2 Samuweli 17:11 - Emakhuwa Bible

¹¹ Tivawo kinoovahaakani miruku iya: Mwaathukumanyihe aYixrayeli ootheene okhuma oDani mpaka oBerxeba – ancipalexa ntoko mihaava sa mphareiya. Ni nyuwo muneenaanyu mwaahooleleke mukhottoni.

2 Samuweli 17:11 Iomraidhean Croise

Epacerero 13:16

Nkaandyeerere ekhapiraanyu yootheene weera ekhale ntoko ntthupi na vathi. Khaawo ongwera waalikela mihaava sa ntthupi na etthaya. Mooteene yoowo khaawo aneera awere waalikela ekhapiraanyu.

Epacerero 21:14

Oxaawaya Abrahaamu aakuxa yooca ni ekacikhi yoosareya maahi, anamvaha Hagari. Vano, amuthatelihakaru mmakhatani, aamulaxera vamoha ni mwaana. Owo aapacera weetta amakamakaka munikareni na oBerxeba.

Epacerero 22:17

vano vekhaikhai Miyo nkooreeliheni. Ekhapiraanyu eniikhale yoowaattaxa ntoko ithenyeeri sa wiirimu ni muhaava wa mukerekhere wa ephareiya. Aani, ekhapiraanyu eniiwine isidade seiyo sineera siittane ni yeeyo.

2 Samuweli 12:28

Vano ngwiitthane anakhotto akina ootheene, mwawaneno esidade ni mwakuxe. Mwaahikuxa esidade, kinimwiiwanyeya weera koowina.”

2 Samuweli 24:2

Vano mwene aamweerela Yowabe ni asitokweene a anakhotto yaari ni yoowo: “Mwaviravire ipuumba sa aYixrayeli okhuma oDani mpaka oBerxeba ni mwaalikele muloko wootheene weera kisuwele waattawaya.”

2 Samuweli 3:10

avenxaka omwene wa Sawuli amvaraka Davide omwene wa aYixrayeli ni aYuda okhuma oDani mpaka oBerxeba.”

1 Mamwene 20:10

Vano Beni-Hadadi aamurumihela mutthenga mukinatho Ahabi: “Miluku sikittaruxaxe miyo kaahiphwataxa oSamariya. Kheehalaru etthu hata yoonarara.”

1 Mamwene 4:20

Muloko wa aYixrayeli waari woohaalikeleyaxa. Awosa yannaca, yannawura, ehakalalaka.

Icipo 9:16

Yave ohiixoonihera ni ekhaikhai; atakhali aapharihiwa muntaphanimwaya. Higayoni* Sela*

Yoxuwa 11:4

Yaahoorwa ni anakhottwaaya ni ikavalu* ni ikaarosaya sincipale; anakhotto oowaattaxa, ntoko muhaava wa mukerekhere wa ephareiya.

Ahooleli 20:1

Vano aYixrayeli ootheene okhuma oDani mpaka oBerxeba ni wa elapo ya oGiliyade yaahoorwa ni murima mmoha ethukumanaka oMizepa vamaithoni wa Yave.

1 Samuweli 13:5

Afilisiti yaathukumana weera yaawaneno aYixrayeli. Yaarino ikaaro sa ikavaalu macira miloko miraru; anamweettiha ikaarosene seiye macira miloko mithannamosa ni waatta wa anakhotto waari ntoko ehaava ya mphareiya. Awo yaarowa oMikemaxi, mpatta ninkhuma nsuwa wa Beti-Aveni, enakonelawo.

1 Samuweli 3:20

aYixrayeli ootheene okhuma oDani mpaka oBerxeba yaahoona weera Samuweli aahaakhuleliwa ntoko mprofeeti a ekhaikhai a Yave.