aFilipi 3:12 - Emakhuwa Bible

¹² Nkineera weera koophwanya sootheene, naari kookwanihera, mene kinnatthara weera kiphwanye sootheene seiya, niwoko miyotho koophwanyiwa ni Kristu Yeesu.

aFilipi 3:12 Iomraidhean Croise

Yobi 17:9

Vaheera oororomeleya anookhala oolipeene mphironimwaya, ni atthu ootteela matata animunnuwa moowerani.

Icipo 119:5

Moota kinghaawelaaka okhala oororomeleyeene keettelaka ikanosanyu!

Icipo 138:8

Yave onookwanihera yootthunaawe wa miyo; Ii! Yave, osivelawanyu ompwaherera wa mahuku ootheene – muhihiye miteko sa matataanyu.

Icipo 42:1

Okumaaka onoohaawelani Nyuwo, Muluku, ntoko ekhomaci enghaawela maahi oovira.

Icipo 63:8

Okumaaka onoovarexexani Nyuwo; Ntatananyu noolopwana ninkilipiha.

Icipo 84:2

Okumaaka onghaawelaxa mapuwa a Yave; murimaaka ni erutthwaaka emmwiipela ni ohakalala Muluku Mukumi.

Icipo 94:15

Nthorihelo nnoohokoleelatho mweekhaikhaiyini ni oororomeleya ootheene anootthara yeeyo.

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Yesaya 51:1

Mukiiwe nyuwosa muntthara yoororomeleya ni mummwaasa Yave: Mungwehe mwala mwa yoowo mwaathikiliwaanyuwo ni ompwexiwa maluku mwaathimpwaanyuwo;

Hoxeya 6:3

Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Matheyo 5:48

Tivawo, mukhale ookwanela, ntoko Atithinyu ari wiirimu.

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

aRooma 8:39

hata orakama, naari wiixera, hata yakhalaru etthu ekina epattuxingwe kheerwa ewera onimwalanyiha ni osivela wa Muluku ori mwa Kristu Yeesu, Apwiyaahu.

1 aKorinto 13:10

Wa soothesene, yaarwaaka yeeyo eri yookwanela, yoohikwanela eniimale.

1 aKorinto 13:12

Vekhaihai, vaanaano nnoona ntoko muloolani ni mmaxiripuloni, mene ohoolowaya, nnoone ekhove ni ekhove. Vaanaano va kinsuwela vakhaani, mene ohoolowaya nkisuwele nnenesene, ntoko kiraaka oosuweliwa nnenesene.

1 aKorinto 9:24

Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo.

2 aKorinto 13:9

Ninnahakalala imaara sootheene nihinlipaahu ni nyuwo munlipaanyu. Nivekelonahu ti weera nyuwo mukhale ookwanelihiwa.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

aGalata 5:17

Vano, erutthu entthuna yeeyo eniittana ni Munepa, ni Munepa yeeyo eniittana ni erutthu. Iyo sinnawana, moota wooweera nyuwo muhiwere opaka yeeyo muntthunaanyu.

awEfeso 1:4

Muluku onithanlale mwa Kristu ehinaaye ephattuwelo ya elapo ya vathi, weera nikhale ootteela ni oohootheriwa vamaithoniwawe. Moosivelanimwawe,

awEfeso 4:12

Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa,

aFilipi 1:1

Ya Pawulo ni Timootheyo, arumeiyi a Yeesu Kristu, wa ootteela ootheene mwa Kristu ari oFilipi vamoha ni asitokweene ankosoopa* ni adikoni*:

aFilipi 3:16

Ontthuneya paahi weera neetteleke mwa yeeyo niphwannyaahu.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

aFilipi 3:8

Wootepaxa, kinoona sootheene ntoko oriheya saalikanxiwaka ni otokweene wa esuwelo ya Kristu Yeesu Apwiyaaka. Niwoko na Yaawo koovaherera itthu sootheene. Vekhaikhai kinoona seiyo ntoko mahiloka weera kimphwanye Kristu

1 aTesalonika 5:15

Mwiipasoope weera ahikhale mukina aneera amuhokoloxere isikula mukhwaawe, mene mahuku ootheene mukhale ooreera murima mukina ni mukhwaawe ni wa ootheene.

2 aTesalonika 2:13

Vano, ontthuneya hiyo omtthapela Muluku mahuku ootheene wa nyuwo, axunna oosiveliwa ni Apwiya, niwoko okhuma ompacereroni Muluku aahoothanlani weera muvuluxiwe mmutekoni wootteeliha wa Munepa Wootteela ni munroromeloni mwa ekhaikhai.

1 Timootheyo 5:10

oosuweliwa nnenesene niwoko na mitekosawe sooreera; miteko ntoko waahuwa anamwane, owaakhela matata meeli aletto, orapiha inaawo sa ootteela, waakhavihera yaawo ari mmahooxoni, ni iilevaka opaka miteko sooreera sootheene.

1 Timootheyo 6:19

Moota ola awo eniithukumanye muhakhwaaya asineenaaya, mathipelo oolipa wa ehuhu ya muhoolo, ni hiiho eniiwere okumi wa ekhaikhai.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

aHeberi 12:23

wa ekerexa ya matthaara, wa yaawo masinaaya alempwale wiirimu. Moophiya wa Muluku, Mphuki a atthu ootheene, ni wa minepa sa yaale akwanihenre okwanela,

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

Yakobe 3:2

Hiyo ootheene ninkwattuliwa mmootani woohiyanahiyana. Akhala mukina ohinkwattuliwa ni wuuluma, mulopwana owo ti ookwanela, ni awerakatho olamula erutthwaawe yootheene.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.