2 Samuweli 24:14 - Emakhuwa Bible

¹⁴ Davide aamwaakhula: “Koothananaxa. Fataari omorela mmatatani mwa Yave ohikhanle mwa atthu, niwoko ikhararisawe siri sitokotoko.”

2 Samuweli 24:14 Iomraidhean Croise

2 Samuweli 9:8

Mefiboxeti aahuurama, anamweerela: “Murumeiyaanyu taani weera mumpwatthe mwalapwa ookhwa ntoko miyo?”

2 Mamwene 6:15

Murumeiyi a mulopwana a Muluku aavenyaawe oxaawaya ni akhumakaru mpaani, aawoona anakhotto vamoha ni ikavalu* ni ikaaro sa ikavalu* sa ekhotto erinceene esidade. Murumeiyi aamukoha Elixa: “Ii! Pwiiyaaka, nipakekeni?”

1 Nyaha 21:13

Davide aamwaakhula: “Othananawaka ti otokotoko! Fataari omorela mmatatani mwa Yave, niwoko ikhararisawe ti sitokotoko, ohikhanle omorela mmatatani mwa atthu.”

Icipo 119:156

Ii! Yave, ikhararisanyu ti sitokotoko; muthokorore okumaaka muttharihaka malamulowaanyu.

Icipo 130:4

Vaheera mwa Nyuwo yookhala elevelelo weera mooviwe.

Icipo 130:7

Ii! aYixrayeli! Munroromele Yave, niwoko mwa Yoowo wookhala osivela woororomeleya ni ovuluxa wookwanela.

Icipo 145:9

Yave ongwoonihera murimaawe wooreera ootheene; ommorela ikharari soopattuxasawe sootheene.

Icipo 51:1

Ii, Muluku! Mukimorele ikharari niwoko na osivelawanyu woohimala; mucipihe sootthekasaka soonanara niwoko na murimaanyu wooreera.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Masu a Miruku 12:10

Oororomeleya onkosoopa nnenesene mihuwosawe, vaheera mpaka ipakelo sooreera sa atakhali simmalela mooxililini.

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 39:17

Vaheera Miyo kinoowoopolani nihuku nno, oneera Yave; nyuwo khamwinnyereriwa mmatatani mwa yoole mummoovaanyu.

Icipo Soolalamika 3:22

Niwoko na murimaawe wooreera Yave, nlelo khoomanle, weenre osivelawawe ohooceeleyaka.

Daniyeli 9:9

Yave Mulukwaahu ti a ikharari ni oolikaneene olevelela, nrimoovaanyaniru.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Mikeyasi 7:19

Munoonimorelatho ikharari; munoonyikalela sootakhalasahu ni munoorihela sootthekasahu sootheene moowiixera mwa ephareiya.

Zakariya 1:15

mene koonyoonyeriwa miloko siniixoona okhala soolipasene. Kaanyoonyeriwa vakhaani paahi, mene iyo saahaandyeerera erisa.’

Yohaane 12:27

Vano munepaaka woothananaxa ni nkeere eheeni? Tiithi, mukivuluxe mwa ehuhu yeela! Hoye, kirweenle vekhaikhai wa yeeyo; wa ehuhu yeela.

aFilipi 1:23

Nlelo kiri vamarekhano: Kinghaawela opwaha weera kikhale ni Kristu, yeeyo eri yootepaxa ooreera.

1 Samuweli 13:6

Asilopwana a aYixrayeli yoonaka weera aaxanga, ni weera anakhottwaahu aakacamiheyaxa, yaahiipithasa mmakhukuni ni mmalittini; variyari wa nyala, mmahimeni ni mmattankhini.