2 Samuweli 22:1 - Emakhuwa Bible

¹ Davide aamwiipela Yave ecipo ela Yave amooponleene mmatatani mwa amwiittanaawe ootheene ni mwa Sawuli.

2 Samuweli 22:1 Iomraidhean Croise

2 Samuweli 12:7

Vano Natani aamweerela Davide: “Mutthweene yoowo ti nyuwo! Yave Muluku a aYixrayeli oneera ha: ‘Kohoottikitthelani omwene wa aYixrayeli ni kohoovuluxani mmatatani mwa Sawuli.

2 Samuweli 22:49

Ti Nyuwo munkoopola mwa amwiittanaaka; mookikhaliha vasulu wa awananaaka. Mookivuluxa mwa asilopwana oopuhera.

1 Nyaha 16:7

Naari nihuku nenenenne na emaara yoopacera Davide aamvanghaawe Asafi ni amusaawe ecipo yootthapela ela weera emvuwihaseke Yave:

Icipo 34:19

Sookacamiha sa oororomeleya sohaatta, vaheera Yave ommoopola mwa sootheene seiyo.

Icipo 50:14

Mumpakele Muluku sooveleela sootthapela, mukwanihere soomuroromelihasanyu a Musulusulu.

Okhuma 15:1

Vano Moisesi ni aYixrayeli yaamwiipelasa Yave ecipo ela: “Kinimwiipela Yave niwoko ti oowina moovuwani. Oovonyera mphareiya ekavalu* ni namweettihaaya.

2 aKorinto 1:10

Owo oonoopola wa woopiha otokotoko wa okhwa, ni anaapwaherere onoopola. Ninnimuroromela Yoowo weera anaapwaherere onoopola,

Deuteronomiyo 31:30

Vanonto Moisesi aahuuluma masu a ecipo yootheene ela yiiwiwaka ni muthukumano wootheene wa aYixrayeli:

2 Timootheyo 4:18

Apwiya eniikivuluxe mwa muteko woonanara wootheene, ni eniikironghe oovuluxiweene moomwenenimwaya wa wiirimu. Wa Yaawo okhale ovuwa mahuku ootheene oohimala. Ame*.

Ahooleli 5:1

Nihuku nenenenne Debora ni Baraki, mwaana mulopwana a Abinowami, yaahiipasa ecipo ela:

1 Samuweli 23:14

Davide annakhala mmapuroni oolipaxa onikareni ni mmanyaakoni a nikare na oZifi. Khula nihuku Sawuli annamwaasa, mene Muluku khamwinnyerenre mmatatanimwawe.

1 Samuweli 24:15

Yave akhale Mphukaahu athorihaka variyariwahu. Owo athorihe ni ekhaikhai akaakihaka woopopihiwa wu.”

1 Samuweli 25:29

Hata akhalaka mukina anoottharatthareni weera awiiveeni, Yave Mulukwaanyu onoowaakihani, oopolaka okumaanyu ntoko etthu yootthuneyaxa. Vaheera okumi wa amwiittanaanyu onoovonyeriwa ottaiwene ntoko nluku nivonyingwe ni ekwambala.

1 Samuweli 26:24

Mooteene yoowo miyo kiwooponlaakani olelo, Yave oopole okumaaka akivuluxaka mwa ohaawawaka wootheene.”

1 Samuweli 27:1

Vanonto Davide aahuupuwela: “Nookhala nihuku aneeraawe akiive Sawuli. Fataari otthawela elapo ya aFilisti. Hiiho Sawuli anaahiye okaasaasa mweelaponi ya oYixrayeli yootheene, ni miyo kinimoopowa mmatatanimwawe.”