2 Timootheyo 1:1 - Emakhuwa Bible

¹ Ya Pawulo, murummwa a Kristu Yeesu mootthunani mwa Muluku mwaha wa yoororomelihiwa ya okumi eri mwa Kristu Yeesu,

2 Timootheyo 1:1 Iomraidhean Croise

Yohaane 10:28

Miyo kimvaha okumi woohimala ni iyo khasirwa siriheya. Khaawo aneera awere okaakha mmatatanimwaka.

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Yohaane 6:54

Ootheene ankhuura erutthwaaka ni angwura ephomaaka, akhalano okumi woohimala ni nkaavenyererihe nihuku noomaliha.

aRooma 1:1

Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa.

aRooma 5:21

mooteene yoowo weera, hiiho ntoko yoottheka elamunlaaya mookhwaani, hiihotho mahala elamule niwoko na waakhuleliwa ni Muluku, eruuhaka okumi woohimala mwa Yeesu Kristu Apwiyaahu.

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

1 aKorinto 1:1

Ya Pawulo, iitthaniwe ni otthuna wa Muluku weera akhale murummwa a Kristu Yeesu, ni wa munna Sostene.

2 aKorinto 1:1

Ya Pawulo, murummwa a Kristu Yeesu ntoko otthuna wa Muluku, ni munna Timootheyo. Wa ekerexa ya Muluku eri oKorinto, vamoha ni ootteela ootheene ankhala elapo yootheene ya wAkhaya.

2 aKorinto 1:20

Soororomelihiwa sootheene sipakiwe ni Muluku siri “aani” paahi mwa Kristu. Tivawo, ti niwoko na Yoowo nneeraahu “Ame*” wa ovuwa wa Muluku.

aGalata 3:26

Nyuwo ootheene muri anamwane a Muluku niwoko na nroromelo mwa Kristu Yeesu.

aGalata 3:28

Khawowo muYuda, hata muGrego, epottha, hata neethi, mulopwana, hata muthiyana, niwoko ootheene ti mmoha mwa Kristu Yeesu.

awEfeso 3:6

Ntikhinelo ti nna: niwoko na masu ooreeraxa, amalapo anoowera waakhela yoohiyeriwa* vamoha ni aYixrayeli. Amalapo aritho mipatta sa erutthweene yeeyo, ni mwa Kristu Yeesu aakhalano yoororomelihiweene yeeyo ntoko aYixrayeli.

1 Timootheyo 6:19

Moota ola awo eniithukumanye muhakhwaaya asineenaaya, mathipelo oolipa wa ehuhu ya muhoolo, ni hiiho eniiwere okumi wa ekhaikhai.

2 Timootheyo 1:10

ni nohooniheriwa vaanaano vaava ngwoonihereyani wa Mvuluxaahu Kristu Yeesu. Owo oophwata okhwa ni oowera okumi ni ohikhwa niwoko na masu ooreeraxa.

2 Timootheyo 1:13

Opwaherere ni nroromelo ni osivela mwa Kristu Yeesu, ottharaka ekhalelo ya nihusiho nooreera, mwa nenno weyo okiiwalaawo.

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

2 Timootheyo 2:10

Tivawo kimvilelaaka sootheene niwoko na oothanliwa, weera awotho yaakhele ovuluxiwa ori mwa Kristu Yeesu ni ovuwa woohimala.

2 Timootheyo 2:3

Ovilele vamoha ni miyo soohaawa ntoko nakhotto ooreera a Kristu Yeesu.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

Titu 1:4

Wa Titu, mwanaka a ekhaikhai munroromelonimwahu: Mahala ni murettele wa Muluku Atiithi ni wa Kristu Yeesu Mvuluxaahu.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

1 Yohaane 2:25

Ni eyo ti yeeyo Atiithi yaaroromelinghaaya: okumi woohimala.