2 Samuweli 6:21 - Emakhuwa Bible

²¹ Davide aamweerela Mikali: “Ettiitthu kohiina vamaithoni wa Yave, mwa Yoowo okithanlale miyo aahiyaka atithinyu hoye hoye akina a vaatewaya weera akikhalihe namalamula a muloko wa Yave – aYixrayeli! Kinoohakalala vamaithoni wa Yave.”

2 Samuweli 6:21 Iomraidhean Croise

2 Samuweli 5:2

Khalayi, Sawuli areene nlelo mwenaahu, ti nyuwo mwaahoolela anakhotto a aYixrayeli mukhottonimwaya. Yave aaweerelani: ‘Nyuwo mmwaahoolele aYixrayeli mulokwaaka ni munookhala mutokweenaaya.’”

2 Samuweli 6:14

Davide, angwanreene mooxikootti a esaseredoti a eliinyu*, anniina vamaithoni wa Yave ni murimaawe wootheene,

2 Samuweli 6:16

Vano Arka* a Yave evolowaka esidade ya Davide, Mikali, mwaana muthiyana a Sawuli, aaweha areene vaxanelani. Owo amoonaka mwene Davide iinaka ni ahakalalaka vamaithoni wa Yave, khaamoonenle.

2 Samuweli 6:22

Kinimwiiyevihatho kiiveihaka ntoko muhimmaanyu. Vaheera kinoottittimihiwa ni ipottha ithiyana, mwa seiyo munghimaanyu.”

2 Samuweli 6:5

Davide ni aYixrayeli ootheene yeetta yiinaka ni yiipaka ni murima wootheene vamaithoni wa Yave ni amakita, atthakare ikoma, ikaruma sikina sa nyiri ni ikengere.

2 Samuweli 7:8

Vano, mwamuleele murumeiyaaka Davide: ‘Yave a ikuru sootheene oneera ha: Kohoovenxani mwaacihaanyuwo muhuwo weera mukhale namalamula a mulokwaaka, aYixrayeli.

1 Nyaha 15:29

Arka* a wiiraana a Yave yaavolowaaya musidadeni ya Davide, Mikali mwaana muthiyana a Sawuli, eera oonaka vaxanelani. Hiiho, waaheereya weera woomoona mwene Davide iinaka ni ahakalalaka, aamunyoosa ni murima.

Miteko 13:22

Vahoolo wa omukhootta Sawuli, aamukhaliha Davide ntoko mwene, mwa yoowo Muluku aamukhalenlaawe onamoona eeraka: ‘Koompwhanya Davide, mwaana a Yixai, mulopwana a vamurimaniwaka. Owo anaapake sootheene seiyo siri sa otthunawaka.’

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

1 Samuweli 13:14

Vaheera, vano omwenaanyu khoorwa opwaherera. Yave oomuthanla mulopwana oomusiveliha, anamukhaliha muhooleli a mulokwaawe, niwoko nyuwo khamwiiwelenle Nlamulo na Yave.”

1 Samuweli 15:28

Samuweli aamweerela: “Yave oowaahulani nyuwo omwene wa aYixrayeli olelo ni oomwinnyerera ooreerela woopwahani nyuwo.

1 Samuweli 16:1

Yave aamweerela Samuweli: “Mpaka yaakhani muneeraanyu mmwiinlele Sawuli, keenre kimukhootta okhala mwene a aYixrayeli? Musarihe nnyakananyu makhura ni mpwaheke oBeteleheemu. Kinimoorumihani wa Yixai. Koomuthanla mmoha a anamwanaawe asilopwana weera avariwe omwene.”

1 Samuweli 16:12

Hiiho Yixai aalamulela wiitthaniwa, anarwa. Owo aari ooyareya, a maitho ooreera ni oophwaneliwa. Vanonto, Yave aamweerela Samuweli: “Ti yoola – mweemele, munttikitthele.”