aFilipi 1:27 - Emakhuwa Bible

²⁷ Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 1:27 Iomraidhean Croise

1 Nyaha 19:12

Yowabe aamweerela Abixayi: “awArami yalipaxa okipwaha miyo, murwe mukikhavihere; vaheera awAmoni yalipaxa woopwahani nyuwo, miyo kinimoorwa wookhaviherani.

Icipo 122:3

oYerusaleemu wootekiwa ntoko esidade yoolipa, ekhalihiweene nnenesene.

Icipo 133:1

Moota onreeraaya ni onsiveleyaaya axunna yaakhalaka oowiiwanana!

Masu a Miruku 22:23

niwoko Yave onookhala Namwaakihaaya, ni onimwaahuhula yaawo eneera yaahuhule.

Yeremiya 32:39

Kinimwaavaha muupuwelo ni mweettelo mmoha, weera ekoove mookuminimwaya wootheene, wa okhalawaya nnene awosa ni anamwanaaya ni ikhapirasaya.

Matheyo 12:25

Yeesu asuwelaka soowuupuwelasaya, aaweerela: “Omwene wootheene onkawanyeiya mwaneenaayaru, onuuphwatiwe, ni esidade, hoye hoye yakhalaru empa yookawanyeiya mwaneenaayaru, kheempwaherera.

Miteko 2:46

Mahuku ootheene yannapwaherera othukumana Mpaani mwa Muluku. Yannakawana sooca mmawannyaya ni yannaca vamoha ni ohakalala ni murima wootheene,

Miteko 24:24

Eviraka mahuku makina, Felisi ni amwaariye Drusila, aari muYuda, aarumiha omwiitthana Pawulo, ni aamwiiwa uulumaka sa nroromelo mwa Kristu Yeesu.

Miteko 4:32

Ootheene a atthu ancipale yaaroromenle, yaakhala oowiiwananeene, ni yaarino muupuwelo mmoha ni murima mmoha. Khaawo aarino sooreelasawe mwaneenaawe yoowo paahi, mene yaakawana sootheene yaarinaaya.

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 1:9

Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene

aRooma 10:8

Vano, Yoolempwa* enghima eheeni? “Nsu nri vakhiviruwanyu; nri mmwaano ni mmurimanimwanyu.” Nsu nenenenno na nroromelo ninlaleiyaahu ti nna:

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aRooma 15:29

Koosuwela weera karowa wooxekurani, nkirowe mwa waatta wa mareeliho a Kristu.

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

1 aKorinto 15:58

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

2 aKorinto 13:11

Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 9:13

Niwoko na wooneya muteko ola, akina eniimvuwihe Muluku mwaha wa wiiwelela munlapaanyu mwaha wa masu ooreeraxa, ni niwoko na ekhaviherowaanyu etokotoko mwaavahaka yaawo ni akina ootheene.

aGalata 1:7

Vekhaikhai masu ale khaahiyono masu ooreeraxa. Kinoona ntoko aakhala atthu akina anookacamihani etthunaka opiritula masu ooreeraxa a Kristu.

awEfeso 1:13

Nyuwo mookhalatho mwa Yoowo vahoolo woowiiwa ni woororomela masu a ekhaikhai, masu ooreeraxa awo yoovulunxeni, ni nyuwo mohiiyaatheriwa ni Munepa Wootteela woororomelihiwa.

awEfeso 1:15

Tivawo, okhuma kiiwalaaka wuulummwa sa ororomelawanyu mwa Apwiya Yeesu, ni sa osivela nyuwo mungwooniheraanyu ootteela ootheene,

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

aFilipi 1:5

niwoko na wiiwananawanyu ni masu ooreeraxa, okhuma nihuku noopacera mpaka olelo.

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

aFilipi 2:24

kaaroromelaka Apwiya weera miyotho kirowe woowaakuveya.

aFilipi 3:18

Vano, ntoko kooleelaakani imaara sincipale, ni vano kinooleelanitho ni maithori: aakhala ancipale ankhala ntoko amwiittana a muttanda wa Kristu.

aFilipi 3:20

Wa soothesene, hiyo nri atthu a wiirimu, weiwo nningwehereraahu ni murima wootheene Mvuluxa mmoha, Apwiya Yeesu Kristu.

aFilipi 4:1

Tivawo, axunnaka, nyuwo kinoosivelani ni kingwunkhelani, ohakalalawaka ni ecireembaaka, mukhaleke oolipeene mwa Apwiya, oosiveleya!

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 1:4

niwoko nohiiwa suulummwaka sa nroromelonanyu murinaanyu mwa Kristu Yeesu, ni sa waasivelawanyu ootteela ootheene,

1 aTesalonika 3:6

Wa soothesene, Timootheyo oophiya wa nyuwo, anileelaka ihaali sooreera mwaha wa nroromelonanyu ni osivelawanyu, eeraka weera mahuku ootheene nyuwo munninuupuwelelaxa nnenesene, mutthunaka onoona hiyo, ntoko hiyotho nintthunaahu owoonani.

1 aTesalonika 4:1

Woomaliha, axunna, noohooxuttihani moota wooweetta weera munsivelihe Muluku, ni mwa Yoowo nyuwo munimweera weetta. Vano, ninoovekelani ni ninoodyoonttelelani mwa Apwiya Yeesu weera mupwahereraxe mwa mweetteloweene yoowo.

1 Timootheyo 1:11

Nihusiho nna ninxuttiha sa masu ooreeraxa oovuwa a Muluku ooreelihiwa, mwa yaawo Owo okivaherenraawe.

1 Timootheyo 1:19

ovarexexaka nroromelo ni wuupuwela wooreera, niwoko akina, ekhoottaka masu ale, yaahapuwa munroromeloni na ekhaikhai.

2 Timootheyo 4:7

Koowana owana wooreera, koomaliha otthimakawaka, koothokorora nroromelo.

Titu 2:10

sihiwiiyeraka, mene soonihereka weera simphwanela ororomelihiwaxa weera hiiho sivuwihe mwa sootheene nihusiho na Muluku Mvuluxaahu.

Filemone 1:5

niwoko kinniiwa suulummwaka sa nroromelonanyu mwa Apwiya Yeesu ni sa omusivelawanyu Yeesu vamoha ni atthu ootteela ootheene.

Yakobe 3:18

Yoowiima ya ekhaikhai enaaliwa mmuretteleni ni yaale ampaka murettele.

2 Pedru 3:11

Woonaka weera sootheene nsiphwatiwe moota hiiho, ontthuneya weera nyuwo mweette ni mweettelo heeni? Mukhale ni murima wootteela ni murima wa omuluku,

2 Pedru 3:14

Tivawo, oosiveleya, niwehereraka itthu iyo, nilipihe murimaahu weera niphwanyiwe ni Yaawo mmuretteleni, woohikhalano nthowa, naari milattu.

Yuda 1:3

Oosiveleya, naamwi kaatthuna vancipale woolepelani mwaha wa ovuluxiwawahu, kohoona weera waatthuneya woolepelani ni woonyesererihani weera muwane niwoko na nroromelo nivahiwe emaara emoharu wa ootteela.