aFilipi 1:20 - Emakhuwa Bible

²⁰ Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aFilipi 1:20 Iomraidhean Croise

Icipo 119:116

Mukilipihere ntoko mukiroromelinghaanyu ni miyo kinookhala ni okumi; muhitthunihere weera owehererawaka waase omala.

Icipo 119:80

Murimaaka okhaleke wookwanela wa ikanosanyu weera kihuulihiheye muru.

Icipo 25:2

Ii! Mulukwaaka, kinoororomelani Nyuwo. Muhikihiye kiyevihiwaka hata amwiittanaaka ehikiwine.

Icipo 62:5

Okumaaka, mwiitthuuwe mwa Muluku paahi; owehererawaka onrweela mwa Yoowo.

Masu a Miruku 10:28

Oweherera wa oororomeleya onnaahakalaliha, vaheera oweherera wa atakhali khaamphurela etthu.

Masu a Miruku 23:18

Wapaka hiiho, vekhaikhai sinooweettela nnenesene muhoolommo, ni owehererawawo khawooceeleya.

Yesaya 45:17

Vaheera Yave onoovuluxa oYixrayeli ni ovuluxiwa woohimala; khookhalatho wuulihiheya muru hata oyeviheya wa mahuku ootheene

Yesaya 50:7

Eenre Yave onlamula sootheene akikhavihera, nkuulihiheya muru. Tivawo miyo kiraaka oolipeene ntoko mwala woolipa ni kinsuwela weera nkikhala oohipwaneya.

Yesaya 54:4

Muhoove, khamuulihiheya muru. Muhoove wuulihihiwa muru, khamuyevihiwatho. Munoottiwala wuulihihiwa muru wa enamwanaanyu ni khamuupuwelelatho ohiiha wa onaamukhwelaanyu.

Yohaane 21:19

Yeesu aahima yeeyo weera amoonihere ni moota heeni wa okhwa Pedru eeraawe amvuwihe Muluku. Vano aamweerela: “Mukitthare!”

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 21:13

Vano Pawulo aawaakhula: “Heeni nyuwo muniinlaanyu ni munthananihaanyu murimaaka? Koolikana khoohiyono otthukiwa paahi, menetho weera kikhwe oYerusaleemu niwoko na Nsina na Apwiya Yeesu.”

Miteko 4:31

Amalihaka ovekela, naathukumela nipuru nne yaathukumannaaya. Ootheene yaasareya ni Munepa Wootteela ni yaalaleiya masu a Muluku ni murima woolipa.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

aRooma 8:19

Soopattuxiwa sinnaweherera ni ohaawelaxa weera anamwane a Muluku ethupululiwe.

aRooma 9:33

Ntoko elempwalaaya: “Moone, Miyo kohiiyaathi oSiyoni nluku nookwattula ni noowuuwiha, mene yoowo onroromela, nenno kharwa uuliwa muru.”

1 aKorinto 15:31

Axunnaka, kinnakhwa mahuku ootheene. Yeeyo kinghima mwa ovuwa kiraakano wa nyuwo mwa Kristu Yeesu Apwiyaahu.

1 aKorinto 6:20

Nyuwo moothummwa ni mutteengo. Tivawo, mumvuwihe Muluku ni erutthwaanyu.

1 aKorinto 7:34

ni ookawanyeya. Hiihotho muthiyana ohitheliwe ni mwaamwali oowiikosoopa oneeteteya ni itthu sa Apwiya, weera ekhaleke ootteela mweerutthuni ni mmunepani. Ootheliwatho oneeteteya ni itthu sa elapo ela – moota heeni aneeraawe amusivelihe iyawe.

2 aKorinto 10:8

Vano, hata miyo kiivuwihaka vakhaani niwoko na ikuru Apwiya anivanghaaya weera noopuhiheni ohikhanle woophwatani, nkirwa kuulihiwa muru.

2 aKorinto 3:12

Tivawo, woonaka weera nookhalano oweherera wu, hiyo nri oolipa murima.

2 aKorinto 4:10

Hiyo ninnateexa mahuku ootheene mweerutthunimwahu okhwa wa Yeesu, weeratho okumi wa Yeesu wooniheriwe mweerutthunimwahu.

2 aKorinto 5:15

Owo aakhwenle ootheene, weera yaawo ankhala ni okumi ehikhale wa asineenaaya, mene wa Yoole aakhwenle yaawo ni ovenyerenre.

2 aKorinto 7:14

Miyo kaamuleela weera kiniivuwiha mwaha wa nyuwo, ni nkuuliwe muru. Ntoko sootheene nooleenlaahuni saaraaya sa ekhaikhai, ovuwa nraahuno mwaha wa nyuwo ohoolo wa Titu wohooniheratho ekhaikhai.

2 aKorinto 7:4

Kohoororomelani vancipale. Wiivuwihawahu mwaha wa nyuwo ti otokotoko. Kinniixoona olipihiwa vancipale murimaaka, ohakalalawaka woosareya mwa soohooxa sootheene.

aFilipi 1:14

Ni axunna ancipale oolipiheriwa mwa Apwiya niwoko na otthukiwawaka, weera elaleiye ni nthiti nincipale masu a Muluku ehoovaka.

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

1 aTesalonika 5:23

Muluku muneenaawe a murettele ootteeliheni woowaatta. Munepaanyu, okumaanyu ni erutthwaanyu yootheene ethokororiwe woohikhala malepa moorwaani wa Apwiyaahu Yeesu Kristu.

1 Pedru 4:16

Wa soothesene, mwaahaawaka ntoko muKristu, muhuuliwe muru, mene mumvuhiwe Muluku niwoko na Nsina nna.

1 Yohaane 2:28

Anamwane, vano mukhale mwa Yoowo weera Owo iixooniheraka, hiyo nikhalaneke nroromelo, ni weera nihuulihiwe muru vamaithoniwawe moowaanimwawe.