2 Timootheyo 1:9 - Emakhuwa Bible

⁹ Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

2 Timootheyo 1:9 Iomraidhean Croise

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Luuka 10:21

Ehuhuweene yeele, Yeesu ahakalalaxaka mwa Munepa Wootteela aaheera: “Miyo kinoottottopelani Nyuwo, Atiithi, Apwiya a wiirimu ni vathi, niwoko moovitha itthu iya wa asuweli ni anamiruku, ni mohaathupululela iya asikhaani. Aani Atiithi, eyo yohoosivelihani.

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 17:9

Miyo kinnadyoonttelela wa yaawo. Nkindyoonttelela wa amalapo, mene wa yaale mwaakivanghaanyu niwoko ti awinyu.

Yohaane 6:37

Ootheene Atiithi ankivahaaya, eniiwe wa Miyo. Ni yoole anaawe wa Miyo, nkiwa kimoomola.

Miteko 15:18

soosuwanyeya okhuma khalayi.’

Miteko 2:47

emuttottopelaka Muluku ni yaakhuleliwaka ni muloko wa atthu wootheene. Ni nihuku ti nihuku Apwiya yannawaandyeerera yaawo Muluku aavuluxaawe.

aRooma 11:14

munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe.

aRooma 11:29

Samahala ni wiitthana wa Muluku ti woohivirikanyiheya.

aRooma 16:25

Ti Muluku ongwera wookhalihani nyuwo munroromeloni niwoko na maswaaka ooreeraxa ni olaleiyawaka wa Yeesu Kristu. Vano, olaleiya wu ti mwaha wa othupulula wa ntikhinelo naavithiwe khalayi.

aRooma 3:20

Tivawo khaawo anaakheleliwe ni Muluku niwoko na wiiwelela nlamulo, weenre okhalaka mwaha wa nlamulo hiyo noosuwela nnenesene soottheka.

aRooma 9:24

Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

1 aKorinto 1:18

Vano, mutthenga wa muttanda ti anepa wa ariheiye, mene wa hiyo nimvuluxiwa, mutthenga ole ti ikuru sa Muluku,

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

awEfeso 1:9

Aanisuweliha ntikhinelo na otthunawawe niwoko na oreerawawe murima Owo oonihenraawe mwa Kristu,

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 3:11

ntoko soovaanelasawe sa khalayi Owo okwanihenre mwa Kristu Yeesu, Apwiyaahu.

aFilipi 3:14

yoomeene kiniilipiherano yeeyo kaahaawelaaka nri ntthuvelo na wiirimu Muluku oniitthanenlaawe mwa Kristu Yeesu.

1 aTesalonika 4:7

niwoko Muluku khaniitthanenle ohitteela, mene otteelihiwa.

1 Timootheyo 1:1

Ya Pawulo, murummwa a Kristu Yeesu munlamuloni na Muluku, Mvuluxaahu, ni na Kristu Yeesu, owehererawahu.

2 Timootheyo 1:1

Ya Pawulo, murummwa a Kristu Yeesu mootthunani mwa Muluku mwaha wa yoororomelihiwa ya okumi eri mwa Kristu Yeesu,

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.