2 Samuweli 22:31 - Emakhuwa Bible

³¹ Ephiro ya Muluku ti yookwanela; masu a Yave ti oophwanela ororomela. Owo ti yoowiixaakihera wa ootheene animuroromela.

2 Samuweli 22:31 Iomraidhean Croise

2 Samuweli 22:3

Mulukwaaka ti Mwalaaka mwa weiwo kintthawelaakawo; Exikudwaaka yoowiixaakihera ni Nnyaka na ovuluxiwawaka. Owo ti nipuronaka noolipaxa ni etoore* yootthawelaawo. Nyuwo Yave ti Mvuluxaaka, mwa Yoowo onkoopola mwa anamapuhera.

Nehemiya 9:8

Mwaahoona weera murimaawe waari woororomeleya wa Nyuwo, mwaakhaliha wiiraana ni yoowo muroromelihaka ovaha ekhapiraawe ilapo sa aKanaani, aHiti, awAmori, aPerizi, aYebusi ni aGirgasi. Vano mookwanihera yoororomelihaanyu, niwoko ti oororomeleya.

Yobi 34:10

Tivawo, mukiwiriyane, nyuwosa murino esuwelo. Muluku khampakaru yoonanara, aani Muluku a ikuru sootheene khampakaru yootakhala.

Icipo 119:140

Soororomelihasanyu sohaakhuleleyaxa; tivawo murumeiyaanyu ola onsivelaawe.

Icipo 12:6

Vano masu a Yave ti ookwanela, ntoko eparatha* yoototoxiwa muttukutthani yoorehereriwa imaara ithannapiili.

Icipo 145:17

Yave ti oororomeleya mphironimwawe moothemwene, asivelaka sootheene ompakaawe.

Icipo 18:30

Ephiro ya Muluku ti yookwanela; masu a Yave ti oophwanela ororomela. Owo ti yoowiixaakihera wa ootheene animuroromela.

Icipo 2:7

Kinoolaleiya ekano ya Yave. Owo ookeerela: “Weyo mwanaka; olelo kohooyara.”

Icipo 35:2

Mukuxe exikudwaanyu ekhaanene ni etokotoko; murwe, mukikhavihere.

Icipo 84:9

Ii! Muluku, ngwehe exikudwaahu; mmoonihere murimaanyu wooreera oottikittheliwaanyu.

Icipo 91:4

Owo onimookhuneelani ni mapururuwaawe; munoophwanya nipuro nootthawelamo vathi wa mapuphaawe. Ororomeleyawawe onookhala exikudu* yoowiixaakiheraanyu.

Masu a Miruku 30:5

Khula nsu na Muluku vekhakhai ti nootteela. Owo ti Yoowiixaakihera wa yoowo onimutthawelela.

Namalaleiya 3:14

Koosuwela weera sootheene Muluku opankaawe, sinoopwaherera wa mahuku ootheene; wa yeeyo kheenaandyeerereya etthu, hata kheemvukuwaru etthu. Muluku opakenle hiiho weera atthu emoove.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 4:37

Vano miyo, Nebukadenezari, kinimuttottopela, kinimuttittimiha ni kinimvuwiha Mwene a wiirimu, niwoko sootheene ompakaawe ti sa ekhaikhai ni iphirosawe sootheene ti sookwanela. Owo ongwera wayeviha ootheene aneetta moota woowiixoona.

Matheyo 5:48

Tivawo, mukhale ookwanela, ntoko Atithinyu ari wiirimu.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.