2 Samuweli 19:22 - Emakhuwa Bible

²² Davide aamwaakhula: “Mumpwatthela heeni yeeyo anamwane a Zeruha? Olelo mookirukunuwela! khoontthuneya weera akhalaru mutthu a oYixrayeli akhwetho, niwoko ti nihiku kimpwahereraaka okhala mwene a aYixrayeli.”

2 Samuweli 19:22 Iomraidhean Croise

2 Samuweli 16:10

Wa soothesene, mwene aamwaakhula: “Mumpwatthela heeni yeeyo anamwane a Zeruha? Aari Yave omulamulenle okinyohola, vano nyuwo taani oomuhiiha?”

2 Samuweli 16:5

Davide amwaattamelaka Bahurimi, mulopwana mmoha a nihimo na Sawuli aakhumamo. Nsinanawe naari Ximei, mwaana mulopwana a Gera ni akhumaka, aamunyohola.

2 Samuweli 16:9

Vano Abixai, mwaana mulopwana a Zeruha, aamweerela Davide: “Khoontthuniheriwa weera mwalapwa ookhwa ola omunyohola mwene! Mukihiyeke kirowe kamuhite!”

2 Samuweli 3:39

Olelo, kirookhalaru mwene oottikittheliwa ni Muluku, kookhulumuwa. Anamwane ale a Zeruha ti oolipa okipwaha miyo. Yave amuttaruxe yoowo ophwanenle ottaruxiwa mwa yoonanaraawe!”

Yesaya 16:5

Ehice ya emwene enookhalihiwa moosivelani; moororomeleyani mulopwana onookilaathimo – mmoha a ekhapira ya Davide: Mphuki onaasaasa ekhaikhai aakuveyaka waakiha eri ya ekhaikhai.

Matheyo 8:29

Vano awo yaakhuwela: “Mwaana a Muluku, muntthuna eheeni ni hiyo? Mwaaweenle va onihooxa ehinaaye ophiya ehuhuwaahu?”

1 Samuweli 11:13

Wa soothesene, Sawuli aawaakhula: “Khaawo aniiviwe olelo, niwoko nihuku nna Yave oowoopola aYixrayeli.”

1 Samuweli 26:11

Yave akihiiheke weera kihimwiive oothanliwa a Yave. Nikuxe nivaka ni exaaru eri ni maahi siri waamuruwawe, nipwaheke.”

1 Samuweli 26:8

Abixai aamweerela Davide: “Olelo Yave oomwinnyerera mwiittanaanyu mmatatanimwanyu. Mukihiyeke kimuhome ehutta mpaka ophutula vathi emaara emoha paahi ehitthuneyaka ekina.”

1 Samuweli 26:9

Vano Davide aamwaakhula Abixai: “Muhimwiive! Khoongwereya opwaherera woohinthowa vahoolo woomwiiva oothanliwa a Yave.”