aFilipi 2:3 - Emakhuwa Bible

³ Muhipake naari etthu emoha niwoko na wiipwatthawanyu asineenaanyu, naari niwoko na wiixoona, mene mwiiyevihaka, mwaattittimihe akina ntoko asitokweenaanyu.

aFilipi 2:3 Iomraidhean Croise

Masu a Miruku 13:10

Wiixoona ongyara minyakunyaku, vaheera miruku siri ni yaale aniiwa olakiwa.

Luuka 18:14

Miyo kinooleelani weera mulopwana ola, omuhiya muFarisi*, aarowa owaani aakhuleliweene ni Muluku. Vano, ootheene aniivuwiha, eniikhale ooyevihiwa, ni ootheene aniiyeviha, eniikhale oovuwihiwa.

aRooma 12:10

Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu.

aRooma 13:13

Neetteleke mukhalelo wa nnene, ntoko atthu aneettela waara wa othana, ohikhanle ngwiipeliwani, moohapaliwani, naari mooraruwani ni moohuureyani, hata moonyakulihanani, hoye hoye munrimani.

aRooma 2:8

Nsikhaletho isara ni ottaruxiwa wa yaawo ari oowiipwattha asineenaaya paahi, yaawo ankhootta ekhaikhai ni antthara soonanara.

1 aKorinto 15:9

Miyo kiri mukhaanene a arummwa ootheene, ni hata vakhaani nkiphwanenle wiitthaniwa murummwa, niwoko koottharatthara ekerexa ya Muluku.

1 aKorinto 3:3

niwoko muri atthu a erutthuru. Vano, woonaka weera nookhala nrima ni ohiiwanana variyariwanyu, khamuhiyono atthu a erutthuru, mupakaka ntoko amalapo?

2 aKorinto 12:20

Vano, kinoova weera kooxekurakani, kihoophwanyeni ntoko kinroromelaaka, ni muhikiphwanye ntoko munroromelaanyu. Kinoova weera nkiphwanye variyariwanyu waakhulana, nrima, woonihera wa isara, ohiiwanana, waapa, wootherana, wiixoona, ni onyakulihana.

aGalata 5:15

Nyuwotho mwalumana ni mwakhuurana mukina ni mukhwaawe, mwiipasoope weera muhiphwatane.

aGalata 5:26

Nihikhale oowiivuwiha, nitannyanaka mukina ni mukhwaawe, naari nihikhalelanaka nrima.

awEfeso 4:2

Mukhale oowiiyevihaxa, oomaala murima, oopixa murima, muvilelanaka moosivelani.

awEfeso 5:21

Mwiiwelelaneke mukina ni mukhwaawe moomoovani Kristu.

aFilipi 2:14

Mupake sootheene muhittaandawulaka ni muhaakhulanaka,

aKolosi 3:12

Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima.

aKolosi 3:8

Vanonto, muhiye itthu sootheene iya: isara, onyoonyiwa, otakhala, waapa, masu oonanara ni wuulumawanyu.

1 Timootheyo 6:4

vano owo ti oowiixoona ni khaniiwexexa etthu, akhalanaka soohaawela soonanara wa ovaanyihana ni onyakulihana mwaha wa masu, ni iyo sinrowa ophiya ni nrima, waakhulana, oruwana, ihovasi soonanara

1 Pedru 3:8

Vano, nyuwo ootheene mukhale ni murima mmoharu. Mukhalelaneke murima wooreera, musivelaneke ntoko axunna; mukhale a ikharari ni oowiiyeviha.

1 Pedru 5:5

Mooteene yoowo, amiravo, ngwiiwelele asitokweene. Mukhale ootheene oowiiyeviha mukina ni mukhwaawe, niwoko “Muluku ti Mwiittana a oowiixoona, mene onaavaha mahala oowiiyeviha.”