2 Timootheyo 3:8 - Emakhuwa Bible

⁸ Ntoko Iyane ni Iyambe yiittannaaya ni Moisesi, alopwana awo ankhoottatho ekhaikhai. Soowuupuwelasaya soonanarihiwa, ni mwaha wa nroromelo ari ookhoottiwa.

2 Timootheyo 3:8 Iomraidhean Croise

Okhuma 7:11

Vano Farawu*tho aawiitthana anamiruku ni akhwiri ni anamacitta a wExipitu ni ale yaapaka etthweene yeeyo ni olowawaya woowiipithiheya.

Okhuma 7:22

Vaheera anamacitta a wExipitu yaapaka etthweene yeeyo ni olowawaya woowiipithiheya. Farawu* aahuumiha murima ni khaamwiiwelenle Moisesi ni Aharoni, ntoko Yave aahimalaawe.

Okhuma 8:18

Anamacittatho yeereraka waakhuumeleliha anlukuveeve ni olowawaya woowiipithiheya, khayaawenre. Vano anlukuveeve yannaaluma atthu ni axinama.

Okhuma 8:7

Anamacittatho yaapaka etthweene yeeyo ni olowawaya woowiipithiheya; yaahaaweliha anaphulu mweelaponi ya wExipitu.

Miteko 15:24

Noosuwela weera akina aakhuma variyariwahu nihaalamulenle, ni yaahookacamihani yootutuxakani mmuupuwelonimwanyu ni yeeyo yaahimalaaya.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

awEfeso 4:14

Hiiho hiyo khanikhalatho anamwane, nikuxiwe wa mpatta mukina ni mukhwaaya ni mitekuteku, hata khannoopeliwa wa nno ni iwe ni epheyo yootheene ya mahusiho makina, naari niwoko na soovaanela soolokottha soowootha sa atthu anaathweeleliha akina mphironi ya ekhaikhai.

1 Timootheyo 1:19

ovarexexaka nroromelo ni wuupuwela wooreera, niwoko akina, ekhoottaka masu ale, yaahapuwa munroromeloni na ekhaikhai.

1 Timootheyo 4:2

Mahusihoweene yaawo anrweela wa atthu oolokhottha ni oowootha, murimaaya woowuuma.

1 Timootheyo 6:5

ni oohiiwanana woohihiyerera variyari wa atthu ootakhala, mwa yaawo ekhaikhai yohiiyiwa, ni anuupuwela weera murima wa omuluku ti naattuuttu a owina musurukhu.

2 Timootheyo 4:15

Weyotho wiipasoope ni yoowo, niwoko owo aatepa okhala mwiittana a maswaahu.

Titu 1:10

Vekhaikhai, variyari wa atthu oowiineliwa aakhala ancipale oosesera, anaasa wuuluma paahi ni anamalokottha.

Titu 1:16

Awo aneera weera aamusuwela Muluku, mene ni mitekosaya anoomukhootta. Ari oothanyeya, oohiiwelela, ni oohiwera opaka hata etthu emoha yooreera.

2 Pedru 2:14

Maithwaaya esareiyeene ni oraruwa, awo khanghiyerera ottheka. Anaalokottha atthu oohilipa, ni mirimasaya siri soosareya milili. Ari anamwane a olapha!

1 Yohaane 2:18

Anamwane, ela ti ewoora yookisera, ni ntoko nyuwo mwiiwalaanyu weera namwiittana a Kristu onimoowa, vano anamwiittana a Kristu ancipale aakhumelela. Tivawo noosuwela weera ti ewoora yookisera.

1 Yohaane 4:1

Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.

Ethupululo 2:6

Wa soothesene, ela ti yooreeraanyu: Nyuwo munthanya miteko sa aNikolawo mwa seiyo Miyotho kinthanyaaka.