2 Timootheyo 4:2 - Emakhuwa Bible

² olaleiye masu, okhale oolikana ihuhu sootheene, ovaanye, ohiihe, olipihere ni opixa murima wootheene mmahusihoni.

2 Timootheyo 4:2 Iomraidhean Croise

Icipo 40:9

Kinlaleiya ekhaikhai mmuthukumanoni mutokotoko; nkimmaala, Yave, ntoko musuwenlaanyu.

Yoonasi 3:2

“Murowe osidade etokweene ya oNinive ni mwalaleere mutthenga kineeraka koovaheeni.”

Luuka 7:23

nitho ooreelihiwa ti yoowo ohinkihovela Miyo.”

Luuka 7:4

Ephiyaka wa Yeesu, yaamudyoonttelela ni ovilela: “Mulopwana owo omphwanela weera Nyuwo mumpakele yeeyo,

Luuka 9:60

Yeesu aamweerela: “Mwaahiye akhwiiye evithaneke yaaworu. Wa soothesene, nyuwo murowe ni mwalaleiye omwene wa Muluku.”

Miteko 13:5

Ephiyaka oSalamina, yaalaleiya masu a Muluku muSinagogani* mwa aYuda. Yohaane aari ni yaawo ntoko oowaakhavihera.

Miteko 16:13

Wa eSaabadu naavenya osidade nirowaka mukerekhere mooloko, weiwo naawehereraahu ophwanya nipuro na nivekelo. Naakilaathi ni naapacera wuuluma ni asithiyana yaathukumanne weiwe.

Miteko 20:7

Nihuku noopacera na esimana, naathukumana weera ece, ni Pawulo aahuuluma ni atthu. Atthunaka opwaha oxaawaya, owo aapwaherera wuuluma mpaka ohiyu eriyari.

Miteko 28:16

Niphiyakaru oRooma, Pawulo aatthuniheriwa omaka empaawe meekhaawe, alipeleliwaka ni nakhotto mmoha.

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

aRooma 12:12

Muhakalaleke munroromeloni, mukhale ni ovilela moothananani, mpwaherereke mmavekeloni.

aGalata 6:6

Yoole onghusihiwa masu ooreeraxa akawane itthu sootheene sooreera orinaawe ni muhusihaawe.

aKolosi 1:25

Koothatuwa murumeiyi a ekerexa, ntoko muteko Muluku okivanghaawe weera koothalihereni nnenesene masu a Muluku,

aKolosi 4:3

Ehuhuweene yeeyo munivekeleletho hiyo weera Muluku ahule mulako wa mutthengaahu weera niwere olaleiya ntikhinelo na Kristu, mwa nenno miyo kootthukiwa.

1 aTesalonika 1:6

Mwa yeeyo, nyuwo moothatuwa anamatakihaahu, ni a Apwiya. Waarookhalaru ohaawa wincipale, nyuwo mwaahaakhela masu a Muluku ni ohakalala onrweela wa Munepa Wootteela.

1 aTesalonika 5:14

Ninoodyoonttelelani nyuwo, axunna: ngwooperere atthu ooreesi; mwaalipihere yaawo oohilipa; mwaakhavihere ookhulumuwa; mwaavilele ootheene.

1 aTesalonika 5:20

Muhiramuse ithalihero sa otthuna wa Muluku,

1 Timootheyo 4:13

Mpaka ehuhu ya orwawaka, opwaherere ni nthiti osoma mwaatthuni wa Yoolempwa*, olaleiya ni oxuttiha.

1 Timootheyo 5:20

Yaawo anttheka, ontthuneya waattaruxa, mwaatthuni weera akristu akina yoove.

2 Timootheyo 2:21

Akhala mukina oniirapiha mwa itthusene seiyo sookisera, anaakhale mwaapu woottittimiheya, wootteelihiwa ni woovareleya muteko wa Apwiya, ni wooreherereliwa muteko wooreera wootheene.

2 Timootheyo 2:25

Ontthuneya waalaka amwiittanaawe ni murima woomaaleleya, aroromelaka weera Muluku aavahe orukunxa murima, aasuwelihaka ekhaikhai,

2 Timootheyo 3:10

Wa soothesene, weyo woosuwela nihusihonaka, mweettelowaaka, otthunawaka, nroromelonaka, opixiwaka murima, osivelawaka ni ovilelawaka;

Titu 1:13

Onamoona ola ti wa ekhaikhai. Tivawo, mwaahiihe yaawo nnenesene weera ekhale ni nroromelo nooreera,

Titu 2:15

Muxuttihe itthusene seiya, mulipiheraka ni moopereraka ni ikuru sootheene. Ahikhale mukina aneera ooramuseni.

aHeberi 13:22

Axunnaka, kinoovekelani nyuwo weera muvilele maswaaka a owoopererani. Vekhaikhai, miyo kohoolepelani masu vakhaani.

Ethupululo 3:19

Kingwooperera ni kinaalaka yaale kinaasivelaaka. Tivawo, mweetteke ni nthiti ni murukunxe murimaanyu.