2 Samuweli 20:6 - Emakhuwa Bible

⁶ Davide aamweerela Abixai: “Xeba, mwaana mulopwana a Bikeri, anaanitepelaxe ompwaha Abesalomi. Mwaakuxe anakhottwaaka ni mwamuttharatthare weera ahiphwanye esidade yoolipiheriwa, anitthawaka.”

2 Samuweli 20:6 Iomraidhean Croise

2 Samuweli 10:14

awAmoni yoonakaru weera awArami yaamutthawa Yowabe, awosatho yaamutthawa Abixai, enatthawelasa musidade. Vanonto Yowabe aahiya waawanano awAmoni, anahokoleela oYerusaleemu.

2 Samuweli 11:11

Uriya aamwaakhula: “Arka* ni asilopwana a oYixrayeli ni oYuda aniitthuuwa muheemani ni pwiiyaaka Yowabe ni anakhotto a pwiiyaaka akonelanse vattendereni. Vekhaikhai nkingwera orowa owaani weera kace, kawure ni kamukoneno mwaaraka! Kinlipela mwa okumaanyu weera nkipaka siiyeeyo!”

2 Samuweli 18:12

Vano mulopwana aamwaakhula: “Naari mweera mukivahe ixekeli* macira muloko, nkaamwiiva mwaana mulopwana a mwene. Hiyo nohiiwa nnenesene seiye mwene oolamulenlaaweni nyuwo, Abixai ni Itayi eeraka: ‘Mwakikosoopere mmiravo Abesalomi.’

2 Samuweli 18:2

Vahoolowaya aahaakawanyiha anakhotto mipatta miraru: mmoha waahooleliwa ni Yowabe; mukina ni Abixai, munneiye Yowabe mwaana mulopwana a Zeruhiya ni wanaararu ni Itayi, muGiti. Mwene aaweerela anakhotto: “Vekhaikhai, miyo muneenaaka kinimoohoolelani.”

2 Samuweli 19:7

Vano mukhume ni mwalipihe mirima sa anakhottwaayu. Kinlipela mwa Nsina na Yave weera mwaahikhuma, ohiyuweene yoola khamunimuhalanaru nakhotto. Eyo eniikhale yootepaxa opwaha irisa sootheene sookhumelenleni okhuma omirawaanyu.”

2 Samuweli 2:18

Anamwane asilopwana araru a Zeruha yaariwo: Yowabi, Asaheli ni Abixai. Vano Asaheli munsaatalani aatthimaka ntoko naahe.

2 Samuweli 21:17

Wa soothesene, Abixai, mwaana mulopwana a Zeruha, aamvuluxa Davide amwiivaka muFilisti. Asilopwana a Davide yaamulipelela yeeraka: “Khamurwatho munihoola mukhottoni weera waara wa oYixrayeli ohicipihiwe.”

2 Samuweli 23:18

Abixai, munneiye Yowabe, mwaana mulopwana a Zeruha, aari mutokweene a Miloko Miraru. Ehuhu emoha aawiiva anakhotto macira mararu ni nivakanawe, epilaawe elikanaka ni ya anakhotto araru ale.

2 Samuweli 3:30

Yowabi ni munneiye Abixai yaamwiiva Abeneri niwoko owo aamwiiva munneiye Asaheli mukhottoni ya oGibiyoni.

2 Samuweli 3:39

Olelo, kirookhalaru mwene oottikittheliwa ni Muluku, kookhulumuwa. Anamwane ale a Zeruha ti oolipa okipwaha miyo. Yave amuttaruxe yoowo ophwanenle ottaruxiwa mwa yoonanaraawe!”

1 Mamwene 1:33

Davide aaweerela: “Mwaaroweno arumeiyi a apwiyaanyu ni mungwelihe mwanaka Salomoni vabuuruniwaka ni munronghe oGihoni.

1 Nyaha 11:20

Abixayi, munneiye Yowabe, aari mutokweene wa mukuttula wa anakhotto miloko miraru. Owo aahaawanano ni nivaka nimoha anakhotto macira mararu, anawiiva, anakhalano epili antoko araru ale.

1 Nyaha 18:12

Mureyareyani na Maakha Abixayi, mwaana mulopwana a Zeruha, aahaaphwata awEdomi 18 000.

Yeremiya 8:14

Nikilaathenleni va? Muthukumane! Nitthaweleke isidade soolipihiwa weera nakhwelewo. Yave Mulukwaahu oonithorihela weera niphwatiwe ni oonivaha maahi ooheliwa yoohapala weera niwure niwoko noomutthekela.

Marku 3:24

Omwene wakawanyeiya muneenaayaru, khoongwereya opwaherera.

1 Samuweli 26:6

Vano Davide aamukoha Ahimeleki, muHiti, ni Abixai, mwaana mulopwana a Zeruha, munneiye Yowabi: “Taani anaakihoole okonenlaawewo Sawuli?” Abixai aamwaakhula: “Miyo kinimoohoolani.”