2 Samuweli 16:1 - Emakhuwa Bible

¹ Davide arongweene wooxuurakamela vamwaako, aamphwanyawo Ziba, murumeiyi a Mefiboxeti, angwehereraka. Aarino abuuru akina ootthukiweene ni ekuxaleene ipaawu macira meeli, iboolu ncira sa iwuuva* soowaarikiwa; iboolu ncira sa efiigu* ni kacikhi oosareya eviinyu.

2 Samuweli 16:1 Iomraidhean Croise

2 Samuweli 15:30

Vaheera Davide aapwaherera awelaka mwaako wa sooliveira*, iinlaka mphironimwawe, iikhunenleene mmuru ni ahiwanre ikwakwatta. Atthu ootheene yaari ni yoowo yaahiikhuneelatho mmuru, eniinla ewelaka vamwaako.

2 Samuweli 15:32

Davide aphiyakaru vasulu mwaako, mwa weiwo muloko waakhovelenlaaya omulapa Muluku, aamoona aarwaaka Huxayi, ngwArki, weera amukumaneno. Soowarasawe soothaala, mmurumwawe oreene itthayaru.

2 Samuweli 19:17

Asilopwana macira muloko aBenyamini yaari ni yoowo vamoha ni Ziba, namawehaweha a vaate wa Sawuli, anamwanaawe asilopwana muloko ni athanu Ziba ni arumeiyaawe miloko miili. Yaahaakuveya ophiya oYordanu mwa weiwo aaraawewo mwene.

2 Samuweli 19:32

Vano Barezilai aahuuluvalaxa – aarino iyaakha miloko mithannamiraru. Ti yoowo aamuciha mwene aaraawe oMahanayimi, niwoko aari namapuha.

1 Nyaha 12:40

Amaki a ipuumba soowaattamana mpakatho a mmapuroni oorakamela ntoko Isakari, Zebuloni ni Nafitali, yaahaaruuhelasa sooca sincipale sikuxiwaka ni abuuru, ikamelu*, amula* ni imombe. Saahaattaxa sooca ntoko iya: Ephepa, iboolu sa ifiigu, iboolu sa iwuuva* soowuumihiwa, eviinyu, makhura, imombe ni ikhondoolo, niwoko waakhala ohakalalaxa oYixrayeli.

Masu a Miruku 18:16

Yoovaha enimuhelela ephiro yoole omvaha ni enimurongha vamaithoni wa asitokweene.

Yeremiya 40:10

Yoomeene kinoopwaherera okhala oMizepa weera kookhaleleni ohoolo wa aBabiloniya eniirwe wa hiyo. Vaheera nyuwosa muhepheke iwuuva* wa eviinyu ni soowiima ni sooliveira* wa makhura. Seiyo muheleke mmanyaapuni, ni mukhaleke mmasidadeni mwaakamenlaanyu.”

Yeremiya 40:12

Vano yaahokolowa mmapuroni moothemwene yaamwareenlaayamo; yaahoorwa mulaponi mwa oYuda, enarowa wa Gedaliya oMizepa. Yaahepha soowiima soowaatta sa elimwe ni iwuuva* wa eviinyu.

Amosi 8:1

Yave a ikuru sootheene ookoonihera mpapara wa soowiima soowiitthwa.

Mikeyasi 7:1

Moota kinghaawaaka! Kinlikana ni yoole onrukula soowiima mweelimweni singhalahala mmatta mwa iwuuva*; kheewoworu ekhuce ya iwuuva* weera kilawihe, kheewoworu efiigu* enyowani kinghaawelaxaaka.

1 Samuweli 10:3

Okhuma vaavaawo munoopwaherera mpaka muneeraanyu mwaphiye vamwirini mutokotoko oTabori. Mmwawoone asilopwana araru erowaka vaNipuroni Nootteela* na Muluku oBeteleheemu ni mmwaaphwanyewo. Mmoha areeneno ipuri tthaaru, mukina ipaawu tthaaru ni ookisera kacikhi a eviinyu.

1 Samuweli 16:20

Hiiho Yixai aamukuxa buuru alemeliweene sooca, nipoottoro noosareya eviinyu ni epuri emoha, anamurumihela Sawuli vamoha ni mwanawe Davide.

1 Samuweli 25:18

Abigayili aahaakuveya, anakuxa ipaawu macira meeli, akacikhi eeli a eviinyu, ikhondoolo ithanu soorehereriwasene, mipatta mithanu sa etrigu yoowaarikiwa, iboolu ncira sa iwuuva* soowuuma ni iboolu macira meeli sa ifiigu, anatthukelela waabuuruni.