aFilipi 1:11 - Emakhuwa Bible

¹¹ Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

aFilipi 1:11 Iomraidhean Croise

Icipo 1:3

Owo ori ntoko mwiri ophatteiwe mukerekhere mooloko: oniima ehuhu yootthuneya ni makukhwaaya khaannyaala. Soothesene ompakaawe sinoomweettela nnenesene.

Yesaya 5:2

Owo aapatthula, anavenxa maluku ootheene, anaphatteya iwuuva* sooreerelaxa. Aateka etoore* ya namalipelela, anatekatho nipuro sinaameliwa iwuuva*. Vano aaweherera ohepha iwuuva* sooreeraxa, vaheera ematta yaaruwenre soonyuunya paahi.

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yesaya 61:11

Vano hiiho ntoko etthaya emmelihaaya maphuwa ni nttimbe nimmelihaaya inuku, hiihotho Yave onlamula sootheene onookhaliha ororomeleya ni ottottopela ohoolo wa miloko sootheene.

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

Yohaane 15:2

Murai wootheene oreene mwa Miyo ohiimaka, Atiithi anoothikila ni wootheene oniima, Awo anooreherera weera wiimaxeke.

Yohaane 15:8

Atithaka amvuwihiwa nyuwo mwiimaxa, mooniheraka hiiho weera ti oohuseraaka.

aRooma 15:28

Hiiho, kaamalihaka muteko owo ni kaawinnyereraka yoowiima ela, nkirowe wEspanya, ni nkooxekureni kaaviraka.

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

2 aKorinto 9:10

Yoole onimvaha mmiso yoowo onaala ni yooca wa yoowo onca, Owo anoovaheeni ni anaandyeerere mmiso, ni anunnuwihe soowiima sa waakhuleliwawanyu ni Muluku.

awEfeso 1:12

weera hiyo nri oopacera omuroromela Kristu, nikhale ottottopela wa ovuwawawe.

awEfeso 1:14

Owo ti ekhaikhai ya yeeyo nneeraahu naakhele mpaka ovuluxiwa wa yaale ari a Muluku, wa ovuwawawe ottottopeliwe.

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

awEfeso 5:9

niwoko yoowiima ya waara eri oreera murima, ororomeleya, ni ekhaikhai.

aFilipi 4:17

Khoohiyono weera miyo kinaasaasa soovaha, mene kinghaawela yeeyo eneera yaandyeerere ntthuvelonanyu.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 1:6

yoophwannyeni. Mwa elapo yootheene ya vathi masu ooreeraxa aniima soowiima yunnuwaka, ntoko oneereyaaya variyariwanyu okhuma ehuhu mwiiwalaanyu masu ooreeraxa, ni mwiiwexenxaanyu mahala a Muluku mwa ekhaikhai.

2 aTesalonika 1:12

Hiiho Nsina na Apwiyaahu Yeesu nnivuwihiwe mwa nyuwo, ni nyuwo mwa nenno, mwaha wa mahala a Mulukwaahu ni Apwiya Yeesu Kristu.

Titu 3:14

Atthwaahu ehusere opaka ni nthiti miteko sooreera, weera sihaathowe soohaawelasaya sa khula nihuku ni ehikhale oohiruwera.

aHeberi 12:11

Naalakiwaka, kheehiyono ehuhu yoohakalaliha, mene yoothananiha. Vahoolowayatho olakiwa onruwera yoowiima ya waakhuleliwa ni Muluku, ni murettele wa yaawo alakiwe.

1 Pedru 2:12

Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Pedru 4:14

Nyuwo mwaruwaniwa niwoko na Nsina na Kristu, munookhala ooreelihiwa, niwoko Munepa wa ovuwa, Munepa wa Muluku onkhala mwa nyuwo.