2 Samuweli 21:14 - Emakhuwa Bible

¹⁴ Yaavitha makhuva a Sawuli ni Yonatani onihiyeni na Kixi, atithawe Sawuli, oZela, elapo ya Benyamini, epakaka sootheene mwene aalamulenlaawe. Vahoolowaya Yave aahaakhula mavekelo eerelaka oYixrayeli.

2 Samuweli 21:14 Iomraidhean Croise

2 Samuweli 21:13

Davide aaruuhawo makhuva a Sawuli ni mwaniye Yonatani ni aalamula weera makhuvaaya etakansiwe ni yaale yiiviwe ni aGibiyoni.

2 Samuweli 24:25

Davide aamutekelawo Yave altaari*, anapaka sooveleela soohisa ni sa murettele. Yave aahaakhulela mavekelo mwaha wa elapo ni naamala nihooxo naaphwata oYixrayeli.

2 Samuweli 3:32

Yaamvitha Abeneri oHeberoni ni mwene aahiinla akhuwelaka ohoolo wa nihiye na Abeneri. Ni atthu ootheene yaahiinlatho.

2 Samuweli 4:12

Vano aahaalamulela anakhottwaawe ni awosa yaawiivasa ooweeli. Vahoolowaya yaakutula matataaya ni inaawosaya enatthukelela mittembosaya orattani na oHeberoni. Vaheera yaakuxa muru wa Ixi-Boxeti, enavitha munihiyeni na Abeneri oHeberoni.

Yoonasi 1:15

Vanonto yaamvara Yoonasi, enamvonyera mphareiyani yoosareya owali ni ele yaamaala.

Zakariya 6:8

Vano owo aakiitthana, anakeerela: “Moone, iyo sirongwe wa elapo ya ottuttuwani soovaha Munepaaka wiitthuuwa mweelaponi eyo.”

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

Nuumeru 25:8

anamutthara muYixrayeli mpaka oheemani, anaahomasa ooweeli ni nivaka; aamuhoma muYixrayeli ni muthiyana. Hiiho naamala nihooxo naarweenle aYixrayeli.

Yoxuwa 18:28

oZela, oHayalefi, esidade ya aYebusi (eyo tiiyo oYerusaleemu), oGibeya ni oKiriyati. Saari isidade muloko niixexe ni mittetthesaya. Ela yaari yoohiyeriwa ya mahimo a Benyamini.

Yoxuwa 7:26

Vasulu wa Akani yaahuukeliwa maluku mancipale aakhala mpaka olelo. Yave aariiriha isarasawe. Tivawo nipuro nne nniitthaniwaaya oreyareyani wa Akori mpaka olelo.

1 Samuweli 10:2

Olelo nyuwo mwaattimulaka, munimwaaphwanya asilopwana eeli vakhiviru wa nihiye na Rakheli, oZeleza, mmwiinanoni wa oBenyamini. Awosa anooweerelani: ‘Abuuru mwa yaawo mungwaasaanyu aaphwanyiwa. Vano atithinyu aahiya waatthukuruwela abuuru anootthukuruwelani nyuwosa. Awo ankohakoha yeeraka: “Nkimphwanye hai mwanaka?”’