2 Samuweli 15:32 - Emakhuwa Bible

³² Davide aphiyakaru vasulu mwaako, mwa weiwo muloko waakhovelenlaaya omulapa Muluku, aamoona aarwaaka Huxayi, ngwArki, weera amukumaneno. Soowarasawe soothaala, mmurumwawe oreene itthayaru.

2 Samuweli 15:32 Iomraidhean Croise

2 Samuweli 1:2

Vanihukuni nanaararu aaphiya mulopwana mmoha akhumaka aakonenlaawewo Sawuli, soowarasawe saahungweene ni areene itthayaru mmuru. Amwaattamelaka Davide aamuuramela ooniheraka nttittimiho.

2 Samuweli 13:19

Tamari aahiihela ettuura mmurumwawe, anaahula mukaandyowaawe iivarenleene muru aakuxera ephiro akhuwelaka ni iinlaka.

2 Samuweli 15:30

Vaheera Davide aapwaherera awelaka mwaako wa sooliveira*, iinlaka mphironimwawe, iikhunenleene mmuru ni ahiwanre ikwakwatta. Atthu ootheene yaari ni yoowo yaahiikhuneelatho mmuru, eniinla ewelaka vamwaako.

2 Samuweli 16:1

Davide arongweene wooxuurakamela vamwaako, aamphwanyawo Ziba, murumeiyi a Mefiboxeti, angwehereraka. Aarino abuuru akina ootthukiweene ni ekuxaleene ipaawu macira meeli, iboolu ncira sa iwuuva* soowaarikiwa; iboolu ncira sa efiigu* ni kacikhi oosareya eviinyu.

2 Samuweli 16:15

Eyo eri hiiho, Abesalomi ni asilopwana a aYixrayeli yaavolowasa oYerusaleemu ni Ahitofeli aari ni yoowo.

2 Samuweli 17:5

Vanonto Abesalomi aaheera: “Mmwiitthanetho Huxayi, ngwArki, weera niiwe mirukusawe.”

1 Mamwene 11:7

Vanttumuxani mpatta ninkhuma nsuwa wa oYerusaleemu Salomoni aamutekelawo nipuro na osulu Kemoxi, muluku a mwiikho a aMowabi ni wa Moloki, muluku a mwiikho a awAmoni.

1 Mamwene 4:16

Bahana, mwaana mulopwana a Huxai wAxeri ni wAlopeti;

1 Nyaha 27:33

Ahitofeli aari namalaka a mwene. ngwArki Husayi aari nthamwene a mwene.

Icipo 3:7

Mvenye Yave! Mukivuluxe Mulukwaaka! Mpwexe ittwattwara sa amwiittanaaka ootheene ni mukhule maino a atakhali ootheene!

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 91:15

Owo onookiitthana ni kinoomwaakhula; kinookhala ni yoowo mmakacamihoni; kinoomoopola ni kinoomuttittimiha.

Luuka 19:29

Yaakhuveelaaya oBetefage ni oBetaniya, vakhiviru wa mwaako oniitthaniwa Sooliveira, aahaarumiha eeli a oohuseraawe aweerelaka:

Yoxuwa 16:2

Okhuma oBeteli ori oLuzi, yaarowa elapo ya awArki, wAtaroti.

1 Samuweli 4:12

Nihuku nenenenne muBenyamini aavenya mukhottoni atthimakelaka oXilo, awanreene soothaala ni areene mmuru etthayaru.