2 Timootheyo 3:16 - Emakhuwa Bible

¹⁶ Yoolempwa* yootheene yohiiseeleliwa ni Muluku, ni engwera ovareleya muteko wa ohusiha, ohiiha, olaka ni oreherera mwa ekhaikhai,

2 Timootheyo 3:16 Iomraidhean Croise

2 Samuweli 23:2

Munepa wa Yave wohuuluma mwa miyo; maswaaya yaari vanluminivaka.

Nehemiya 9:20

Mwaahaavaha Munepaanyu Wooreera weera waalake. Mwaahaavaha emanaanyu* yaacaaya ni maahi yaawuraaya.

Icipo 119:11

Koothokorora maswaanyu mmurimanimwaka weera kihootthekeleni.

Icipo 119:130

Ethalihero ya maswaanyu emmwaleela, enaavaha wiiwexexa oohiiwexexa.

Icipo 119:9

Mmiravo anaawere hai weetta mphironi mootteela? Onoowera iiwelelaka maswaanyu.

Masu a Miruku 15:10

Wookhala olakiwa woolipaxa wa yoowo onghiya ephiro ya ekhaikhai; yoowo ohinoonelamo ohiihiwa onimookhwa.

Masu a Miruku 15:31

Yoowo oniiwa ohiiha wookhavihera, onookhalano nipuronawe eriyari ya asuweli.

Masu a Miruku 6:23

niwoko nlamulo nna nri ntoko yoomwaleela, mahusiho ala ari ntoko waara, ni wooperera wa olaka ori ntoko ephiro enrongha wookumini;

Mikeyasi 2:7

Weeraka ekhapira ya Yakobe eneera: “Munepa wa Yave, khoonyoonyiwa? Owo ompaka hiihaawo? Maswaaka animpakela nnene yoowo orino mweettelo wooreera.

Zefaniya 3:2

Khawoworu emmwiiwaaya, ni kheentthuna wookoleliwa. Kheenimuroromela Yave, kheemmwaattamela Mulukwaaya.

Matheyo 13:52

Owo aaweerela: “Tivawo namawera a nlamulo* ootheene ooxuttihiwa mwaha wa omwene wa wiirimu, onoolikana ntoko mwaneene a vaate onkhumiha mmuhakhunimwawe itthu sooreeraxa sinyowani ni itthu sa khalayi.”

Matheyo 21:42

Yeesu aaweerela: “Khamunasome Yoolempwa*: ‘Nluku anamateka yaakhoonttaaya, naathatuwa nluku noottittimiheyaxa. Apwiya yaapanke yeeyo ni ti yootikhinihaxa mmaithonimwahu?’

Matheyo 22:43

Vano Owo aaweerela: “Heeni Davide, uulumaka mMunepani, ommwiitthanaawe: ‘Apwiya’? Owo oneera:

Matheyo 26:54

Moota heeni yeeraaya ekwaniheriwe Yoolempwa* yeenre ontthuneya weera itthu iya seereiye mooteene yoola?”

Matheyo 26:56

Sootheenetho iya seereiye weera ekwaniheriwe Yoolempwa* ya maprofeeti.” Vano oohusera ootheene yaamuhiya ni yaatthawa.

Marku 12:24

Yeesu aawaakhula: “Nyuwo mootapanya, niwoko khamusuwenle Yoolempwa*, hata ikuru sa Muluku.

Marku 12:36

Davide muneenaawe, eettihiwaka ni Munepa Wootteela, aaheera: ‘Apwiya yaaweerela Apwiyaaka: ‘Mukilaathi moonowaaka mulopwana mpaka Miyo kineeraaka kiwiikaathi amwiittanaanyu vathi wa inaawosanyu.’

Yohaane 10:35

Hapo Muluku oowiitthana miluku yaale nnaarweela nsu na Muluku – ni Yoolempwa* kheenooceeleya –

Yohaane 3:20

Yoowo ompaka soonanara, onthanya waara. Owo khanaattamela waara oovaka weera mitekosawe nsisuweliwe.

Miteko 1:16

aweerelaka: “Axunna, waatthuneya weera ekwaniheriwe Yoolempwa* Munepa Wootteela waahimalaaya khalayi ni eyano ya Davide mwaha wa Yudasi, yoowo aahoolenle yaale yaamvanre Yeesu.

Miteko 18:25

Aaxuttihiwa mwa ephiro ya Apwiya, ni aahuuluma ni aaxuttiha ni nthiti ntokotoko moota wa nnenesene sa Yeesu, naamwi asuwelaka paahi opatiso wa Yohaane.

Miteko 20:20

Moosuwela weera nkaahovela woolaleerani yootheene yeeyo yaari ya mpuhaanyu, kaahooxuttihanitho sootheene mwaatthuni ni empa empa.

Miteko 20:27

niwoko kohoolaleerani otthuna wootheene wa Muluku.

Miteko 28:25

Waakhumelela ohiiwanana ni yaalaxera niwoko na masu ookisera ala Pawulo aahimalaawe: “Munepa Wootteela waawuulumela ekhaikhai makholowaanyu wuulumaka ni eyano ya mprofeeti Yesaya:

aRooma 15:4

Sootheene silempwe khalayi, silempwe weera sinixuttihe, mooteene yoowo weera niwoko na ovilela ni olipihiwa onrweela wa Yoolempwa*, nikhaleke ni oweherera.

aRooma 2:20

muhusiha wa oohisuwela ni wa anamwane, niwoko mookhalano munlamuloni mphimo wa osuwela ni wa ekhaikhai –

aRooma 3:2

Vancipale, mwa mikhalelo sootheene. Woopacera niwoko masu a Muluku yaaroromeliwa wa aYuda.

aRooma 4:23

Masweene yaale weera “aahaakhuleliwa ni Muluku” khayaalempwale paahi wa yoowo,

1 aKorinto 12:7

Munepa Wootteela onimvaha khula mutthu yoowiixoonihera emoha eerelaka mpuha wa atthu ootheene.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

Deuteronomiyo 29:29

Itthu sa wiiphiini ti sa Yave Mulukwaahu, mene itthu soothupululeya ti sawihu ni anamwaniihu wa mahuku ootheene weera niiwelele masu ootheene a malamulo ala.

Deuteronomiyo 4:36

Wiirimu oowiiwihani nsunawe weera oolakeeni. Mulaponi aawooniherani moorwaawe mutokotoko mwaahiiwa maswaawe eweelaka mmooroni.

2 Timootheyo 2:25

Ontthuneya waalaka amwiittanaawe ni murima woomaaleleya, aroromelaka weera Muluku aavahe orukunxa murima, aasuwelihaka ekhaikhai,

2 Timootheyo 4:2

olaleiye masu, okhale oolikana ihuhu sootheene, ovaanye, ohiihe, olipihere ni opixa murima wootheene mmahusihoni.

aHeberi 11:1

Moone, nroromelo ti yooviriyela weera yeeyo ningwehereraahu enookhumelela, ni ti waakhulela wa itthu nihinoonaahu.

aHeberi 3:7

Mwa yeeyo, ntoko Munepa Wootteela oneera: “Olelo, nyuwo mwiiwa nsunawe,

aHeberi 4:12

Masu a Muluku ari ni okumi ni oowera, ni oowiithaxa oopwaha yakhalaru ekatana eniitha ninno ninno. Awo amvolowa mpaka weiwo ammwaramwaxaaya okumi ni munepa, munkumana makhuva ni ikhinda, ni anthoriha soowuupuwela ni soohaawela sa murima.