumu sa eyanowaaya ni eniimphwate ni orwawaya.

1 Timootheyo 6:5

ni oohiiwanana woohihiyerera variyari wa atthu ootakhala, mwa yaawo ekhaikhai yohiiyiwa, ni anuupuwela weera murima wa omuluku ti naattuuttu a owina musurukhu.

2 Timootheyo 3:4

anamavariha, oohuulihiwa muru, oowiivuwiha, oosivela soohaawela sa erutthu woopwahaxa omusivela Muluku,

Yakobe 4:16

Wa soothesene, nyuwo muniixunnuwiha ni muniixoona. Wiixunnuwiha wootheene ntoko wu, ti woonanara.

2 Pedru 2:1

Vano, yaakhumelela maprofeeti oolokottha variyari wa muloko, ntokotho eneeraaya ekhumelele maprofeeti oolokottha variyariwanyu. Awo eniiruuhe muxiirini mahusiho oolokottha oophwata, mpaka yaakhoottaka Apwiya anlamula sootheene, mwa Yaawo awooponle. Hiiho eniyiiruuhele ophwateyawaya woowaakuveya.

2 Pedru 2:13

Awo eniihaawe ophwateya ntoko nlivo wa soonanara apankaaya. Antthuna omaaliha soohaawelasaya mwaatthuni. Ari makhurumela ni malepa, anghakalala mwa soonanarasaya ecaaka vamoha ni nyuwo.

2 Pedru 2:3

Mwa mililisaya atthweene yaawo eniiwiiyeeni ni andiisi oolokottha. Mene okhuma khalayi othorihiwawaya waakhala vamoha ni yaawo, ni ophwateyawaya khoonkona.

Yuda 1:10

Awo amveiha sootheene ahiniiwexexaaya ni anniriheya ni itthusene seiyo asuwenlaaya, ettharaka mikhalelo sa erutthu ntoko inama sihikhalanne soowuupuwela.

Yuda 1:16

Awo ari anamattaandawula ni ankhala oohihakalala, ettharaka soohaawelasaya soonanara; ari oowiixoona ni aniixeera ni akina, mene niwoko na opwatthawaya asineenaaya paahi.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

Ethupululo 18:7

Muringoweene yoowo owo iivuwiheraaweno ni sooreela iivaherenraaweno, vano muvarele muteko muringo owo ophima ottaruxawawe ni soohooxasawe. Mmurimanimwawe owo aamwiivuwiha: ‘Kikilaathiye ntoko pwiyamwene; nkihiyono naamukhweli, ni nkirwa kilalamika.’

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.

1 Samuweli 2:29

Mundererela heeni sooveleeleliwasaka kilamulenlaaka woomakawaka? Munaattittimiherela heeni anamwaniinyu okipwaha Miyo mwaahiyaka enenevelaka mipatta sooreerela sa sooveleela sootheene soopakiwa ni mulokwaaka aYixrayeli?’