2 Samuweli 23:10 - Emakhuwa Bible

¹⁰ mene owo aapwaherera vanipuroniwawe aawananaka aFilisti mpaka ntatanawe omuuma mwaha wa ovukhula ekatana. Nihuku nne Yave aahaawinihaxa aYixrayeli, anakhotto enahokoleelasa aaraawewo Eliyazari, mene yaarowenle ohuhula mittembo paahi.

2 Samuweli 23:10 Iomraidhean Croise

2 Samuweli 23:12

Wa soothesene, Xama aaheemela eriyari ya ematteene yeele, anaakihera ematta awiivaka aFilisti. Yave aangwinihaxa.

2 Mamwene 5:1

Vanonto Nahamani aari mutokweene a anakhotto a mwene a awArami. Aari oottittimiheyaxa vamaithoni wa pwiiyaawe ni oosuwanyeya niwoko mwa yoowo, Yave aangwiniha awArami. Aari nakhotto ooweraxa, mene aahaawa makokho.

1 Nyaha 11:13

Owo aari ni Davide oPas–Dayimi, weiwo aFilisti yaathukumanenlaayawo ekhotto. Vanipuroni yaaraayawo ematta ya esevada* yincipale, anakhotto a aYixrayeli yaahaatthawasa aFilisti,

Icipo 108:13

Kinoowina ni ekhavihero ya Muluku ni Owo onimwaanyikalela amwiittanaahu.

Icipo 144:10

Nyuwo munaawiniha mamwene ni munimutapuxa murumeiyaanyu Davide wa ekatana yoowiiva.

Icipo 68:12

“Mamwene ni anakhottwaaya antthawa woowaakuveya ni asilopwana ankawa soohuhula.

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

aRooma 15:18

Nkinuuluma masu makina, ohikhanle othalihera yeeyo Kristu owenraawe aweettihaka amalapo omwiiwelela Muluku niwoko na maswaaka ni mutekwaaka.

2 aKorinto 4:5

Vano, khanniilaleiya hiyo asineenaahu, mene ninnimulaleiya Yeesu Kristu weera ti Apwiya, vaheera hiyo nri ipotthasanyu niwoko na Yeesu.

Yoxuwa 10:10

Yave aahaapupurumiha ohoolo wa aYixrayeli ni aYixrayeli yaahaawina vancipale oGibiyoni. aYixrayeli yaahaattharelela mphironi enrowa oBeti-Horoni ewiivaka mphironi mpaka wAzeka ni oMakeda.

Yoxuwa 10:42

Owo aahaawina mamwene ootheene ale vamoha ni ilaposaya ekwaha emoharu yeeyo, niwoko Yave, Muluku a aYixrayeli, aahaawanela aYixrayeli.

Yoxuwa 11:8

Yave aawinnyerera aYixrayeli. Awosa yaahaawina yaattharelelaka mpaka oSidoni otokweene, oMiserefoti-Mayimi, mpakatho vareyareyani wa oMizepa, mpatta ninkhuma nsuwa, enawiiva, ehimuhiyaka mukumi.

Ahooleli 15:14

Yaaphiyasaaya oLehi, aFilisti yaamuciceera ekhuwelaka. Vaheera Munepa wa Yave waamulipiha. Mikhoyi aatthukeliwaawe saathatuwa antoko weera miraambela sooza ni saamora mmononimwawe.

Ahooleli 15:18

Samesoni aavolaxiwa ntthona, anamukhuwelela Yave: “Mookivaha owina wu otokotoko. Vano kikhweeke ntthona kimorelaka hiiho mmatatani mwa oohiineliwa?”

1 Samuweli 11:13

Wa soothesene, Sawuli aawaakhula: “Khaawo aniiviwe olelo, niwoko nihuku nna Yave oowoopola aYixrayeli.”

1 Samuweli 14:23

Nihuku nne Yave aawoopola aYixrayeli ni ekhotto yaapwaherera mpaka mpatta mukina wa oBet-Aveni.

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 17:53

aYixrayeli ehokolowaka yaattharelenlaayawo aFilisti, yaahuhula sootheene saari yaakonenlaayawo.

1 Samuweli 19:5

Aaleva okumaawe amwiivaka muFilisti. Yave ohaawiniha vancipale aYixrayeli ootheene; nyeenyuweene mohoona sootheene munahakalalela. Mmumpakele heeni yoonanara oohinthowa ntoko Davide, mmwiivaka woohikhala niwoko?”