aFilipi 2:17 - Emakhuwa Bible

¹⁷ Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aFilipi 2:17 Iomraidhean Croise

Nuumeru 28:6

Ela ti yooveleela yoohisa ya khula nihuku, epacerihiwe omwaako Sinayi ntoko yoowunkhela yoosiveliha, yoomveleelela Yave ni yoorehereriwa vayikho.

Nuumeru 28:7

Vano eliitru* emoha ya soowura yooheliwa eferementu evareliweke muteko vamoha ni khula eputtiputthi. Yoomveleelela Yave yooveleela yoowura vaNipuroni Nootteela*.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 21:13

Vano Pawulo aawaakhula: “Heeni nyuwo muniinlaanyu ni munthananihaanyu murimaaka? Koolikana khoohiyono otthukiwa paahi, menetho weera kikhwe oYerusaleemu niwoko na Nsina na Apwiya Yeesu.”

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

2 aKorinto 12:15

Hiiho, niwoko na otthunawaka, nkileve sootheene kiraakano nitho nkiileve miyo muneenaaka. Woonaka weera kinoosivelaxani, nkisiveleiye vakhaani ni nyuwo?

2 aKorinto 4:12

moota wooweera mwa hiyo omvara muteko okhwa, mene mwa nyuwo okumi.

2 aKorinto 6:10

oothananihiwa, mene mahuku ootheene nihakalalaka, oohaawa, mene naapuhihaka ancipale, nihikhalanaka etthu, mene nikhalanaka sootheene.

2 aKorinto 7:4

Kohoororomelani vancipale. Wiivuwihawahu mwaha wa nyuwo ti otokotoko. Kinniixoona olipihiwa vancipale murimaaka, ohakalalawaka woosareya mwa soohooxa sootheene.

aFilipi 1:20

Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aFilipi 2:18

Hiihotho nyuwo mutteeliwe murima ni muhakalale ni miyo.

aFilipi 2:30

niwoko owo aahanle vakhaani okhwa mwaha wa osivela wa muteko wa Kristu, alevaka okumaawe weera akivahe ekhavihero nyuwo mwahaawenraanyu ovaha.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

1 aTesalonika 2:8

Hapo nohoosivelani moota ola, khanaalakenle woovahani paahi masu ooreeraxa a Muluku, menetho okumaahu, niwoko nyuwo moothatuwa oosiveleyaxaahu.

2 Timootheyo 4:6

Wa miyo, kooyeehiwa ntoko yooveleela yoowura. Yookhuveela ehuhu ya opwahawaka.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

1 Yohaane 3:16

Mwa yeeyo noosuwela osivela ti heeni: Yeesu Kristu oovaherera okumaawe wa hiyo, ni hiyo ontthuneya ovaherera okumaahu wa axunnihu.