2 Samuweli 15:27 - Emakhuwa Bible

²⁷ Mwene aamweerelatho musaserdoti* Zadoki: “Kookhalano yoovaanela. Muhokoleele osidade mmuretteleni vamoha ni mwaninyu Ahimahazi ni Yonatani mwaana mulopwana a Abiyatari. Nyuwo ni Abiyatari mwaakuxe anamwaniinyu asilopwana eeli.

2 Samuweli 15:27 Iomraidhean Croise

2 Samuweli 15:34

Vaheera mwahokoleela osidade ni mwamweerela Abesalomi: ‘Kinookhala murumeiyaanyu, mwene. Khalayi kaarumeela atithinyu, mene vano kinookhala murumeiyaanyu,’ hiiho munookikhavihera mwaanganyeraka miruku sa Ahitofeli.

2 Samuweli 15:36

Aakhalawotho anamwane asilopwana eeli – Ahimahazi, mwaana mulopwana a Zadoki ni Yonatani, mwaana mulopwana a Abiyatari. Mwa yaawo mukileele sootheene muneeraanyu mwiiwe.”

2 Samuweli 17:17

Yonatani ni Ahimahaxi yaakhala wEni-Rogeli. Epottha ethiyana yannaaleelasa imaara sootheene niwoko khayaawera wiileva yiixooniheraka musidade. Awosa yaarowa omuleela mwene Davide yeeyo yiiwaaya.

2 Samuweli 18:19

Vano Ahimahazi, mwaana mulopwana a Zadoki, aaheera: “Mukihiyeke kitthimakele wa mwene Davide kaaronghelaka ihaali weera Yave ohoopakani nnene ootapuxakani mwa amwiittanaanyu.”

2 Samuweli 24:11

Davide aavenyaawe oxeexelo, Yave eera amuulumanneene mprofeeti Gadi aari namoonihera* a Davide, amweerelaka:

1 Mamwene 1:42

Owo uulumaka hiihaale, Yonatani, mwaana mulopwana a Abiyatari, musaserdoti*, aaphiyaawe. Adoniya aamweerela: “Mvoloweke. Mutthu oottittimiheyaxa ntoko nyuwo wookhala wooruuhaka mutthenga wooreera.”

1 Mamwene 4:15

Ahimahazi oNafitali (owo aathelanne ni Basemati, mwaana muthiyana a Salomoni);

1 Nyaha 25:5

Ootheene ala yaari anamwane asilopwana a Hemani, namoonihera* a mwene. Awosa yaayariwe ntoko Yave aaroromelinghaawe weera aamuntatuxa ooweraxa. Vano Muluku aamvaha Hemani anamwane asilopwana muloko naaxexe ni asithiyana muloko naararu.

1 Nyaha 6:8

Ahitube aamuyanre Zadoki, Zadoki aamuyanre Ahimaaze,

1 Samuweli 9:6

Vano, murumeiyaawe aamwaakhula: “Moone, musidadeni ela ookhala mulopwana a Muluku oottittimiheya. Sootheene owo onghimaawe sinimweereya. Nrowe namuulumane. Apaale owo onoonithoonyera ephiro yookuxera.”

1 Samuweli 9:9

Khalayi oYixrayeli, mukina aarowaawe waasaasa otthuna wa Muluku, eera: “Nrowe, namukohe namoonihera*, niwoko khalayi mprofeeti iitthaniwa ‘namoonihera*’.”