2 Samuweli 23:5 - Emakhuwa Bible

⁵ Emusaaka yohaakhuleliwa ni Muluku. Owo ookikhalihera wiiraana woohimala – woolipihiwa ni woororomelihiwa mmikhaleloni moothemwene. Vekhaikhai Owo onookeettiherela nnenesene mwa sootheene, akivahaka sootheene kinghaawelaaka.

2 Samuweli 23:5 Iomraidhean Croise

Epacerero 9:16

Imaara sootheene muura oneeraaya okhumeke mmahutteni, nkiwehe yoowo ni nkuupuwelele wiiraana woohimala variyari wa Muluku ni itthu sa okumi sootheene sinkhala mweelaponi ya vathi.”

2 Samuweli 12:10

Mweenre mukiramburaka munkuxaka mwaariye Uriya, muHiti, vaatevanyu, khoomala owanawana.’

2 Samuweli 13:14

Wa soothesene, aakhootta omwiiwelela ni eenre alipaxa ompwaha Tamari, aamukoniha.

2 Samuweli 13:28

Abesalomi aahaalamulela asilopwanaawe: “Mwiiwe! Amenoni ahapaliwa eviinyu ni miyo kaweerelani: ‘Mmwiive Amenoni,’ vano mmwiive. Muhoove, niwoko ti miyo koolamulenleni. Mulipe ni mminye murima!”

2 Samuweli 18:14

Yowabe aamweerela: “Nkaase ocerewawene ni weyo.” Aakuxa mavaka mararu, anahomano murima wa Abesalomi, owo nlelo aangiyeene mmwirini wa ekarivalyu* areene ni okumi.

2 Samuweli 7:12

Waamalaka okumaanyu, muniitthuuwa vamoha ni makholowaanyu, kinoomukhaliha mmoha a ekhapiraanyu weera oorandeleni. Owo onookhala a ekhapiraanyu ni Miyo kinookhaliha omwenaawe.

2 Samuweli 7:18

Vano mwene Davide aavolowa mutabernaakuluni, anakilaathi vamaithoni wa Yave, anavekela: “Ii! Yave onlamula sootheene, miyo ni emusaaka taani wookiruuhela ekhalelo ela olelo?

1 Mamwene 1:5

Vano mwaana mulopwana a Davide, Adoniya, mwa yoowo amayawe yiitthaniwa Hagiti, aasareya wiixoona eeraka: “Miyo kinookhala mwene.” Aareherera ikaaro ni anamweettiha ikaaro sa ikavalu* nitho asilopwana miloko mithanu weera etthimakele ohoolowawe.

1 Mamwene 11:38

Mwapaka yeeyo kineeraaka koolamuleleni ni mweetta mphironimwaka mwemmo Miyo kintthunaaka mwiiwelelaka ikanosaka ni malamulowaaka ntoko aapankaawe murumeiyaaka Davide, kinookhala ni nyuwo. Kinimoovahani omwene wa mahuku ootheene ntoko kaampakenlaaka Davide ni kinimoovahanitho oYixrayeli.

1 Mamwene 12:14

attharaka miruku sa amiravo. Owo aaweerela: “Atithaka yaahoolemeliherani; miyo kinimwaandyeerera yoolemela ele. Atithaka yoottaruxani ni ekwamba; miyo kinimoottaruxani ni awalisi!”

Icipo 111:9

Owo ooruuhela ovuluwa mulokwaawe; Owo ookhaliha wiiraanawawe wa mahuku ootheene – Nsinanawe ti nootteela ni noowooveya.

Icipo 119:81

Okumaaka onghaawelaxa ovuluxawanyu, mene owehererawaka ori mmasunimwanyu.

Icipo 27:4

Koomvekela Yave etthu emoha ni ti yeela kinaasaaka: kintthuna okhala Mpaani mwa Yave mahuku ootheene a okumaaka weera koone oreera wa Yave ni kamwaase Mpaanimwawe.

Icipo 62:2

Ti Owo paahi Mwalaaka ni Ovuluxiwawaka. Owo ti Olipawaka – nkirwaru kittikinyiwa.

Icipo 89:3

Mweenre: “Koopaka wiiraana ni oothanliwaaka; koomuroromeliha murumeiyaaka Davide ni nlipelo:

Yesaya 11:1

Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yesaya 27:6

Mmahukuni a muhoolo, Yakobe onookhala ni mikwankhwaari ni oYixrayeli onoottuva ithutu, osarihaka elapo yootheene ni soowiima.

Yesaya 4:2

Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 54:10

Naari nyaako sittikinyeyaka ni mattumuxa evenxiwaka, woosivelaniwaka woohimala khoottikinyeyaru naari wiiraanawaka wa murettele khoovenxiwa,” onghima Yave onoomorelani ikharari.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yesaya 61:8

Vano Miyo, Yave, kinsivela ekhaikhai; kinthanya wiiya ni sootakhala sootheene. Moororomeleyanimwaka kinimwaavaha ntthuvelo ni kinoopaka wiiraana woohimala ni yaawo.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yeremiya 32:40

Kinimwaakhalihera wiiraana woohimala: Nkirwa kihiya waapakela nnene, ni kinoopakiha weera ekoove ni murima, weera ehikihuluwetho.

Yeremiya 33:21

vano onoomalihiwa wiiraanyihawaka ni murumeiyaaka Davide, ni weereya hiiho, owo khakhalanotho ekhapira eniilamule vahiceniwawe ya emwene; onoomalihiwatho wiiraanawaka ni aLeevi ari asaserdoti* ankirumeela.

Ezekiyeli 37:26

Kinookhaliha wiiraana wa murettele ni yaawosa; onuukhale wiiraana woohimala. Miyo kinimwaalipiha, kiwaandyeerereke, ni kinimwiikaathi eriyaraayasa Nipuronaka Nootteela*.

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,

Miteko 13:34

Muluku aamvenyereriha mookhwaani weera Owo ahihokoleeletho muyuntteloni. Eyo Muluku aahima ni masu ala: ‘Miyo kinoovahani mareeliho ootteela ni oororomeleya yaaroromelihiwe wa Davide.’

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

aHeberi 6:19

Nookhalano oweherera wu ntoko nipuro noolipihiwa mookuminimwahu, noolipa nnenesene. Nroromelo nna nimvolowa mpuwa mwa empa yootteela mpaka wiithela wa ekuwo etokotoko,

1 Samuweli 2:35

Kinimwiikhalihera musaserdoti* oororomeleya mwa yoowo aneette ntoko kintthunaaka ni muupuwelowaaka. Kinookhaliha nnenesene emusaawe ni owo onoorumeela mahuku ootheene vamaithoni wa oottikittheliwaaka.

1 Samuweli 25:28

Dyoontte mulevelele nthowa na murumeiyaanyu, niwoko vekhaikhai Yave onookhaliha omwenaanyu wa mahuku ootheene mweenre ngwanaka ikhotto sa Yave. Nihiphwanyaneye nthowa mwa nyuwo wa mahuku ootheene.