2 Samuweli 17:23 - Emakhuwa Bible

²³ Ahitofeli oonakaru weera mirukusawe khasaakhuleliwe, aangwela buurwaawe, anarowa owaani esidade aayareliwaawe. Aareherera itthusawe sootheene, aniitthukelela. Vano aavithiwa onihiyeni na atithawe.

2 Samuweli 17:23 Iomraidhean Croise

2 Samuweli 15:12

Abesalomi amalihaleene opaka sooveleela, aamwiitthana namalakaawe mwene, Ahitofeli, muGiloni, onkhala oGilo. Yoovaanelela yaakhala ni ikuru yaattaka yaawo yaamutthara Abesalomi.

2 Samuweli 15:31

Vano Davide aaleeliwa: “Ahitofeli ori mpatta wa Abesalomi.” Tivawo Davide aamvekenlaawe Yave: “Ii! Yave sihivareleye muteko miruku sa Ahitofeli!”

2 Samuweli 16:23

Vano mmahukuni ale miruku sa Ahitofeli saalikana ntoko miruku saarweela wa Muluku. Davide ni Abesalomi ooweeli yiiwelela mirukusawe.

2 Samuweli 17:22

Vano Davide ni ootheene yaari ni yoowo yaarowa oYordanu. Nsuwa naakhuma, ootheene elapungweene.

1 Mamwene 16:18

Zinri oonakaru weera esidade yookuxiwa, aatthawela munipuroni noolipaxa na empa ya emwene, aniihiseramo, anakhwa.

2 Mamwene 20:1

Ehuhuweene yeele Hizekiya aavoreiwa mpaka aahanle vakhaani okhwa. Mprofeeti Yesaya, mwaana mulopwana a Amozi, aarowa omuxekura, anamweerela: “Yave oneera ha: ‘mureherere itthusanyu niwoko munimookhwa; vekhaikhai khamulama.’”

Yobi 31:3

Ti oheleya nthala wa atakhali, erisa wa yaawo ampaka yoonanara.

Icipo 109:20

Itthu sootheene iya sikhaleke soowaalivela Yave yaale ankoothera; yaale ankuuluma.

Icipo 5:10

Ii! Muluku, mwaathorihe, awosa emorele mwa soovaanelasaya. Ngwoomole niwoko na sootakhalasaya sincipale yeenre enoovaanyani.

Icipo 55:23

Vaheera Nyuwo, Muluku, munaakuruxela atakhali munlittini na ophwata. Anamapuhera ni anamwiiva khaankwanihera eriyari ya mahukwaaya a okumi. Wa soothesene, wa mpattaaka, kinoororomelani Nyuwo.

Masu a Miruku 16:18

Ophwatiwa ontthara wiixoona; omora ontthara wiikuxerera.

Masu a Miruku 19:3

Ti ololo wa mutthu onghela nthala okumaawe, vaheera murimaawe onimunyoonyeriwa Yave.

Yesaya 38:1

Ehuhuweene yeele Hizekiya aavoreiwa mpaka ohaleela vakhaani okhwa. Mprofeeti Yesaya, mwaana mulopwana a Amozi, aarowa omuxekura, anamweerela: “Yave oneera ha: ‘Mureherere itthusanyu niwoko munimookhwa; vekhaikhai khamulama.’”

Matheyo 27:5

Vano Yudasi aavonyera musurukhu mpuwa mwa Empa ya Muluku ni iivenxaka, aarowa ni aahiixiiva iitthukelelaka.